თბილისის მერია

ცნობილია, ვინ მიიღებს 2000 და 1000 ლარს საჩუქრად მთავრობისგან

საქართველოს მთავრობის განკარგულებით, ფაშიზმზე გამარჯვების 81-ე წლისთავთან დაკავშირებით, მეორე მსოფლიო ომის მონაწილეები ერთჯერადი ფულადი სოციალური დახმარების სახით – 2 000 ლარს, ხოლო მეორე მსოფლიო ომში დაღუპულთა ოჯახების წევრები 1 000 ლარს მიიღებენ.ფინანსური დახმარება ვეტერანების საქმეთა სახელმწიფო სამსახურის ვეტერანთა აღრიცხვის ელექტრონულ მონაცემთა ბაზაში რეგისტრირებულ მეორე მსოფლიო ომის მონაწილეებსა და ომში დაღუპულთა ოჯახების წევრებს გადაეცემათ.განკარგულების თანახმად, საქართველოს მთელ ტერიტორიაზე (გარდა ქალაქ თბილისის მუნიციპალიტეტში რეგისტრირებული მეორე მსოფლიო ომის მონაწილეებისა და მეორე მსოფლიო ომში დაღუპულთა ოჯახების წევრებისა) ერთჯერადი ფულადი სოციალური დახმარების გაცემას უზრუნველყოფს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა სსიპ – სოციალური მომსახურების სააგენტო. თბილისში რეგისტრირებული მეორე მსოფლიო ომის მონაწილეებისა და მეორე მსოფლიო ომში დაღუპულთა ოჯახების წევრებისათვის ფულადი დახმარების გაცემის მიზნით შესაბამისი სახსრების გამოყოფას თბილისის მერია უზრუნველყოფს.

პოლიტიკა • 1778221936

მთავრობის განკარგულებით, მეორე მსოფლიო ომის მონაწილეები ერთჯერადად 2 000 ლარს, ხოლო მეორე მსოფლიო ომში დაღუპულთა ოჯახების წევრები 1 000 ლარს მიიღებენ

საზოგადოება • 1777873540

უბნები თბილისში, სადაც ტრანსპორტის მოძრაობა შეიზღუდება

საბურთალოს რაიონში, ოთარ ონიაშვილის ქუჩაზე გზის რეაბილიტაციის პერიოდში საავტომობილო მოძრაობა ორივე მიმართულებით შეიზღუდება. ამის შესახებ ინფორმაციას თბილისის მერია ავრცელებს.მათივე ცნობით, შეზღუდვა 4 მაისის 10:00 საათიდან სარეაბილიტაციო სამუშაოების დასრულებამდე იმოქმედებს. ინფრასტრუქტურულ პროექტს საბურთალოს რაიონის გამგეობა განახორციელებს.„ბუდაპეშტის ქუჩიდან ზურაბ ჟვანიას მოედანზე ავტომობილები გადაადგილებას გურამ ფანჯიკიძის ქუჩისა და პეკინის გამზირის გავლით შეძლებენ, ხოლო საწინააღმდეგო მიმართულებით მოძრავი ავტომობილები ბუდაპეშტის ქუჩაზე მოხვედრას სიმონ კანდელაკის ქუჩის გამოყენებით მოახერხებენ.ზურაბ ჟვანიას ქუჩიდან მირზა გელოვანის, ტაშკენტისა და ცხინვალის ქუჩებზე მოხვედრა შესაძლებელი იქნება სიმონ კანდელაკისა ან ლვოვის ქუჩების გავლით“, – აღნიშნულია თბილისის მერიის ინფორმაციაში.

დედაქალაქი • 1777825572

4 მაისს, დილის 10:00 საათიდან, საბურთალოს ტერიტორიაზე, გარკვეულ ქუჩებზე მოძრაობა შეიზღუდება - თბილისის მერია მძღოლებს აფრთხილებს

საბურთალოს რაიონში, ოთარ ონიაშვილის ქუჩაზე გზის რეაბილიტაციის პერიოდში საავტომობილო მოძრაობა ორივე მიმართულებით შეიზღუდება. დედაქალაქის მერიის ინფორმაციით, შეზღუდვა 4 მაისის 10:00 საათიდან სარეაბილიტაციო სამუშაოების დასრულებამდე იმოქმედებს."ინფრასტრუქტურულ პროექტს საბურთალოს რაიონის გამგეობა განახორციელებს.ბუდაპეშტის ქუჩიდან ზურაბ ჟვანიას მოედანზე ავტომობილები გადაადგილებას გურამ ფანჯიკიძის ქუჩისა და პეკინის გამზირის გავლით შეძლებენ, ხოლო საწინააღმდეგო მიმართულებით მოძრავი ავტომობილები ბუდაპეშტის ქუჩაზე მოხვედრას სიმონ კანდელაკის ქუჩის გამოყენებით მოახერხებენ.ზურაბ ჟვანიას ქუჩიდან მირზა გელოვანის, ტაშკენტისა და ცხინვალის ქუჩებზე მოხვედრა შესაძლებელი იქნება სიმონ კანდელაკისა ან ლვოვის ქუჩების გავლით", - აღნიშნულია მერიის განცხადებაში.

საზოგადოება • 1777802777

რომელ კლინიკებში ჩატარდება ფილტვის კიბოს უფასო სკრინინგი - დაწესებულებების ჩამონათვალი

რომელ კლინიკებშია შესაძლებელი ფილტვის კიბოს სკრინინგის ჩატარება თბილისის მერიის პროგრამის ფარგლებში - სამედიცინო დაწესებულებების ჩამონათვალი შეგიძლიათ იხილოთ ლინკზე. შეგახსენებთ, რომ ფილტვის კიბოს სკრინინგის დაფინანსებას თბილისის მერია პირველი მაისიდან იწყებს.უფასო სკრინინგი ჩაუტარდება დედაქალაქში რეგისტრირებულ 45-დან 75 წლის ასაკის ჩათვლით თამბაქოს აქტიურ მომხმარებლებს ან იმ მოქალაქეებს, რომლებმაც თამბაქოს მოხმარებას ბოლო 15 წელია თავი დაანებეს.დედაქალაქის მერის ინფორმაციით, სკრინინგის პროგრამის დეტალები, მათ შორის ასაკი, ონკოლოგიის, რადიოლოგიისა და პულმონოლოგიის დარგის წამყვან სპეციალისტებთან კონსულტაციებისა და მჭიდრო თანამშრომლობის შედეგად განისაზღვრა. ასევე, შეირჩა წამყვანი კლინიკები და საუკეთესო გამოცდილების მქონე სპეციალისტები.

საზოგადოება • 1777660116

საქართველოს პრემიერ-მინისტრმა ირაკლი კობახიძემ, თბილისის მერ კახა კალაძესთან, განათლების, მეცნიერებისა და ახალგაზრდობის მინისტრ გივი მიქანაძესთან და რუსთავის მერ ნინო ლაცაბიძესთან ერთად, ახალგაზრდული ფესტივალის - „სტუდფესტი 2026-ის” გახსნის ღონისძიებაში მიიღო მონაწილეობა.მთავრობის მეთაურმა ახალგაზრდებს სტუდფესტის გახსნა მიულოცა და წარმატებები უსურვა.ირაკლი კობახიძის შეფასებით, სასიხარულოა, რომ ღონისძიება 2014 წლიდან ტარდება და მასში ყოველწლიურად სულ უფრო მეტი ახალგაზრდა მონაწილეობს.პრემიერ-მინისტრმა ფესტივალის ორგანიზატორებს - თბილისის მერიას, რუსთავის მერიას, განათლების, მეცნიერებისა და ახალგაზრდობის სამინისტროს მადლობა გადაუხადა.„სტუდფესტი 2026-ის” ფარგლებში მთელი საქართველოს მასშტაბით გაიმართება სპორტული ტურნირები, საგანმანათლებლო, შემეცნებითი და კულტურული აქტივობები.ფესტივალში 20 000-ზე მეტი სტუდენტი მონაწილეობს.

საზოგადოება • 1777564583

სტუდფესტი 2026 - სტუდენტური ფესტივალი 2026 სტარტს 1 მაისს რუსთავში აიღებს

სტუდენტური ფესტივალი 2026 სტარტს 1 მაისს რუსთავში აიღებს.დილიდან რუსთავის სპორტის სასახლეში გაიმართება ტურნირი სპორტის შემდეგ სახეობებში:შვიდკაცა რაგბი, ძიუდო, ნარდი, შაში, ჭადრაკი.რუსთავის სპორტის სასახლეში შეჯიბრებების დასრულების შემდეგ,18:00 საათიდან დაიწყება უნივერსიტეტების საზეიმო მსვლელობა რუსთავის პარკის მიმართულებით.საღამოს 20:00 საათზე იქნება ფესტივალის გრანდიოზული, საზეიმო გახსნა რუსთავის პარკში.სტუდენტური ფესტივალი წლის ყველაზე მასშტაბური და მნიშვნელოვანი ღონისძიებაა, რომელშიც ყოველწლიურად საქართველოს თითქმის ყველა უმაღლესი სასწავლებლის რამდენიმე ათასი სტუდენტი მონაწილეობს.დაგეგმილია 45 კონკურსი - შეჯიბრი, როგორც სპორტული, ისე კულტურული და საგანმანათლებლო მიმართულებით.ყველა ღონისძიება თანაბრად მნიშვნელოვანია. წელს ერთ-ერთი სიახლეა მარათონი, რომელიც 14 ივნისს თბილისში გაიმართება - 5 კმ იან დისტანციაზე სირბილში სტუდენტების გარდა, მონაწილეობას ნებისმიერ მსურველი შეძლებს.კულტურული მიმართულებით ღონისძიებები ქუთაისში, გორში, ბათუმში, ზუგდიდში, ახალციხესა და თელავში გაიმართება.საკმაოდ სოლიდურია საპრიზო ფონდი, ყველა გამარჯვებული დაჯილდოვდება 21 ივნისს, ფესტივალის, ასევე, გრანდიოზულ საზეიმო დახურვაზე. განსაკუთრებით გვსურს აღვნიშნოთ პრიზი საუკეთესო გულშემატკივრისთვის.წლის გამარჯვებული უმაღლესი სასწავლებლის წოდებას ის უნივერსიტეტი მოიპოვებს, რომლის სტუდენტებიც ყველაზე მეტ ასპარეზობაში გაიმარჯვებენ.სტუდენტური ფესტივალის პარტნიორია საქართველოს განათლების მეცნიერებისა და ახალგაზრდობის სამინისტრო, თბილისის მერია, რუსთავის მერია და ახალგაზრდობის სააგენტო.1 მაისის განრიგი:რუსთავის სპორტის სასახლე11 : 00 - სპორტული აქტივობები რუსთავის სპორტის სასახლეში18 : 00 - სტუდენტური ფესტივალი-2026-ის მონაწილე უნივერსიტეტების საზეიმო მსვლელობა20 : 00 - ფესტივალის გახსნა რუსთავის ცენტრალურ პარკში20 : 30 - ჯგუფ „ურსას“ სოლო კონცერტი22 : 30 - დიჯეი.

საზოგადოება • 1777490943

„სრულად უფასო იქნება...“ - მერიის გადაწყვეტილება, რომელიც პირველი მაისიდან ამოქმედდება

დედაქალაქის მერის, კახა კალაძის ინფორმაციით, თბილისის მერია, ფილტვის კიბოს სკრინინგის დაფინანსებას იწყებს. პროცედურა, 1-ელი მაისიდან მოქალაქეებისთვის სრულად უფასო იქნება.როგორც დედაქალაქის მერმა აღნიშნა, ფილტვის კიბოს სკრინინგის უფასოდ ჩატარების შესაძლებლობა ექნებათ, დედაქალაქში, თბილისში რეგისტრაციის მქონე 45-დან 75 ასაკის ჩათვლით თამბაქოს აქტიურ მომხმარებელს, ან იმ მოქალაქეებს, ვინც თამბაქოს მოხმარებას ბოლო 15 წელია თავი დაანებეს.„თბილისის მერია, ფილტვის კიბოს სკრინინგის დაფინანსებას იწყებს. პროცედურა, 1-ელი მაისიდან მოქალაქეებისთვის სრულად უფასო იქნება. მას დაავადებათა სკრინინგის პროგრამის ფარგლებში, ჯანდაცვისა და სოციალური მომსახურების საქალაქო სამსახური დააფინანსებს. ფილტვის კიბოს სკრინინგის უფასოდ ჩატარების შესაძლებლობა ექნებათ, დედაქალაქში, თბილისში რეგისტრაციის მქონე 45-დან 75 ასაკის ჩათვლით თამბაქოს აქტიურ მომხმარებელს, ან იმ მოქალაქეებს, ვინც თამბაქოს მოხმარებას ბოლო 15 წელია თავი დაანებეს“, - აღნიშნა კალაძემ.

საზოგადოება • 1777448333

დედაქალაქის მერია პირველი მაისიდან ფილტვის კიბოს უფასო სკრინინგის პროგრამას იწყებს

თბილისის მერია პირველი მაისიდან ფილტვის კიბოს სკრინინგის დაფინანსებას იწყებს, - ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე დღეს განაცხადა.მისი თქმით, უფასო სკრინინგი ჩაუტარდება დედაქალაქში რეგისტრირებულ 45-დან 75 წლის ასაკის ჩათვლით თამბაქოს აქტიურ მომხმარებლებს ან იმ მოქალაქეებს, რომლებმაც თამბაქოს მოხმარებას ბოლო 15 წელია თავი დაანებეს."ჩვენი ჯანდაცვისა და სოციალური მომსახურების საქალაქო სამსახურის პროექტების საშუალებით არაერთ ოჯახსა და ადამიანს დავეხმარეთ. თბილისის მერია ამჯერად ფილტვის კიბოს სკრინინგის დაფინანსებას იწყებს. პროცედურა პირველი მაისიდან მოქალაქეებისთვის სრულიად უფასო იქნება და მას „დაავადებათა სკრინინგის“ პროგრამის ფარგლებში, ჯანდაცვისა და სოციალური მომსახურების საქალაქო სამსახური დააფინანსებს. ფილტვის კიბოს სკრინინგის უფასოდ ჩატარების შესაძლებლობა ექნებათ დედაქალაქში რეგისტრაციის მქონე 45-დან 75 წლის ასაკის ჩათვლით თამბაქოს აქტიურ მომხმარებლებს ან იმ მოქალაქეებს, რომლებმაც თამბაქოს მოხმარებას ბოლო 15 წელია თავი დაანებეს", - განაცხადა კახა კალაძემ.

დედაქალაქი • 1777138888

ავარიული სახლებისა და ლიფტების განახლება - რა ინფორმაციას ავრცელებს თბილისის მერია

მიცკევიჩის 4 ნომერში მდებარე 4 სართულიანი შენობა თანამედროვე 12 სართულიანი კორპუსით ჩანაცვლდება.თბილისის მერიის პროგრამის ფარგლებში უკვე მზად არის პროექტიც - ოჯახებს კუთვნილი ფართები გარემონტებულ მდგომარეობაში გადაეცემათ. არსებული შენობა ამორტიზებულია. თბილისის მერიის, სამშენებლო კომპანიის და მოსახლეობის შეთანხმების საფუძველზე, მოქალაქეებს მშენებლობის დასრულებამდე საცხოვრებელი ფართით უზრუნველყოფენ.მერიის ინფორმაციით, ავარიული კორპუსების ჩანაცვლების პროგრამების ფარგლებში, ამჟამად თბილისში ათეულობით პროექტი მიმდინარეობს. ძველ, ამორტიზებულ შენობებს ახალი, თანამედროვე არქიტექტურით დაპროექტებული შენობები ჩაანაცვლებს. თბილისის განვითარების ფონდიდან ათეულობით მილიონი ლარი იხარჯება. პროგრამებით სარგებლობისთვის აუცილებელი პირობა ყველა მესაკუთრის 100%-იანი თანხმობაა.თბილისის მერიის კიდევ ერთი პროგრამა, ლიფტების ჩანაცვლებას ეხება. ოფიციალური მონაცემებით ბოლო სამ თვეში თბილისში 100-მდე ლიფტი განახლდა. ამ დროისთვის დედაქალაქის 10-ვე რაიონში რეაბილიტაცია კიდევ 54 ობიექტს უტარდება. კორპუსებს პრიორიტეტი ტექნიკური მდგომარეობის მიხედვით ენიჭება. წელს 700 განაცხადი დაკმაყოფილდება. ოთხი წლის განმავლობაში კი თბილისის მასშტაბით ყველა ამორტიზებული ლიფტი უნდა შეიცვალოს.სახურავების შეცვლა, სადარბაზოების განახლება, სასმელი წყლისა და სანიაღვრე სისტემების მოწესრიგება - ეს იმ სამუშაოების ნაწილია, რომლებზეც დედაქალაქში ათეულობით პროექტი უკვე დასრულდა. ინფრასტრუქტურული პრობლემების მოგვარებისთვის მერია ყოველწლიურად მილიონობით ლარს გამყოფს. პროგრამაში ჩასართავად ამხანაგობებმა განცხადებით გამგეობებს უნდა მიმართონ.თბილისის მერიაში აცხადებენ, რომ მთავარი მიზანი მოქალაქეებისთვის უსაფრთხო და კომფორტული გარემოს შექმნაა. პროგრამები მომდევნო წელსაც გაგრძელდება.

საზოგადოება • 1776870816

კარგი სიახლე თბილისის მერიისგან, რომელიც დღეს გახდა ცნობილი

„შეზღუდული შესაძლებლობის მქონე ბავშვთა და მოზარდთა საკურორტო მომსახურების“ პროგრამისთვის მიმდინარე წელს 3 მილიონი ლარი დაიხარჯება. ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე განაცხადა.როგორც მან აღნიშნა, ჯანდაცვისა და სოციალური მომსახურების საქალაქო სამსახური საკურორტო ვაუჩერის ღირებულებას წლიდან წლამდე ზრდის, წელს კი 3 600 ვაუჩერს გასცემს.„თბილისის მერია, „შეზღუდული შესაძლებლობის მქონე ბავშვთა და მოზარდთა საკურორტო მომსახურების“ პროგრამის ფარგლებში, შშმ პირებისთვის 3 600-მდე ვაუჩერს გასცემს. საქართველოს კურორტებზე დასასვენებლად განკუთვნილი ვაუჩერების რაოდენობა ყოველ წელს იზრდება და შესაბამისად, დასვენების შესაძლებლობა ამ საჭიროების მქონე მეტ შშმ პირს ეძლევა. აღსანიშნავია, რომ ჯანდაცვისა და სოციალური მომსახურების საქალაქო სამსახური საკურორტო ვაუჩერის ღირებულებას წლიდან წლამდე ზრდიდა. ეს თანხა 2026 წელსაც გაიზარდა და აღნიშნული პროგრამისთვის 2026 წლის ბიუჯეტიდან სამი მილიონი ლარი გამოიყოფა“, - აღნიშნა კახა კალაძემ.მისივე ინფორმაციით, საკურორტო ვაუჩერით დასასვენებლად არანაკლებ ექვსი დღე-ღამეა განსაზღვრული. ვაუჩერით მოსარგებლე შშმ პირი ან მისი კანონიერი წარმომადგენელი, საქართველოს მთისა და ზღვის კურორტზე დასასვენებლად, ადგილს, სასტუმროს და დროს თავად ირჩევს.„უახლოეს დღეებში, საკურორტო ვაუჩერების დარიგების პროცესი დაიწყება, რაც „საქართველოს ფოსტის“ მეშვეობით განხორციელდება. ვაუჩერის მფლობელს, რომელიც კურიერს სახლში არ დახვდება, უკან დაბრუნებული ვაუჩერის აღების საშუალება დედაქალაქის მერიაში ექნება. საკურორტო ვაუჩერის გამოყენების ვადა პირველი მაისიდან 15 სექტემბრის ჩათვლით არის განსაზღვრული. ვაუჩერის მსურველთა მიერ განაცხადის გაკეთება სამი თვის განმავლობაში - 2026 წლის 8 იანვრიდან 8 აპრილის ჩათვლით იყო შესაძლებელი“, - განაცხადა კახა კალაძემ.მისივე ინფორმაციით, 2025 წელს დედაქალაქის მერიამ 3 247 საკურორტო ვაუჩერი გასცა.

საზოგადოება • 1776858753

მიცკევიჩის ქუჩის N4-ში მდებარე ავარიული სახლის ადგილზე თანამედროვე კორპუსი აშენდება

თბილისის მერიას მიმართა მიცკევიჩის ქუჩის N4-ში მცხოვრებმა მოსახლეობამ და ავარიული სახლის ჩანაცვლების მიზნით, შესაბამისი ხელშემწყობი ღონისძიებების განხორციელება ითხოვა. ამის შესახებ თბილისის მერმა კახა კალაძემ დღეს დედაქალაქის მთავრობის სხდომაზე განაცხადა.მერის ინფორმაციით, მიღებულია გადაწყვეტილება, რომ განხორციელდეს აღნიშნული 4-სართულიანი ავარიული საცხოვრებელი სახლის დემონტაჟი და მის ადგილას ახალი, თანამედროვე კორპუსი აშენდეს.„სასიხარულოა, რომ მერიის შესაბამისი პროგრამების ფარგლებში, უკვე ათეულობით პროექტია მიმდინარე პროცესში. ამჯერად, დეველოპერთან ერთად, მოგვმართა მიცკევიჩის ქუჩის N4-ში მცხოვრებმა მოსახლეობამ და ითხოვა ავარიული სახლის ჩანაცვლების მიზნით, შესაბამისი ხელშემწყობი ღონისძიებების განხორციელება. ეს საცხოვრებელი სახლი, დღეის მდგომარეობით, წარმოადგენს IV ხარისხის დაზიანების მქონე შენობას. კორპუსში ცხოვრობს 20-მდე ოჯახი და მათი მდგომარეობა, შენობის ავარიულობის გამო, დღითიდღე უარესდება.აქედან გამომდინარე, ვიღებთ გადაწყვეტილებას, რომ გავცეთ შესაბამისი ხელშემწყობი ღონისძიებები, რათა განხორციელდეს აღნიშნული 4-სართულიანი ავარიული საცხოვრებელი სახლის დემონტაჟი და მის ადგილას ახალი, თანამედროვე კორპუსი აშენდეს, სადაც მესაკუთრეებს გარემონტებულ მდგომარეობაში გადაეცემათ მათი კუთვნილი ფართები“, - განაცხადა კახა კალაძემ.მერმა კიდევ ერთხელ მოუწოდა მოსახლეობას, გამოიყენოს შესაძლებლობა და მიიღოს მონაწილეობა აღნიშნული პროგრამების განხორციელებაში.ამასთან, კახა კალაძემ დღევანდელ სხომაზე დედაქალაქში არსებული ავარიული საცხოვრებელი სახლების პრობლემის მოგვარების მიზნით შექმნილ პროგრამებზე ისაუბრა.„არაერთხელ მისაუბრია, რომ ჩვენთვის ერთ-ერთი მნიშვნელოვანი გამოწვევა დედაქალაქში არსებული ავარიული საცხოვრებელი სახლებია. მუნიციპალიტეტმა რამდენიმე წლის წინ წარმოადგინა პროგრამა, რომელიც იძლევა შესაძლებლობას, რომ ავარიულ საცხოვრებელ კორპუსებში მცხოვრებმა ადამიანებმა გაიუმჯობესონ პირობები. ჩვენ ამ პროგრამის ფარგლებში ვახორციელებთ ავარიული სახლების ჩანაცვლებას ახალი, თანამედროვე, ქართული არქიტექტურის მქონე კორპუსებით. შესაბამისად, მძიმე პირობებში მცხოვრებ ადამიანებს გადაეცემათ გარემონტებული, ყოველმხრივ მოწესრიგებული საცხოვრებელი ფართები“, - აღნიშნა მან.ამასთან, მერის თქმით, „თბილისის განვითარების ფონდი“ ათეულობით მილიონ ლარს ხარჯავს ისტორიული უბნების რეაბილიტაციაზე.გარდა ამისა, კახა კალაძის თქმით, წელს ამოქმედდა პროგრამა, რომლის ფარგლებში, მუნიციპალიტეტი მზადაა, ისტორიულ არეალებში მდებარე კულტურული მემკვიდრეობის ძეგლის სტატუსის მქონე საცხოვრებელ სახლებში მცხოვრები ადამიანებისგან გამოსყიდოს ფართები, საბაზრო ღირებულებით.