სამეფო ოჯახის ტრაგედია ნორვეგიაში - მეფე ჰარალდ V-ის შემდეგ პრინცესა ასტრიდიც გარდაიცვალა

ნორვეგიაში პრინცესა ასტრიდი გარდაიცვალა. ამის შესახებ Reuters-ი იტყობინება.

პრინცესა 94 წლის იყო. ის ნორვეგიის ყოფილი მეფის, ჰარალდ V-ის უფროსი და და მისი მემკვიდრის, ჰააკონ VIII-ის მამიდა იყო.

ასტრიდი სიცოცხლის ბოლო დღეებამდე აგრძელებდა სამეფო ოჯახის წარმომადგენლობითი მოვალეობების შესრულებას და რამდენიმე საქველმოქმედო ორგანიზაციის მფარველად ითვლებოდა. გარდაცვალებამდე ორი დღით ადრე მან ჰარალდ V-ის დაკრძალვაში მიიღო მონაწილეობა. ეს მისი ბოლო გამოჩენა იყო საზოგადოებაში.

28 აგვისტოს დილით ნორვეგიის მეფე ჰარალდ V გარდაიცვალა, რომელიც ევროპის უხუცეს მოქმედ მონარქად ითვლებოდა. გარდაცვალებამდე ოთხი დღით ადრე იგი საავადმყოფოში ჰემოლიტიკური ანემიით მოხვდა, მალევე კი მას სისხლის ბაქტერიული ინფექცია დაუდგინეს. ის 89 წლის იყო.