თბილისის მერია

ფილტვის კიბოს სკრინინგის პროგრამის დაწყებიდან ექვს თვეში კვლევები 10 088 მოქალაქეს დაუფინანსდა

ნოემბერი ფილტვის კიბოს შესახებ ცნობიერების ამაღლების თვეა, რისი მიზანიცაა აღნიშნული დაავადების პრევენციისთვის, ადრეული დიაგნოსტიკის მნიშვნელობის შესახებ საზოგადოების ინფორმირებულობის დონის გაზრდა, - ამის შესახებ დედაქალაქის მერმა კახა კალაძემ თბილისის მუნიციპალიტეტის მთვარობის სხდომაზე განაცხადა.მისი თქმით, ფილტვის კიბოს სკრინინგის პროგრამის დაწყებიდან ექვს თვეში 10 088 მოქალაქის კვლევა დაფინანსდა.„თბილისის მერიამ, მიმდინარე წლის მაისში, ფილტვის კიბოს სკრინინგის პროგრამის განხორციელება დაიწყო და მოქალაქეებს დაბალდოზირებული კომპიუტერულ-ტომოგრაფიული კვლევის ჩატარება სრულიად უფასოდ 27 სამედიცინო დაწესებულებაში შეუძლიათ. ჯანდაცვისა და სოციალური მომსახურების საქალაქო სამსახურმა ექვს თვეში ფილტვის კიბოს სკრინინგი 10 088 მოქალაქეს დაუფინანსა. ჩატარებული კვლევის მიხედვით, 140 მოქალაქეს დიაგნოზის დასაზუსტებლად დამატებითი კვლევების რეკომენდაცია მიეცა“, - განაცხადა კახა კალაძემ.დედაქალაქის მერმა მოქალაქეებს მოუწოდა, ისარგებლონ აღნიშნული პროგრამით, რადგან წინასწარი გამოკვლევების ჩატარება სასიცოცხლოდ მნიშვნელოვანია.„სკრინინგი დაავადების განვითარების მაღალი რისკის მქონე პირებში ადრეულ გამოვლენას უწყობს ხელს, რაც წარმატებული მკურნალობისთვის მნიშვნელოვანი ფაქტორია. პრევენციული ღონისძიების თვალსაზრისით, წინასწარი გამოკვლევების ჩატარება არის სასიცოცხლოდ მნიშვნელოვანი ჩვენი მოქალაქეების ჯანმრთელობისთვის და უსაფრთხოებისთვის. თბილისის მერიის პროგრამის ფარგლებში, ფილტვის კიბოს სკრინინგის უფასოდ ჩატარების შესაძლებლობა აქვთ დედაქალაქში რეგისტრაციის მქონე 45-დან 75 წლის ასაკის ჩათვლით თამბაქოს აქტიურ მომხმარებლებს ან იმ მოქალაქეებს, რომლებმაც ბოლო 15 წელია თამბაქოს მოხმარებას თავი დაანებეს. კიდევ ერთხელ მოგიწოდებთ, ნუ გადადებთ სკრინინგს და ისარგებლეთ მუნიციპალიტეტის აღნიშნული პროგრამით“, - განაცხადა კახა კალაძემ.თბილისის მერმა მოქალაქეებს შეახსენა, რომ მუნიციპალიტეტის აღნიშნული პროგრამით სარგებლობა სრულიად უფასოა.

განათლება • 1794383858

2025-2026 სასწავლო წლის გაზაფხულის სემესტრში საუკეთესო აკადემიური შედეგების მქონემაგისტრანტების ფინანსური წახალისების მიზნით, განაცხადების მიღება იწყება

დედაქალაქში მოქმედმა სახელმწიფო უნივერსიტეტებმა, დღეიდან 24 ნოემბრის ჩათვლით, თბილისის მერიას უნდა წარუდგინონ 2025-2026 სასწავლო წლის გაზაფხულის სემესტრში საუკეთესო აკადემიური შედეგების მქონე, თბილისში რეგისტრირებული მაგისტრანტების მონაცემები, - ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, აღნიშნული მონაცემების საფუძველზე, თითოეული წარმატებული მაგისტრანტი თბილისის მერიისგან 1 000 ლარის ოდენობის ფინანსურ წახალისებას მიიღებს.„განვაგრძობთ თბილისში რეგისტრირებული წარმატებული მაგისტრანტების წახალისებას, რადგან მიგვაჩნია, რომ განათლება ყველაზე მყარი საფუძველია, რომელზეც დგას ახალგაზრდების წარმატებაც და დედაქალაქის განვითარებაც. განათლებული, მოტივირებული და მიზანდასახული თაობა არის ის ძალა, რაც ჩვენს დედაქალაქს ევროპის ერთ-ერთ წამყვან და მიმზიდველ ქალაქად აქცევს.„სტუდენტთა დაფინანსების პროგრამის“ ფარგლებში, ყოველ სემესტრში, მაგისტრანტებისთვის თბილისის მერიის მიერ დაწესებული სტიპენდიის ოდენობა 562 ლარიდან 1 000 ლარამდე გაიზარდა. იმედია, სტიპენდიის გაზრდილი ოდენობა სტუდენტებს კიდევ უფრო მეტ მოტივაციას გაუჩენს, მათ შრომასა და მიღწევებს სათანადოდ დააფასებს და პროგრამით კიდევ უფრო მეტი ახალგაზრდა ისარგებლებს“, - განაცხადა კახა კალაძემ.

დედაქალაქი • 1794300119

კოოპერატიული ბინათმშენებლობით დაზარალებულ 69 ოჯახს დიდ დიღომში საცხოვრებელი ფართები გადაეცა

კოოპერატიული ბინათმშენებლობით დაზარალებულ 69 ოჯახს დიდ დიღომში, კომპლექს „პერსპექტივა 2-ში“ საცხოვრებელი ფართები გადაეცა.საცხოვრებელი ბინების გასაღებები მოქალაქეებს თბილისის მერმა კახა კალაძემ, ქონების მართვის სააგენტოს ხელმძღვანელ გიორგი კობიაშვილთან ერთად გადასცა და ახალმოსახლეობა მიულოცა.„დღეს მართლაც განსაკუთრებული და ემოციური დღე გვაქვს. აქ იმყოფებიან ოჯახები, რომელთათვისაც დღევანდელი დღე მხოლოდ ახალი ბინის მიღებას არ ნიშნავს. ეს არის ათწლეულების ლოდინის, იმედის, ტკივილისა და ოცნების ისტორიის ბედნიერი გაგრძელება. ადამიანები წლების განმავლობაში შრომობდნენ, აგროვებდნენ თანხას, არ ზოგავდნენ საკუთარ თავს, რათა ჰქონოდათ საკუთარი სახლი - ადგილი, სადაც მათ შვილებს უსაფრთხო და ბედნიერ გარემოში შეეძლებოდათ ცხოვრება. მათ საკუთარი დანაზოგი კოოპერატიულ ბინათმშენებლობაში ჩადეს, მაგრამ მშენებლობები შეჩერდა და მათი ოცნებები განხორციელების გარეშე დარჩა. ამიტომ, დღევანდელი დღე განსაკუთრებულია ყველასთვის“, - განაცხადა კახა კალაძემ.მისივე თქმით, პროგრამას, რომელიც მისი 2017 წლის წინასაარჩევნო დაპირება იყო, უკვე კონკრეტული ხელშესახები შედეგი აქვს. კერძოდ, 3 500-მდე დაზარალებული ოჯახიდან 2 500-ზე მეტი უკვე დაკმაყოფილებულია. ამასთან, ინტერესთა გამოხატვა გამოცხადებულია 33 პროექტზე, რომელთაგან 29-ზე სამშენებლო ნებართვა გაცემულია და სამუშაოები აქტიურად მიმდინარეობს, წლის ბოლომდე კი კიდევ 12 პროექტის დასრულება იგეგმება, რის შედეგადაც დამატებით 600-მდე ოჯახი დაკმაყოფილდება.„2017 წელს, როდესაც დაზარალებულმა ოჯახებმა დახმარების თხოვნით მოგვმართეს, მათ სიტყვებში ყველაზე მეტად იგრძნობოდა უიმედობა, გაურკვევლობა და შიში, რომ სამართლიანობა ვერასდროს აღდგებოდა. მაშინ ჩვენ ამ ადამიანებს დავპირდით, რომ ყველაფერს გავაკეთებდით მათი პრობლემის მოსაგვარებლად. დღეს სწორედ 69 ოჯახს გადაეცემა ახალი საცხოვრებელი ფართები. მათთვის ათწლეულობის ლოდინის მნიშვნელოვანი ეტაპი სრულდება და ცხოვრების ახალი ეტაპი იწყება. გილოცავთ ამ დღეს. მშვიდობა, სიყვარული, ბედნიერება არ მოგკლებოდეთ თქვენს ახალ სახლებში. ჩვენთვის ამ პროგრამის მთავარი შედეგი მხოლოდ აშენებული შენობები და გადაცემული ბინების რაოდენობა არ არის. მთავარი არიან ის ადამიანები, რომლებიც ათწლეულების განმავლობაში ელოდნენ ამ დღეს. აქვე მინდა, ყველა იმ ადამიანს მივმართო, ვინც მომლოდინის რეჟიმშია, აუცილებლად ყველა ოჯახი იქნება დაკმაყოფილებული. არცერთი ადამიანი არ დაგვრჩება, ვინც საკუთარ სახლს ვერ მიიღებს“, - აღნიშნა დედაქალაქის მერმა.კახა კალაძემ პროგრამის წარმატებით განხორციელებისთვის მუნიციპალიტეტის შესაბამის სამსახურებს, პარტნიორ კომპანიებსა და პოლიტიკურ გუნდს მადლობა გადაუხადა.„მინდა, მადლობა გადავუხადო თბილისის მუნიციპალიტეტის შესაბამის სამსახურებს და ყველა სამშენებლო კომპანიას, რომლებიც ამ პროცესში მონაწილეობდნენ, მათ შორის კომპანია „პერსპექტივა 2-ს“. მინდა, განსაკუთრებული მადლობა გადავუხადო ჩვენს პოლიტიკურ გუნდს, „ქართულ ოცნება - დემოკრატიულ საქართველოს“ იმ მხარდაჭერისა და თანადგომისთვის, რომელსაც ყოველთვის ვგრძნობთ“, - განაცხადა თბილისის მერმა.„პერსპექტივა 2-ის“ მრავალბინიანი საცხოვრებელი კომპლექსის მშენებლობა 2022 წლის სექტემბერში დაიწყო და მიმდინარე წლის ოქტომბერში დასრულდა. პროექტის ფარგლებში აშენდა 417-ბინიანი თანამედროვე საცხოვრებელი კორპუსი, სადაც სრულად არის დაცული ხარისხისა და უსაფრთხოების სტანდარტები, მიმდებარედ კი კეთილმოწყობილი ეზო და რეკრეაციული სივრცე მოეწყო.კოოპერატიული ბინათმშენებლობით დაზარალებული მოქალაქეების დაკმაყოფილების პროგრამა თბილისის მერიამ 2018 წელს დაიწყო და პროცესი უწყვეტ რეჟიმში გაგრძელდება.ფართების გადაცემის ღონისძიებას თბილისის ვიცე-მერი გიორგი ტყემალაძე, საკრებულოს თავმჯდომარე ზურაბ აბაშიძე, თბილისის მერის მოადგილე კახა აბულაძე, ასევე რაიონის გამგებლები და მაჟორიტარი დეპუტატები ესწრებოდნენ.

პოლიტიკა • 1793898854

თბილისის მერია: ცხოველთა მონიტორინგის სააგენტოს თანამშრომელთა მიმართ მუქარა არის ხელისშეშლა მუნიციპალიტეტის საქმიანობაში, ადამიანთა პირადი მონაცემების დაცვის უგულებელყოფა და მათი ფიზიკური უსაფრთხოების ხელყოფის მცდელობა-მოვუწოდებთ შესაბამის ორგანოებს, შეისწავლონ აღნიშნული საქმე და მისცენ მას სამართლებრივი რეაგირება

თბილისის მერია ცხოველთა მონიტორინგის სააგენტოსთან დაკავშირებით განცხადებას ავრცელებს.როგორც განცხადებაში აღნიშნულია, ცხოველთა მონიტორინგის სააგენტოს თანამშრომლებისადმი მუქარა არის მუნიციპალიტეტის საქმიანობაში ხელის შეშლა, პირადი მონაცემების დაცვის უგულებელყოფა და მათი უსაფრთხოების ხელყოფის მცდელობა.განცხადების თანახმად, ადამიანთა ჯგუფს, რომელიც ცხოველთა დამცველების მანტიით შემოსილი, ხელს უშლის ცხოველთა მონიტორინგის მუშაობას, სიტყვიერ შეურაცხყოფას აყენებს თანამშრომლებს, აბულინგებს, თხრის სამარხებს, საფრთხის ქვეშ აყენებს, როგორც თავად მიუსაფარ ცხოველებს, ისე თბილისის მოსახლეობას, აუცილებლად მოუწევს პასუხისგება კანონის წინაშე.“გვინდა, კიდევ ერთხელ გამოვეხმაუროთ სოციალურ ქსელებში გავრცელებულ მუქარას თბილისის ცხოველთა მონიტორინგის სააგენტოს თანამშრომლების წინააღმდეგ.რამდენიმე დღეა არ ცხრება მუქარის შემცველი მოწოდებები და ბულინგი მუნიციპალიტეტის თანამშრომლების მისამართით, რომლებიც კეთილსინდისიერად ასრულებენ თავიან მოვალეობას და ემსახურებიან დედაქალაქს.პოლიტიკურად ანგაჟირებული ჯგუფები სოციალურ ქსელებში აქვეყნებენ მონიტორინგის წარმომადგენელთა ფოტოებს, უწოდებენ მათ მკვლელებს, მწამებლებს, ცხოველთა ცოცხლად დამმარხველებს და ემუქრებიან, არა მხოლოდ მათ, არამედ მათი ოჯახის წევრებსაც.ე.წ. ცხოველთა დამცველები, რომელთაც არც ცხოველების და მით უმეტეს არც მოქალაქეების უფლებების დაცვასთან რეალურად არაფერი აკავშირებთ, დაკავებულები არიან დესტრუქციული ქმედებებით.გახსოვთ ალბათ, ცხოველთა გადათხრილი სამარხები, ამოყრილი ლეში, ცხოველთა თავშესაფარში შეჭრის მცდელობები და ახლა უკვე პირდაპირი მუქარა იმ ადამიანების ოჯახების მისამართით, რომლებიც თავიანთ საქმიანობას ასრულებენ.ეს არის ხელის შეშლა მუნიციპალიტეტის საქმიანობაში, ადამიანთა პირადი მონაცემების დაცვის უგულებელყოფა და მათი ფიზიკური უსაფრთხოების ხელყოფის მცდელობა.საზოგადოების ინტერესის გათვალისწინებით, კიდევ ერთხელ განვმარტავთ, არანაირ კანონდარღვევას ცხოველთა მიმართ არ აქვს და არც ექნება ადგილი. სამარხები, რომელთა უკანონოდ გადათხრა და ლეშის ამოყრა მოხდა, ეკუთვნის შპს „ჰერმესს“ და განკუთვნილია სწორედ ცხოველთა ლეშის დასამარხად.ცხოველთა დამარხვა ხდება ღამის საათებში, რადგან დღის განმავლობაში არაერთი ლეში შემოდის სააგენტოში, როგორც ბუნებრივი სიკვდილით, ისე ავტოსაგზაო შემთხვევების გამო დახოცილი პატრონიანი და მიუსაფარი ცხოველების. დღისით ხდება მათი შეკრება და ღამის საათებში დამარხვა.ყველა პროცედურა არის საჯარო და დევს ცხოველთა მონიტორინგის სააგენტოს ვებგვერდზე.აღნიშნულ სამარხებში იმ ცხოველთა ლეშიცაა, რომლებიც იმავე ე.წ. ცხოველთა დამცველებმა გორის თავშესაფრიდან წამოიყვანეს, ნაწილი დაიხოცა და შემდეგ ცხოველთა მონიტორინგის სააგენტოს მიმართეს დასამარხად.რაც შეეხება ე.წ. სქრინს, რომელსაც საგულდაგულოდ ავრცელებენ იმის დასტურად, თითქოს სააგენტო ნამდვილად ხოცავს ცხოველებს, არის მორიგი ტყუილი და ცილისწამება.ერთადერთი, რის შემცირებასაც მონიტორინგი მუდმივად ახორციელებს, მიუსაფარ ცხოველთა პოპულაციაა და იგი ხორციელდება სტერილიზაციის გზით.მოვუწოდებთ შესაბამის ორგანოებს, შეისწავლონ აღნიშნული საქმე და მისცენ მას სამართლებრივი რეაგირება.ადამიანთა ჯგუფს, რომელიც ცხოველთა დამცველების მანტიით შემოსილი, ხელს უშლის ცხოველთა მონიტორინგის მუშაობას, სიტყვიერ შეურაცხყოფას აყენებს ჩვენს თანამშრომლებს, აბულინგებს მათ, თხრის სამარხებს, საფრთხის ქვეშ აყენებს, როგორც თავად მიუსაფარ ცხოველებს, ისე თბილისის მოსახლეობას, აუცილებლად მოუწევს პასუხისგება კანონის წინაშე”- ნათქვამია განცხადებაში.

დედაქალაქი • 1793895147

თბილისის მერია განცხადებას ავრცელებს

თბილისის მერია განცხადებას ავრცელებს:„გვინდა, კიდევ ერთხელ გამოვეხმაუროთ სოციალურ ქსელებში გავრცელებულ მუქარას თბილისის ცხოველთა მონიტორინგის სააგენტოს თანამშრომლების წინააღმდეგ.რამდენიმე დღეა არ ცხრება მუქარის შემცველი მოწოდებები და ბულინგი მუნიციპალიტეტის თანამშრომლების მისამართით, რომლებიც კეთილსინდისიერად ასრულებენ თავიანთ მოვალეობას და ემსახურებიან დედაქალაქს.პოლიტიკურად ანგაჟირებული ჯგუფები სოციალურ ქსელებში აქვეყნებენ მონიტორინგის წარმომადგენელთა ფოტოებს, უწოდებენ მათ მკვლელებს, მწამებლებს, ცხოველთა ცოცხლად დამმარხველებს და ემუქრებიან, არა მხოლოდ მათ, არამედ მათი ოჯახის წევრებსაც.ე.წ. ცხოველთა დამცველები, რომელთაც არც ცხოველების და მით უმეტეს არც მოქალაქეების უფლებების დაცვასთან რეალურად არაფერი აკავშირებთ, დაკავებულები არიან დესტრუქციული ქმედებებით.გახსოვთ ალბათ, ცხოველთა გადათხრილი სამარხები, ამოყრილი ლეში, ცხოველთა თავშესაფარში შეჭრის მცდელობები და ახლა უკვე პირდაპირი მუქარა იმ ადამიანების ოჯახების მისამართით, რომლებიც თავიანთ საქმიანობას ასრულებენ.ეს არის ხელის შეშლა მუნიციპალიტეტის საქმიანობაში, ადამიანთა პირადი მონაცემების დაცვის უგულებელყოფა და მათი ფიზიკური უსაფრთხოების ხელყოფის მცდელობა.საზოგადოების ინტერესის გათვალისწინებით, კიდევ ერთხელ განვმარტავთ, არანაირ კანონდარღვევას ცხოველთა მიმართ არ აქვს და არც ექნება ადგილი. სამარხები, რომელთა უკანონოდ გადათხრა და ლეშის ამოყრა მოხდა, ეკუთვნის შპს „ჰერმესს“ და განკუთვნილია სწორედ ცხოველთა ლეშის დასამარხად.ცხოველთა დამარხვა ხდება ღამის საათებში, რადგან დღის განმავლობაში არაერთი ლეში შემოდის სააგენტოში, როგორც ბუნებრივი სიკვდილით, ისე ავტოსაგზაო შემთხვევების გამო დახოცილი პატრონიანი და მიუსაფარი ცხოველების. დღისით ხდება მათი შეკრება და ღამის საათებში დამარხვა.ყველა პროცედურა არის საჯარო და დევს ცხოველთა მონიტორინგის სააგენტოს ვებგვერდზე.აღნიშნულ სამარხებში იმ ცხოველთა ლეშიცაა, რომლებიც იმავე ე.წ. ცხოველთა დამცველებმა გორის თავშესაფრიდან წამოიყვანეს, ნაწილი დაიხოცა და შემდეგ ცხოველთა მონიტორინგის სააგენტოს მიმართეს დასამარხად.რაც შეეხება ე.წ. სქრინს, რომელსაც საგულდაგულოდ ავრცელებენ იმის დასტურად, თითქოს სააგენტო ნამდვილად ხოცავს ცხოველებს, არის მორიგი ტყუილი და ცილისწამება.ერთადერთი, რის შემცირებასაც მონიტორინგი მუდმივად ახორციელებს, მიუსაფარ ცხოველთა პოპულაციაა და იგი ხორციელდება სტერილიზაციის გზით.მოვუწოდებთ შესაბამის ორგანოებს, შეისწავლონ აღნიშნული საქმე და მისცენ მას სამართლებრივი რეაგირება.ადამიანთა ჯგუფს, რომელიც ცხოველთა დამცველების მანტიით შემოსილი, ხელს უშლის ცხოველთა მონიტორინგის მუშაობას, სიტყვიერ შეურაცხყოფას აყენებს ჩვენს თანამშრომლებს, აბულინგებს მათ, თხრის სამარხებს, საფრთხის ქვეშ აყენებს, როგორც თავად მიუსაფარ ცხოველებს, ისე თბილისის მოსახლეობას, აუცილებლად მოუწევს პასუხისგება კანონის წინაშე“, - ნათქვამია ინფორმაციაში.

პოლიტიკა • 1793766989

კახა კალაძე ე.წ. გადასასვლელ ხიდზე გაჩენილი ხანძრის შედეგად დაზარალებულ მოვაჭრეებს: შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ

თბილისის მერია სადგურის მოედანზე, ე.წ. გადასასვლელ ხიდზე გაჩენილი ხანძრის შედეგად დაზარალებული მოვაჭრეების საკითხს დეტალურად შეისწავლის და მათ შესაძლებლობების ფარგლებში დაეხმარება – ამის შესახებ დედაქალაქის მერმა ვიდეომიმართვაში ისაუბრა.კახა კალაძის განცხადებით, მუნიციპალიტეტი დაზარალებულ მოქალაქეებს პრობლემების პირისპირ არ დატოვებს. კალაძის განმარტებით, მას ამ თემაზე საუბარი პრემიერ-მინისტრთან უკვე ჰქონდა და საკითხის მოკვლევის მიზნით, დაზარალებულებთან კომუნიკაცია დაუყოვნებლივ დაიწყება.ძლიერი ხანძარი ე.წ. გადასასვლელ ხიდზე ერთ-ერთ მაღაზიაში ორი დღის წინ გაჩნდა და მალევე სხვა ობიექტებზეც გავრცელდა."მე მქონდა პრემიერ-მინისტრთან საუბარი აღნიშნულ საკითხთან დაკავშირებით და პრემიერმა დაგვავალა, რომ დეტალურად შევისწავლოთ აღნიშნული საკითხი. შესაბამისად, ვიცე-მერი ბატონი გიორგი ტყემალაძე მზად არის შეხვდეს საინიციატივო ჯგუფს, ამ ადამიანებს, მოვუსმინოთ, მოგისმინოთ და დავიწყოთ დეტალური მოკვლევა. ჩვენ, რა თქმა უნდა, ჩვენი შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ", - განაცხადა კახა კალაძემ.

დედაქალაქი • 1793734019

მტკვრის მარცხენა სანაპიროზე, ერთ სამოძრაო ზოლში, მოძრაობა 3 თვით იზღუდება

მტკვრის მარცხენა სანაპიროზე, ერთ სამოძრაო ზოლში გადაადგილება შეიზღუდება, - ამის შესახებ ინფორმაციას თბილისის მერია ავრცელებს.„მტკვრის მარცხენა სანაპიროზე, კოსმონავტების სანაპიროს 13ა-ს მიმდებარედ მდინარის ნაპირსამაგრი სამუშაოები იწყება.დაგეგმილი სამუშაოების გამო, 5 ნოემბრის 00:00 საათიდან სამი თვის განმავლობაში, გზის სავალი ნაწილის ერთ სამოძრაო ზოლში გადაადგილება შეიზღუდება.თბილისის მერია ბოდიშს გიხდით შექმნილი დისკომფორტის გამო“, - ნათქვამია ინფორმაციაში.

საზოგადოება • 1793723910

თბილისის მერია ე.წ. გადასასვლელ ხიდზე ხანძრის შედეგად დაზარალებულ მოვაჭრეებს დაეხმარება

თბილისის მერია სადგურის მოედანზე, ე.წ. გადასასვლელ ხიდზე გაჩენილი ხანძრის შედეგად დაზარალებული მოვაჭრეების საკითხს დეტალურად შეისწავლის და მათ შესაძლებლობების ფარგლებში დახმარებას გაუწევს, - ამის შესახებ თბილისის მერმა კახა კალაძემ სოციალური ქსელის ვიდეომიმართვაში განაცხადა.დედაქალაქის მერის თქმით, მუნიციპალიტეტი დაზარალებულ მოქალაქეებს პრობლემების პირისპირ არ დატოვებს.„სადგურის მოედანზე, ე.წ. გადასასვლელ ხიდზე, სადაც ბევრი ადამიანი ეწევა ეკონომიკურ საქმიანობას, გაჩნდა ხანძარი, რამაც ბევრი ადამიანისთვის ძალიან დიდი პრობლემა შექმნა. დღეს ამ ადამიანების გარკვეული ჯგუფი მოსული იყო მერიაში და ითხოვდა დახმარებას. მქონდა პრემიერ-მინისტრთან საუბარი ამ საკითხთან დაკავშირებით. ირაკლი კობახიძემ დამავალა, რომ დეტალურად შევისწავლოთ აღნიშნული საკითხი“, - განაცხადა კახა კალაძემ.მისივე თქმით, საკითხის მოკვლევის მიზნით, დაზარალებულებთან კომუნიკაცია დაუყოვნებლივ დაიწყება.„ვიცე-მერი გიორგი ტყემალაძე მზად არის შეხვდეს საინიციატივო ჯგუფს, ამ ადამიანებს მოუსმინოს და დავიწყოთ დეტალური მოკვლევა. ჩვენი შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ“, - აღნიშნა კახა კალაძემ.

ისტორიები • 1793688060

დავით აღმაშენებლის გამზირი - რა იმალება თბილისის ერთ-ერთი ყველაზე ისტორიული ქუჩის მიღმა

დავით აღმაშენებლის გამზირი თბილისის ცენტრალური ნაწილია, რომელიც ისტორიულად და კულტურულად მნიშვნელოვან ადგილს იკავებს.თავდაპირველად ცნობილი იყო როგორც მიხეილის გამზირი, რომელიც კავკასიის მეფისნაცვლის, მიხეილ ნიკოლოზის ძე რომანოვის პატივსაცემად ერქვა. ეს სახელი შემორჩა კიდეც საავადმყოფოს, რომელიც დღესაც „მიხაილოვის“ სახელწოდებით მოიხსენიება.1918 წელს გამზირს ეწოდა პლეხანოვის გამზირი, სახელწოდება რუსი მარქსისტი გიორგი პლეხანოვის გარდაცვალების შემდეგ. საბჭოთა პერიოდში ეს სახელი უცვლელად დარჩა, თუმცა 1990 წელს გამზირს განახლებული სახელწოდება – დავით აღმაშენებლის გამზირი – დაერქვა.თბილისის მერიამ 2009 წელს დაიწყო დავით აღმაშენებლის გამზირის მნიშვნელოვანი რეაბილიტაციის პროცესი. გეგმის მიხედვით, ამ გამზირს უნდა დაებრუნებინა თავისი ისტორიული მნიშვნელობა, როგორც სავაჭრო და კულტურული ცენტრიც. 2011 წლის 23 ნოემბერს საქართველოს პრეზიდენტმა და თბილისის მერმა ოფიციალურად გახსნეს განახლებული გამზირი, რომელიც ახლა გთავაზობთ მაცდურ და მრავალფეროვან გარემოს.დავით აღმაშენებლის გამზირი დღესდღეობით არა მხოლოდ ერთი ქუჩა, არამედ თბილისში ყველაზე დინამიკური, ვრცელი და გამორჩეული კულტურული ცენტრი გახდა... ვრცლად

პოლიტიკა • 1793617663

ირაკლი ბენდელიანი: პირობა, რომელიც მოსახლეობას თავიდანვე მივეცით, ძალაშია, რუსთაველის გამზირზე სამუშაოებს ნოემბრის ბოლოს დავასრულებთ

თბილისის მერის მოადგილის, ირაკლი ბენდელიანის განცხადებით, გარკვეული ტელეკომპანიების თუ პოლიტიკური პარტიის წარმომადგენლები მიზანმიმართულად ავრცელებენ მცდარ ინფორმაციას, რომლის თანახმად, თითქოს თბილისის მერიას რუსთაველის გამზირის რეაბილიტაცია ოქტომბერში უნდა დაესრულებინა და ეს ვერ მოახერხა.როგორც მერის მოადგილემ განაცხადა, აღნიშნული დეზინფორმაციის მიზანი საზოგადოების შეცდომაში შეყვანაა, ვინაიდან გამზირზე სარეაბილიტაციო სამუშაოების დასრულების ვადად იმთავითვე ნოემბერი იყო განსაზღვრული.„ბოლო დღეების განმავლობაში, რამდენიმე ტელეარხის საშუალებით მიმდინარეობს არასწორი ინფორმაციის მიზანმიმართული გავრცელება, თითქოს რუსთაველის გამზირის რეაბილიტაცია დათქმულ ვადებში ვერ დასრულდა. აღნიშნულის მიზანი არის მოსახლეობის შეცდომაში შეყვანა. გვინდა, სრული პასუხისმგებლობით განვაცხადოთ, რომ არცერთ ჩვენს ოფიციალურ კომენტარში, რომელსაც ასევე ის ტელეარხებიც იწერდნენ, რომლებიც დღეს ამ შეცდომას ავრცელებენ, არასდროს თქმულა, რომ რუსთაველის გამზირის რეაბილიტაცია დასრულდებოდა ოქტომბრის თვეში. ყოველთვის, პირველივე დღიდან ვამბობდით, რომ რუსთაველის გამზირის რეაბილიტაცია დასრულდება მიმდინარე წლის ნოემბერში. ახლაც ხაზგასმით შეგვიძლია აღვნიშნოთ, რომ ის პირობა, რაც ჩვენ მოსახლეობას თავიდანვე მივეცით, ძალაშია და ნოემბრის ბოლოს დავასრულებთ სამუშაოებს“, – განაცხადა ირაკლი ბენდელიანმა.მერის მოადგილის განცხადებით, აღნიშნულ ინფორმაციას მიზანმიმართულად ავრცელებენ კონკრეტული პოლიტიკური პარტიის წარმომადგენლები, რომელთა მიზანი თბილისის მერიისა და მისი სამსახურების ანტიპიარია.ირაკლი ბენდელიანმა ასევე განმარტა, რომ გამზირის რეაბილიტაციაზე 10-მდე კომპანია მუშაობს და თუკი რომელიმე მათგანთან გაფორმებულ ხელშეკრულებაში ცვლილებები შევიდა, ეს სამუშაოების დასრულების საბოლოო ვადებზე არ აისახება.„მოსახლეობისთვის უფრო მეტად გასაგები რომ იყოს, მინდა ვთქვა, რომ რუსთაველის გამზირზე მუშაობს არაერთი კომპანია. ესენი არ არიან მხოლოდ საგზაო კომპანიები, დაახლოებით, ათი კომპანია მუშაობს, რომელთაგან ყველას აქვს თავისი ვადები, სამუშაო მოცულობები და გაწერილი გრაფიკი. თითოეულ ამ კონკრეტულ ხელშეკრულებაში სად რა ცვლილება შევა, სად გაიზრდება მოცულობები, სად რა შემაფერხებელი გარემოებები იქნება, ეს არის სამუშაო პროცესი. თუმცა, ამ ყველაფრის მიუხედავად, ის პასუხისმგებლობა, რაც ჩვენ მოსახლეობის წინაშე გვაქვს აღებული, რომ ნოემბრის ბოლოს უნდა დავასრულოთ სამუშაოები, შესრულებული იქნება – სამუშაოებს ნამდვილად დავასრულებთ ნოემბრის ბოლოს“, – აღნიშნა ირაკლი ბენდელიანმა.მერის მოადგილემ მოუწოდა კონკრეტული პოლიტიკური პარტიის წარმომადგენლებს თუ ტელევიზიებს, შეწყვიტონ არასწორი ინფორმაციის გავრცელება, რომლის მიზანიც საზოგადოების შეცდომაში შეყვანაა.

საზოგადოება • 1793473720

თბილისის მერია განცხადებას ავრცელებს

თბილისის მერია განცხადებას ავრცელებს.„გვინდა, გამოვეხმაუროთ ტელეკომპანია „პირველის“ ეთერში გასულ რეპორტაჟს და მოქალაქეთა გარკვეული ჯგუფის მხრიდან დაწყებულ მიზანმიმართულ კამპანიას, რომელიც შეიცავს გადაუმოწმებელ და ცრუ ინფორმაციას. აღნიშნული დეზინფორმაცია საზოგადოების შეცდომაში შეყვანას, ცხოველთა მონიტორინგის სააგენტოს საქმიანობის დისკრედიტაციასა და მისი რეპუტაციის მიზანმიმართულ შელახვას ისახავს მიზნად.განსაკუთრებით შემაშფოთებელია ფაქტების ისე დამახინჯება, თითქოს ცხოველთა მონიტორინგის სააგენტო ცხოველების მასობრივ და მიზანმიმართულ ხოცვას ახორციელებდეს.ცხოველთა სამარხთან დაკავშირებით გავრცელებული ვიდეომასალა და საზოგადოების გარკვეული ნაწილის მიერ განხორციელებული თვითნებური ქმედებები მიზნად ისახავს თბილისის მერიის დისკრედიტაციას და საზოგადოებაში დაძაბულობის ხელოვნურად შექმნას.სამარხების თვითნებური გახსნა, ცხოველთა ნეშტების ამოყრა, მათი გადაადგილება და მსგავსი ქმედებები არამხოლოდ უკანონოა, მსგავსი ჩარევა არღვევს სანიტარიულ უსაფრთხოებას, ქმნის ბიოლოგიური დაბინძურების გავრცელების რისკს, საფრთხეს უქმნის ადამიანის ჯანმრთელობასა და სიცოცხლეს და აზიანებს გარემოს. მოქალაქეებმა, რომლებიც მონაწილეობდნენ სამარხების გათხრის პროცესში, საჭიროა გაიარონ სამედიცინო შემოწმება, მათივე ჯანმრთელობის უსაფრთხოების გამო.საზოგადოების ინტერესებიდან გამომდინარე, გაცნობებთ, რომ ტელეკომპანია „პირველის“ გავრცელებული ვიდეომასალა ასახავს პროცესს, რომელიც სრულად არის დაშვებული კანონმდებლობით. აღნიშნული სამარხი განკუთვნილია თბილისის ტერიტორიაზე სხვადასხვა მიზეზით გარდაცვლილი ძაღლების ნეშტების განსათავსებლად. მათ შორის არიან ცხოველები, რომლებიც დაიღუპნენ სხვადასხვა დაავადების, ავტოსაგზაო შემთხვევების, უბედური შემთხვევებისა და ბუნებრივი სიკვდილის შედეგად. დედაქალაქის მასშტაბით, წელიწადში ევთანაზიით ასობით, ხოლო ბუნებრივი სიკვდილით ათასობით ცხოველი იღუპება.აღნიშნული ინფორმაცია არასოდეს ყოფილა დამალული ცხოველთა მონიტორინგის სააგენტოს მიერ. პირიქით, სააგენტოს საქმიანობისა და ცხოველთა მართვის შესაბამისი პროცესების შესახებ ინფორმაცია საჯაროა. ნებისმიერ დაინტერესებულ პირს აქვს შესაძლებლობა, დეტალურად გაეცნოს მას სააგენტოს ოფიციალურ ვებგვერდზე.ამის შესახებ კარგად არიან ინფორმირებულები სწორედ ის პირები, რომლებმაც, საზოგადოებაში დაძაბულობის და პანიკის დათესვის მიზნით, ჩაიდინეს უკანონობა და გადათხარეს დაღუპულ ცხოველთა სამარხები. ამ ადამიანებს თავადაც არაერთხელ უსარგებლიათ ცხოველთა მონიტორინგის სააგენტოს სერვისით, რათა დაემარხათ მათივე გარდაცვლილი ცხოველები.განსაკუთრებით აღმაშფოთებელია ცილისწამება, თითქოს აღნიშნულ სამარხში ცოცხალი, სპეციალურად დაძინებული ძაღლები არიან განთავსებული, რაც არის სრული ტყუილი და დეზინფორმაცია.მოვუწოდებთ მოქალაქეებს, თავი შეიკავონ სამარხების თვითნებური გახსნისგან, ნეშტების ამოყრისგან, გადაადგილებისა და ნებისმიერი მსგავსი ქმედებისგან.ჩვენ უკვე მივმართეთ სამართალდამცავ ორგანოებს, რათა შეისწავლონ გარკვეული ჯგუფის მიერ განხორციელებული ვანდალური ქმედება და მოახდინონ შესაბამისი სამართლებრივი რეაგირება.ასევე, თხოვნით მივმართავთ საზოგადოებას, არ აჰყვეთ გადაუმოწმებელ ინფორმაციას, არ მიიღოთ მონაწილეობა სახიფათო თვითნებურ ქმედებებში და დაეყრდნით მხოლოდ ოფიციალურ, გადამოწმებულ ინფორმაციას“, - ნათქვამია განცხადებაში.

დედაქალაქი • 1793348324

პირველი ნოემბრის 00:00 საათიდან 2 ნოემბრის 00:00 საათამდე ჭოველიძის ქუჩის ასახვევში გადაადგილება სრულად შეიზღუდება - თბილისის მერია

რუსთაველის გამზირის რეაბილიტაციის ფარგლებში, ჭოველიძის ქუჩისა და მელიქიშვილის გამზირის კვეთაზე ინფრასტრუქტურული სამუშაოები იგეგმება, რის გამოც 1-ელი ნოემბრის 00:00-დან 2 ნოემბრის 00:00 საათამდე ჭოველიძის ქუჩის ასახვევში ავტომობილებისა და საზოგადოებრივი ტრანსპორტის გადაადგილება სრულად შეიზღუდება.„მელიქიშვილის გამზირიდან მომავალი ავტომობილები ჭოველიძის ქუჩის შემოვლას შეძლებენ კოსტავას და ზანდუკელის ქუჩების გავლით. კოსტავას ქუჩიდან მომავალი ავტომობილები კი შემოვლას შეძლებენ ნიკოლაძის ქუჩაზე ასვლით, მელიქიშვილის გამზირის, ჯანაშიას და ბარნოვის ქუჩების საშუალებით.შეზღუდვის პერიოდში, ჭოველიძის ქუჩაზე მოძრაობის მიმართულება შეეცვლება N378 ავტობუსის და მიკროავტობუსის N408, N420 მარშრუტებს. კერძოდ, N378 ავტობუსი სადგურის მოედნიდან რჩეულიშვილი-ჯაფარიძის ქუჩებისკენ გადაადგილებისას ვარაზისხევიდან მოძრაობას გააგრძელებს კეკელიძის ქუჩის მიმართულებით, რის შემდეგაც ჯანაშვილის ქუჩით დაუკავშირდება ბარნოვის ქუჩას და იმოძრავებს ჭოველიძის ქუჩისკენ, შემდეგ სვლას დადგენილი სქემით გააგრძელებს. მიკროავტობუსის N408 და N420 მარშრუტები ბარნოვის ქუჩიდან ძმები კაკაბაძეების ქუჩაზე ჩამოსვლის შემდეგ (მეტროსადგურ „რუსთაველის“ მიმდებარე ტერიტორია), მოძრაობას აღარ გააგრძელებენ კოსტავას ქუჩისკენ. ხოლო უკუმიმართულებისას მიხეილ ზანდუკელის ქუჩით გადაადგილდებიან ბარნოვის ქუჩისკენ, შემდეგ დადგენილი სქემით იმოძრავებენ.თბილისის მერია ბოდიშს გიხდით შექმნილი დისკომფორტის გამო“, - აღნიშნულია განცხადებაში.