პოლიტიკა • 1793260793

კახა კალაძე: მეტროსადგურ „მარჯანიშვილის“ მიმდებარედ მოვაჭრეების ბედი ჩვენთვის სულერთი არ არის - მათ საშუალება ექნებათ, თავიანთი საქმიანობა სავაჭრო სივრცეებში გააგრძელონ

მოვაჭრეებს, რომლებიც მეტროსადგურ „მარჯანიშვილის“ მიმდებარე ტერიტორიაზე ვაჭრობდნენ, თავიანთი საქმიანობის გაგრძელების საშუალება სავაჭრო სივრცეებში ექნებათ.გარევაჭრობის აღკვეთისა და უნებართვო კონსტრუქციების აღების ფაქტზე თბილისის მერმა კახა კალაძემ დედაქალაქის მთავრობის სხდომაზე ისაუბრა.„როგორც იცით, გარევაჭრობა აკრძალულია, მით უფრო, როდესაც მსგავსი არაორგანიზებული ვაჭრობა ხდება მეტროსადგურების მიმდებარედ, სადაც გადაადგილდება უამრავი ადამიანი. არაერთი თხოვნა, წერილი და სატელეფონო ზარი იყო მოსახლეობის მხრიდან, რომ მოგვეწესრიგებინა „მარჯანიშვილის“ მეტროს შესასვლელთან არსებული ტერიტორია, რადგან მოქალაქეები ვერ ახერხებდნენ დაუბრკოლებლად გადაადგილებას, რომ აღარაფერი ვთქვათ ანტისანიტარიასა და ისტორიულ არეალში ქალაქის იერსახის დამახინჯებაზე“, - განაცხადა თბილისის მერმა.მისივე თქმით, დედაქალაქის მერია გეგმავს მარჯანიშვილის მოედნის რეაბილიტაციას, რაც ახლო მომავალში უნდა განხორციელდეს.რაც შეეხება მოვაჭრეებს, მერის განცხადებით, მათ არაერთხელ მიეცათ გაფრთხილება, თუმცა უშედეგოდ.„აქვე უნდა ვთქვა, რომ ჩვენთვის ამ ადამიანების ბედი არ არის სულერთი და ძალიან კარგად გვესმის მათი მდგომარეობა. შემთხვევითი არ არის ის, რომ დედაქალაქის მუნიციპალიტეტს აქვს ძალიან ბევრი პროგრამა ჯანდაცვის, სოციალური თუ ეკონომიკური მიმართულებით, რათა დავეხმაროთ იმ ადამიანებს, რომელთაც დღეს ყველაზე მეტად სჭირდებათ თანადგომა.  ასევე, მესმის იმ ადამიანების, რომლებიც მეტროსადგურ „მარჯანიშვილის“ მიმდებარე ტერიტორიაზე საქმიანობდნენ. მერწმუნეთ, არავის უნდა, რომ მათი ოჯახები დარჩნენ შემოსავლის გარეშე.შესაბამისად, აღმკვეთი ღონისძიების პარალელურად, ჩვენ დაწყებული გვქონდა მოძიება სავაჭრო სივრცეების, სადაც ეს ადამიანები  შეძლებენ თავიანთი საქმიანობის განხორციელებას. უკვე მოძიებულია ასეთი სავაჭრო ადგილები -  „ქალაქის გული” და „თერგი”. „მარჯანიშვილის“ მეტროსთან მოვაჭრეებს შეუძლიათ, ამ სავაჭრო სივრცეებში გააგრძელონ თავიანთი საქმიანობა,“ - განაცხადა კახა კალაძემ.დედაქალაქის მერმა დაავალა ჩუღურეთის რაიონის გამგებელ დავით მაქაცარიას, კიდევ ერთხელ შეხვდეს ამ ადამიანებს და დეტალურად გააცნოს, თუ რას სთავაზობს თბილისის მერია მათ.ამასთან, თბილისის მთავრობის სხდომაზე კახა კალაძემ მადლობა გადაუხადა მუნიციპალური ინსპექციის თანამშრომლებს, რომლებიც თავიანთ მოვალეობას კეთილსინდისიერად ასრულებენ.„ხაზი მინდა გავუსვა თბილისის მუნიციპალური ინსპექციის თანამშრომლების შრომას, რომლებიც არაერთი წინააღმდეგობის და სრულიად დაუმსახურებელი ლანძღვა-გინების მიუხედავად, კეთილსინდისიერად ასრულებენ თავიან მოვალეობას და აღასრულებენ კანონს, რათა ჩვენი ქალაქი იყოს მოწესრიგებული და დაცული იყოს თბილისელების ინტერესები. მადლობა, რომ დგახართ თბილისის სადარაჯოზე“, - აღნიშნა კახა კალაძემ.

პოლიტიკა • 1793249275

თბილისის საკრებულოს განათლებისა და კულტურის კომისიის თავმჯდომარემ საზოგადოებას ერთი წლის საქმიანობის ანგარიში წარუდგინა

 თბილისის საკრებულოს განათლებისა და კულტურის კომისიის თავმჯდომარემ საზოგადოებას ერთი წლის საქმიანობის ანგარიში წარუდგინა.ბექა ოდიშარიამ მოწვეულ სტუმრებს სტუდენტთა დაფინანსების, კლასიკური მუსიკის, ფოტოგრაფიის, ლიტერატურის, კინოსა და სხვა მიმართულების, ფესტივალებისა და კონკურსების დაფინანსებების შესახებ მიაწოდა ინფორმაცია."დინამიკურია პროცესი თბილისში განათლებისა და კულტურის მიმართულებით, 17 000 ახალგაზრდა გადამზადდა, რომელთა 65% დასაქმდა. მუზეუმების მიმართულებით არის ძალიან დიდი აქტივობები, რეკონსტრუქციები, რეაბილიტაციები. ისეთი საქმიანი ურთიერთობები, როგორც ახლა აქვს თბილისის მერიას და თბილისის საკრებულოს, ალბათ არის ძალიან მნიშვნელოვანი დარგის განვითარებისთვის", - განაცხადა ბექა ოდიშარიამ.

პოლიტიკა • 1793185260

კახა კალაძე ტყუილს უწოდებს ინფორმაციას, თითქოს „რიყის დოქების“ მფლობელმა კომპანიამ სარეკრეაციო ზონის შეცვლის მოთხოვნით მიმართა თბილისის მერიას

ტყუილია, ქალაქის მერიაში არანაირი მსგავსი პროექტი „რიყის დოქების“ მფლობელი კომპანიისგან არ შემოსულა, – ასე გამოეხმაურა თბილისის მერი კახა კალაძე მედიასთან იურისტ ირაკლი აბესაძის მიერ გავრცელებულ ინფორმაციას, თითქოს „რიყის დოქების“ მფლობელმა კომპანიამ სარეკრეაციო ზონის შეცვლის მოთხოვნით მიმართა თბილისის მერიას.მისივე განმარტებით, მშენებლობის ნებართვა გაიცემა იმ შემთხვევაში, თუ ეს ქალაქის ურბანული განვითარებისთვის მისაღები იქნება.„თქვენ მხარდამჭერებს ატყუებთ. დამალული არაფერი არ იქნება. გავცემთ მშენებლობის ნებართვას, როდესაც შემოვა კონკრეტული პროექტი, რომელიც ქალაქის ურბანული განვითარების შესაბამისი იქნება. მანამდე ნუ ავრცელებთ ტყუილ ინფორმაციას. ეგ თქვენ გაზარალებთ. ეს არის ტყუილი, რასაც ერთდღიანი პიარკამპანიისთვის იყენებენ, იგონებენ რაღაცებს, სოციალურ ქსელებში ერთმანეთს აგიჟებენ და მერე თვითონვე იფუშებიან“, – განაცხადა კახა კალაძემ.

დედაქალაქი • 1793180489

თბილისის მერია განცხადებას ავრცელებს

გვინდა, გამოვეხმაუროთ რიგი მედიასაშუალებების მიერ გავრცელებულ ინფორმაციას, თითქოს  კომპანია ,,რიყე დომი“ რიყის ტერიტორიაზე 10-სართულიანი სასტუმროს მშენებლობის ნებართვას ითხოვს - ამის შესახებ განცხადებას თბილისის მერია ავრცელებს.„გავრცელებული ინფორმაცია არის სრული სიცრუე და ემსახურება საზოგადოების დეზინფორმირებას. ხაზგასმით აღვნიშნავთ, რომ მსგავსი პროექტი თბილისის მუნიციპალიტეტში არ შემოსულა.თბილისის მუნიციპალიტეტის სსიპ ტრანსპორტისა და ურბანული განვითარების სააგენტოში შემოსულია განცხადება, რომლითაც მოთხოვნილია თბილისში, რიყის ტერიტორიაზე განაშენიანების რეგულირების გეგმის გეგმარებითი დავალების დამტკიცება.თუმცა, განცხადებასთან ერთად არ არის წარმოდგენილი განხილვისთვის საჭირო დოკუმენტაცია, მათ შორის, არც საპროექტო წინადადება, განმარტებითი ბარათი და განვითარების ესკიზური ვარიანტი, რომელიც შემდგომში დამატებით უნდა განიხილოს კულტურული მემკვიდრეობის დაცვის საბჭომ.შესაბამისად, ამ ეტაპზე მუნიციპალიტეტი არ განიხილავს არც  განცხადებას და მით უფრო, რაიმე სახის სამშენებლო პროექტს.მოვუწოდებთ მედიის წარმომადგენლებს, დაეყრდნონ მხოლოდ და მხოლოდ გადამოწმებულ ინფორმაციას, ნუ ავრცელებენ ტყუილს და ნუ შეჰყავთ მოსახლეობა შეცდომაში“, - აღნიშნულია განცხადებაში. 

საზოგადოება • 1793008828

კახა კალაძემ შოთა ქელეხსაშვილს 100 წლის იუბილე მიულოცა

თბილისის მერი კახა კალაძე ინჟინერ შოთა ქელეხსაშვილს ესტუმრა და 100 წლის იუბილე პირადად მიულოცა. დედაქალაქის მერმა იუბილარს ჯანმრთელობა და დიდხანს სიცოცხლე უსურვა. დედაქალაქის მერმა ხაზი გაუსვა „100 წელს მიღწეულ მოქალაქეთათვის ერთჯერადი დახმარების“ პროგრამის მნიშვნელობას, რაც გულისხმობს 100 წელს მიღწეული ადამიანებისთვის ფულად კომპენსაციას.„გილოცავთ, ჯანმრთელობას და დიდხანს სიცოცხლეს გისურვებთ. სიხარული, ხვავი და ბარაქა არ მოჰკლებოდეს თქვენს ოჯახს. ბედნიერი ადამიანი ბრძანდებით, ირგვლივ გყავთ შვილები, შვილიშვილები და შვილთაშვილები. ჩვენ უფროს თაობას განსაკუთრებით ვაფასებთ და პატივს ვცემთ, თქვენი მრავალწლიანი შრომა ფასდაუდებელია. როგორც იცით, ჩვენ გვაქვს „100 წელს მიღწეულ მოქალაქეთათვის ერთჯერადი დახმარების“ პროგრამა“, რაც გვაძლევს საშუალებას, გადაგიხადოთ მადლობა და მცირედით მაინც დაგიფასოთ თქვენი ღვაწლი ქვეყნის წინაშე,”- განაცხადა კახა კალაძემ.შოთა ქელეხსაშვილმა თბილისის მერს საიბულეო თარიღის მოლოცვისთვის მადლობა გადაუხადა და მომავალ თაობას დღეგრძელობა უსურვა.„მადლობა ყველას, ვინც მობრძანდით და ჩემი სიხარული გაიზიარეთ. ღმერთმა ქნას, ყველას ჰქონდეს ჩემსავით ხანგრძლივი ცხოვრება. პროფესიით ინჟინერ-მშენებელი ვარ. ინსტიტუტის დამთავრების შემდეგ უკრაინაში მომიწია მუშაობა. მონაწილეობას ვიღებდი ქარხნების მშენებლობაში. ამჟამად, ჩემს შვილიშვილთან და შვილთაშვილებთან ერთად ვცხოვრობ. დღის განმავლობაში ოჯახის წევრებს სახლის საქმეებშიც შეძლებისდაგვარად ვეხმარები“, - აღნიშნა შოთა ქელეხსაშვილმა.საიუბილეო თარიღთან დაკავშირებით, მუნიციპალიტეტის მერიის „100 წელს მიღწეულ მოქალაქეთათვის ერთჯერადი დახმარების“ პროგრამის ფარგლებში შოთა ქელეხსაშვილს 10 000 ლარი ჩაერიცხება.10 000-ლარიან ფულად დახმარებას თბილისში რეგისტრირებული ის ხანდაზმულები იღებენ, რომელთაც საბიუჯეტო წლის განმავლობაში 100 და მეტი წელი შეუსრულდებათ.მოქალაქემ ან მისმა წარმომადგენელმა თანხის მისაღებად თბილისის მერიის ჯანმრთელობისა და სოციალური მომსახურების საქალაქო სამსახურს განცხადებით უნდა მიმართოს. განცხადებას თან უნდა ერთოდეს 100 წელს მიღწეული მოქალაქის პირადობის მოწმობა და ბოლო ერთი წლის განმავლობაში თბილისში უწყვეტი რეგისტრაციის შესახებ სამოქალაქო რეესტრის მიერ გაცემული საინფორმაციო ბარათი. იძულებით გადაადგილებული პირის შემთხვევაში დამატებით საჭიროა იძულებით გადაადგილებული პირის მოწმობის ასლი.ფულადი დახმარება ირიცხება ხანდაზმული პირის საბანკო ანგარიშზე, მომსახურე ბანკიდან პირის მიერ ანგარიშის გახსნის შესახებ ინფორმაციის მიღების შემდეგ. იმ ხანდაზმულებს, რომლებმაც 2025 წლამდე უკვე ისარგებლეს მერიის აღნიშნული პროგრამით, განცხადების დაწერა აღარ უწევთ და ბენეფიტი პირდაპირ ჩაერიცხებათ.დედაქალაქის მერთან ერთად, 100 წლის იუბილართან სტუმრად ჯანდაცვის და სოციალური მომსახურების საქალაქო სამსახურის უფროსი გელა ჩივიაშვილი და თბილისის საკრებულოს წევრი კახა ლაბუჩიძე იმყოფებოდნენ.ინფორმაციას თბილისის მერია ავრცელებს.

საზოგადოება • 1792931438

ბორჯომში ქართული კლასიკური მუსიკის საღამო გაიმართა

ბორჯომში, სასტუმრო „ბორჯომი ლიკანის“ საკონცერტო დარბაზში, პროექტის „ქართული კლასიკური მუსიკის საღამოები“ ფარგლებში, პიანისტმა გიგი პიანომენმა კონცერტი გამართა.მუსიკოსმა მსმენელს ქართველი კომპოზიტორების ნაწარმოებები წარუდგინა. კონცერტზე დასწრება თავისუფალი იყო.პროექტის „ქართული კლასიკური მუსიკის საღამოების“ დამფუძნებელი და სამხატვრო ხელმძღვანელია პიანისტი თამარ ლიჩელი. პროექტი 2024 წელს დაარსდა და მიზნად ისახავს ქართული კლასიკური მუსიკის პოპულარიზაციას, ასევე საქართველოში მცხოვრები და მოღვაწე ქართველი მუსიკოსების გაერთიანებას.საკონცერტო სერიის დასკვნითი გალა-კონცერტი 12 ნოემბერს, თბილისის ვანო სარაჯიშვილის სახელობის სახელმწიფო კონსერვატორიის დიდ დარბაზში გაიმართება.აღსანიშნავია, რომ ბორჯომში ამ დღეებში თენგიზ ამირეჯიბის სახელობის საერთაშორისო მუსიკალური ფესტივალი და პიანისტთა XIV საერთაშორისო კონკურსიც მიმდინარეობს. კონკურსის დამფუძნებელი და სამხატვრო ხელმძღვანელია პიანისტი თამარ ლიჩელი.ფესტივალის ფარგლებში იმართება მასტერკლასები და შეხვედრები ახალგაზრდა მუსიკოსებთან, რაც მათ პროფესიულ განვითარებასა და საერთაშორისო გამოცდილების გაზიარებას უწყობს ხელს.კონკურსის დასკვნითი ღონისძიება 25 ოქტომბერს გაიმართება. გამოვლინდებიან გამარჯვებულები, რომლებსაც საპატიო დიპლომები და ფულადი პრემიები გადაეცემათ.პროექტის „ქართული კლასიკური მუსიკის საღამოების“ მხარდამჭერები არიან საქართველოს კულტურის სამინისტრო, სსიპ „შემოქმედებითი საქართველო“, თბილისის მერია, ბორჯომის მუნიციპალიტეტის მერია და საქართველოს კომპოზიტორთა კავშირი.

საზოგადოება • 1792857360

ონის მუნიციპალიტეტი გარემოსდაცვით მასშტაბურ აქციას შეუერთდა

ონის მუნიციპალიტეტი გარემოსდაცვით მასშტაბურ აქციას შეუერთდა.სახელმწიფო პროგრამის „ჩემი პირველი ნერგის“ ფარგლებში რეგიონის ოთხივე მუნიციპალიტეტში, პირველკლასელებმა დაახლოებით 15 ლოკაციაზე, ჯამში 340 ნერგი დარგეს.გამწვანების აქციას, აგრეთვე შეუერთდნენ რაჭა-ლეჩხუმისა და ქვემო სვანეთის სახელმწიფო რწმუნებული პაპუნა მარგველიძე, რწმუნებულის მოადგილეები ქრისტინა კობახიძე, ალუდა თუთისანი, მუნიციპალიტეტების მერები და საკრებულოს თავმჯდომარეები.საქართველოს მთავრობის ინიციატივით, 41 000-ზე მეტი პირველკლასელი ქვეყნის მასშტაბით გამწვანების მასშტაბურ ღონისძიებაში მიიღებს მონაწილეობას და საკუთარ პირველ ნერგს დარგავს.პროგრამა „ჩემი პირველი ნერგი“ საქართველოს პრემიერ-მინისტრის, ირაკლი კობახიძის მიერ ხელმოწერილი განკარგულების საფუძველზე ხორციელდება. პროგრამის განხორციელებაში ჩართული არიან საქართველოს გარემოს დაცვისა და სოფლის მეურნეობის სამინისტრო და მისი სსიპ გარემოსდაცვითი ინფორმაციისა და განათლების ცენტრი, საქართველოს განათლების, მეცნიერებისა და ახალგაზრდობის სამინისტრო, თბილისის მერია, სახელმწიფო რწმუნებულების ადმინისტრაციები და მუნიციპალიტეტები ქვეყნის მასშტაბით.პროგრამის ფარგლებში, სულ 12 სახეობის ნერგი დაირგვება, რომლებიც რეგიონების ბუნებრივი და კლიმატური პირობების გათვალისწინებით შეირჩა. ესენია: ელდარის ფიჭვი, კავკასიური აკაკი, კავკასიური ფიჭვი, კავკასიური ცაცხვი, კოლხური ბზა, მინდვრის ნეკერჩხალი, პირამიდალური ვერხვი, პირამიდალური კვიპაროსი, ქართული მუხა, ჩვეულებრივი იფანი, ჩვეულებრივი კაკალი და ჰიმალაის კედარი.პროგრამისთვის სპეციალურად შეიქმნა ვებპლატფორმა - https://cheminergi.eiec.gov.ge/ka, სადაც განთავსებულია ინფორმაცია პროგრამის, ნერგების სახეობებისა და მათი მოვლის წესების შესახებ. პლატფორმის საშუალებით შესაძლებელია დარგული ნერგების რეგისტრაცია და მათი ადგილმდებარეობის ნახვა ინტერაქტიულ რუკაზე

პოლიტიკა • 1792157210

ზურაბ აბაშიძე: სენსიტიურ საკითხებზე ნაადრევი შეფასებებისგან თავი შევიკავოთ და დავეყრდნოთ მხოლოდ დადასტურებულ ფაქტებს

„მნიშვნელოვანია, რომ შესაბამისმა სახელმწიფო უწყებებმა საკითხის შესასწავლად დროულად და კოორდინირებულად იმუშავეს. ჩატარებული კვლევებით დადასტურდა, რომ საბავშვო ბაღებიდან აღებულ სურსათის ნიმუშებში დარღვევა არ გამოვლენილა. ეს კიდევ ერთხელ აჩვენებს, თუ რამდენად მნიშვნელოვანია ასეთი სენსიტიური საკითხების ნაადრევი შეფასებებისგან თავი შევიკავოთ და დავეყრდნოთ მხოლოდ დადასტურებულ ფაქტებს“, – განაცხადა ზურაბ აბაშიძემ.საკრებულოს თავმჯდომარემ დღეს გამართულ საკრებულოს სხდომაზე საკითხის შესწავლის პროცესში ჩართულ სახელმწიფო უწყებებს, მათ შორის თბილისის მერიასა და საბავშვო ბაგა-ბაღების მართვის სააგენტოს ხელმძღვანელობას, გაწეული სამუშაოებისთვის მადლობა გადაუხადა.

საზოგადოება • 1791896940

17-18 ოქტომბერს ბოტანიკურ ბაღში "პურის ფესტივალი" გაიმართება

17-18 ოქტომბერს საქართველოს ეროვნულ ბოტანიკურ ბაღში ტრადიციული "პურის ფესტივალი" გაიმართება, რომელიც ქართული ხორბლის მრავალსაუკუნოვანი ისტორიის, პურის ცხობის ტრადიციებისა და კულტურული მემკვიდრეობის პოპულარიზაციას ეძღვნება.ფესტივალმა წელს საერთაშორისო კონკურსზე Acanthus Prize-ის უმაღლესი - ოქროს ჯილდო მოიპოვა კატეგორიაში "საზოგადოებრივი ჩართულობა, განათლება და ცნობიერების ამაღლება". ჯილდოს საერთაშორისო გაერთიანება „ევროპის ისტორიული ბაღების მარშრუტი“ (ERHG) გასცემს. აღნიშნული აღიარება ხაზს უსვამს ფესტივალის მნიშვნელობას ქართული ხორბლისა და ტრადიციული ცოდნის შენარჩუნებისა და პოპულარიზაციის საქმეში.ფესტივალის ფარგლებში გაიმართება პურის ცხობის მასტერკლასები, შემეცნებითი და საბავშვო აქტივობები, მოეწყობა მეწარმეთა სივრცე და ცოცხალი მუსიკალური პროგრამა. სტუმრები გაეცნობიან ქართული ენდემური ხორბლის ჯიშებს, ბოტანიკური ბაღის მარცვლოვან კულტურათა საკოლექციო ნაკვეთსა და პურის ცხობის უძველეს ტრადიციებს.ფესტივალი ხელს უწყობს ადგილობრივი, მცირე მეწარმეების მხარდაჭერას, ქართული აგროკულტურული მემკვიდრეობის დაცვასა და ტრადიციული ცოდნის მომავალი თაობებისთვის გადაცემას.ღონისძიების მხარდამჭერები არიან თბილისის მერია, საქართველოს კულტურული მემკვიდრეობის დაცვის ეროვნული სააგენტო და ქართული ხორბლის მწარმოებელთა გაერთიანება.

საზოგადოება • 1791486781

ანაზღაურება 2 240-დან 3 200 ლარამდეა - თბილისის მერიაში ახალი ვაკანსიები გამოცხადდა

თბილისის მერიის ტრანსპორტისა და ურბანული განვითარების სააგენტო სხვადასხვა პოზიციაზე ვაკანსიებს აცხადებს.ვაკანტური ადგილების ჩამონათვალი და პირობები საჯარო სამსახურის ბიუროს ოფიციალურ ვებგვერდზე (hr.gov.ge) უკვე გამოქვეყნდა.გამოქვეყნებული ინფორმაციის თანახმად, სააგენტო კადრებს შემდეგ პოზიციებზე ეძებს: საგზაო მოძრაობის ორგანიზების სქემების შეთანხმების სამსახურის მეორე კატეგორიის უფროსი სპეციალისტი - ანაზღაურება 3 200 ლარი;მონიტორინგის სამსახურის მეორე კატეგორიის უფროსი სპეციალისტი - ანაზღაურება 3 200 ლარი;მონიტორინგის სამსახურის მესამე კატეგორიის უფროსი სპეციალისტი - ანაზღაურება 2 240 ლარი;მგზავრობის საფასურის გადახდის კონტროლის სამსახურის მეორე კატეგორიის უფროსი სპეციალისტი - ანაზღაურება 3 200 ლარი;მგზავრობის საფასურის გადახდის კონტროლის სამსახურის მესამე კატეგორიის უფროსი სპეციალისტი - ანაზღაურება 2 240 ლარი.თბილისის მერიის ტრანსპორტისა და ურბანული განვითარების სააგენტოს ცნობით, ყველა ვაკანსიაზე მოქმედებს სრული სამუშაო განაკვეთი და დადგენილია 6-თვიანი გამოსაცდელი ვადა.რაც შეეხება ვადებს, დაინტერესებულ პირებს განაცხადების წარდგენა hr.gov.ge-ზე 2026 წლის 19 ოქტომბრის ჩათვლით შეუძლიათ.

საზოგადოება • 1791483909

ცნობილია ვის უფინანსებს კომუნალურ გადასახადებს სახელმწიფო და თბილისის მერია - დეტალები

2026 წელს სოციალურად დაუცველი ოჯახებისთვის კომუნალური გადასახადების სუბსიდირების რამდენიმე განსხვავებული პროგრამა მოქმედებს. ნაწილი სახელმწიფო ბიუჯეტიდან ფინანსდება, ნაწილი კი თბილისის მუნიციპალიტეტის პროგრამის ფარგლებში.სახელმწიფოს მოქმედი პროგრამა ითვალისწინებს ელექტროენერგიისა და წყლის საფასურის სუბსიდირებას გარკვეული სოციალური ქულის მქონე ოჯახებისთვის, ხოლო თბილისის მერიის პროგრამა დამატებით აფინანსებს ელექტროენერგიის, წყლისა და დასუფთავების გადასახადებს.რას აფინანსებს სახელმწიფოსაქართველოს მთავრობის 2022 წლის №52 დადგენილებაში 2026 წელს შეტანილი ცვლილებებით, ელექტროენერგიის სუბსიდირების რამდენიმე განსხვავებული წესი მოქმედებს.ოჯახები, რომელთა სარეიტინგო ქულა 70 000-ზე მეტია და 150 000-ს არ აღემატება ამ კატეგორიის ოჯახებისთვის სახელმწიფო ყოველთვიურად აფინანსებს არაუმეტეს 200 კვტ.სთ ელექტროენერგიას, თითოეულ კილოვატსაათზე 8.5 თეთრის ოდენობით.საქართველოს რეგიონებში ეს შეღავათი მოქმედებს 2026 წლის 1 იანვრიდან 31 დეკემბრის ჩათვლით.თბილისში კი იგივე კატეგორიის ოჯახებისთვის სახელმწიფო სუბსიდია მოქმედებს 2026 წლის 1 აპრილიდან 31 ოქტომბრის ჩათვლით.მნიშვნელოვანია, რომ ეს წესი ეხება 70 000-ზე მეტი და 150 000-ის ჩათვლით სარეიტინგო ქულის მქონე ოჯახებს. თბილისის შემთხვევაში პროგრამა სწორედ აპრილიდან ოქტომბრამდე პერიოდზე ვრცელდება.ოჯახები, რომელთა სარეიტინგო ქულა 70 000 ან ნაკლებია70 000 და ნაკლები სარეიტინგო ქულის მქონე ოჯახებისთვის ელექტროენერგიის სახელმწიფო სუბსიდიის წესი განსხვავებულია და თბილისში ეს კატეგორია მთავრობის ამ კონკრეტული ელექტროენერგიის პროგრამიდან გამონაკლისია. მოქმედი დადგენილების მიხედვით, თბილისის გარდა, ასეთი ოჯახებისთვის ელექტროენერგიის სუბსიდია განისაზღვრება 2020 წლის დეკემბერში შესაბამის საფეხურზე მოქმედ საბოლოო სამომხმარებლო ტარიფსა და 2015 წლის ივლისში მოქმედ ტარიფს შორის სხვაობით, რასაც დამატებით 1 კვტ.სთ-ზე 8.5 თეთრი ემატება.თბილისში 70 000 და ნაკლები სარეიტინგო ქულის მქონე ოჯახებისთვის ელექტროენერგიის საკითხი თბილისის მერიის კომუნალური სუბსიდირების პროგრამით რეგულირდება... სრულად

საზოგადოება • 1791450224

სიახლე მძღოლებისთვის - თბილისის მერია Yellow box-ზე დამატებით განმარტებას აკეთებს

თბილისის მერია გზებზე ე.წ. Yellow box-ის დანერგვასთან დაკავშირებით განმარტებას აკეთებს.„დიდი ინტერესი გამოიწვია თბილისის მერის მიერ დაანონსებულმა სიახლემ გზაჯვარედინებზე, საცობების თავიდან ასარიდებლად, ყვითელი ხაზების ქსელის მოწყობის თაობაზე.„Yellow Box“ წარმოადგენს გზაჯვარედინზე დატანილ ყვითელი ხაზების ქსელს. მისი მთავარი პრინციპი მარტივია — მძღოლი არ უნდა შევიდეს მონიშნულ ზონაში, თუ წინასწარ ხედავს, რომ გზაჯვარედინის გასასვლელი თავისუფალი არ არის და მის დატოვებას შეუფერხებლად ვერ შეძლებს (ანუ თუ საცობია).ამგვარად, გადატვირთული მოძრაობის დროსაც კი გზაჯვარედინის სივრცე თავისუფალი რჩება სხვა მიმართულებით მოძრავი ან მობრუნებული სატრანსპორტო ნაკადებისთვის“, - წერს სოციალურ ქსელში თბილისის მერიის მედიასთან ურთიერთობის სამსახურის ხელმძღვანელი, მანანა თოქმაჯიშვილი.