1695452460

„კმაყოფილები დავიშალეთ. ლელა ბრწყინავდა, ისე უხაროდა. დამშვიდდა" - რა ისტორია გადახდათ 9 აპრილის გმირებს

9 აპრილის გმირებს და სიმბოლოებს - მარი ნანა მახარაძესა და ლელა ვეფხვაძეს გუშინ ეს ისტორია გადახდათ; ნანა გადამხდარ ამბავს ფეისბუქზე მხატვრულად წერს;მარი ნანა მახარაძე: ზარი ტელეფონზე..."ჩემი ლელიკო" -ასეთი ხმამაღალი რეაქცია მაქვს, როცა მის ნომერს ვხედავ და შინაგანად სულ მიხარია;- მარი, ჩემო ძვირფასო, საფულე ვიპოვე, იტალიური პირადობით და საბანკო ბარათებით, შიგნით საქორწილო წვრილი ოქროს რგოლია. მეტროდან გირეკავ, აქ უცნობს ვერავის ვენდობი. შენ ხომ იცი იტალიური, იქნებ თავი მოვაბათ ამ საქმეს და პატრონი ვიპოვოთ. ნახევარი საათის საქმე მაქვს და წერეთლის მეტროსთან შევხვდეთ თუ დრო გაქვსო...ზუსტად 40 წუთში ვიჯექით ორი "შერლოკ ჰოლმსი" წერეთლის მეტროსთან და საბუთებს ყურადღებით ვეცნობოდით. ლელა წუხდა, კარგად ვერ ვხედავ და ახალგაზრდა ბიჭიაო? ნეტავ ამ ბეჭედის პატრონი ვინ არისო? საქორწინო ბეჭედს კი შიგნიდან ამოტვიფრული ჰქონდა სახელი "ოლგა". ფეისბუქზე მოვძებნეთ, ვიპოვეთ და მივწერეთ, თუმცა პასუხი არ იყო...საბანკო ბარათით მივადექით თიბისი ბანკს, მაშინვე გადასცეს უსაფრთხოების წარმომადგენელს და ზუსტად 2 წუთში დაგვაკავშირეს საბუთების პატრონს. შევთანხმდით რომ წერეთლის მეტროსთან შევხვდებოდით. მოვიდა "ჩვენი" იტალიელი, ქართველ მეგობართან ერთად. გავარკვიეთ ყველაფერი, გავისაუბრეთ იტალიელ სტუმართან, რომელსაც საქართველო ძალიან მოსწონს და აქ ცხოვრება გადაუწყვეტია; მე ავუხსენი როგორ გაუმართლა, რადგან მისი საფულის მპოვნელი, ჩვენი ქვეყნის დამოუკიდებლობის ერთ-ერთი სიმბოლო იყო; ვუთხარი რომ ჩემი მეუღლეც იტალიელია და აქ ცხოვრობს... დიდხანს გაგრძელდებოდა საუბარი, რომ არა პოლიციელის შენიშვნა - "აქ მანქანის გაჩერება არ შეიძლება"...ერთი სიტყვით კმაყოფილები დავიშალეთ ორივე მხარე. ლელა ბრწყინავდა ისე უხაროდა. დამშვიდდა, რომ მოგვარდა საქმე და სადარდებელი არ ექნებოდა. სახლში მივიპატიჟე, მაგრამ ისევ მეტროში სამუშაოდ უნდა დავბრუნდეო, მიკროფონი და დინამიკი იქვე დავტოვე, მივბრუნდები და ჩემ საქმეს გავაგრძელებო...წავიდა.მე დიდხანს ვუყურებდი როგორი რიხიანი ნაბიჯებით მიაბიჯებდა, ხელებით მოსინჯა მეტროში შესასვლელი უზარმაზარი შუშები, გასასვლელი იპოვა და თავაწეული შეუერთდა ზღვა ხალხს...სახლში დაბრუნებულმა მოვყევი დღის ამბავი. ჩემმა შვილმა ხუმრობით მითხრა: "ოჰო, 9 აპრილის სიმბოლოებმა ევროკავშირს დაეხმარეთო..."ევროკავშირამდე კიდევ ბევრი გვაქვს სავალი... ამაში დღეს კიდევ ერთხელ დავრწმუნდი "რიხიანად" მიმავალ ლელას რომ ვუყურებდი, ჩემთვის ყველაზე მამაც ქალბატონს, რომელიც დღესაც მეტროში მღერის და ამ ცხოვრებასთან ისევ ბრძოლა უწევს.ადამიანობას, გულიანობას, თანადგომას, სხვისი ტკივილის გაზიარებას, სიკეთის კეთების სურვილს "კავშირები" არ სჭირდება. ქართველების ერთმანეთთან "კავშირი" კი ძლიერი სახელმწიფოს საწინდარია, რათა ჩვენც ღირსეულად ვიდგეთ "ძლიერთა ამა ქვეყნისათა" გვერდით.სულ ესაა ჩვენი სასაუბრო და საფიქრალი თემა, როცა ორი მეგობარი ერთმანეთს ვხვდებით; ასევე დაგაინტერესებთ:"დიდხანს გეძებდი... 33 წლის შემდეგ გაგიცანი და უკვე დაგკარგე. ხომ იცი, "ყველაზე მაგარი" გოგოს "შუმახერი" ხარ!" - ამ ლეგენდარული ფოტოს გმირების სევდიანი დასასრული"გადაღებამდე ერთი თვით ადრე, ეკას მეუღლე დაეღუპა; ეშინოდათ, რომ ის მთავარ როლზე ვერ გაამართლებდა…" - ფილმი, რომელზედაც იტირებთ და ომს სხვა რაკურსითაც დაინახავთ"მოქალაქე წმინდანი" - რა ხდება ფილმში, რომელიც საქართველოს ეროვნულმა კინოცენტრმა "ოსკარზე" გაგზავნა„ღიმილის ბიჭებიდან" წასვლას ვაპირებდი, მაგრამ...“ - მთავარი „ღიმილის ბიჭი“ 75 წლის გახდა

1695399569

VIDEO: "ხატს ნებისმიერ ადგილზე რომ შეეხოთ, სიმხურვალეს, ხელების გარდა, ვერსად იგრძნობთ" - დღეს ტაძრის უზარმაზარი ეზო მომლოცველებით გაივსო

დღეს, 22 სექტემბერს, ყველა მსურველს შესაძლებლობა ჰქონდა მიახლებოდა და მოელოცა საკვირველმომქმედი და მსწრაფლშემსმენელი ხატი "დედოფალი - სიხარულის მომნიჭებელი";ვახტანგ გორგასლის სახელობის ეკლესიაში მისულ მორწმუნე მრევლს, ასევე შეეძლო კანდელიდან ზეთის წაღება, რომელიც სნეულთ კურნავს და შვებას ჰგვრის;ღვთისმშობლის ხატი მის მცველებს რამდენიმე საათით ჰქონდათ გამობრძანებული ტაძარში, სადაც ასევე იყიდდით ამ ხატის ასლებს;ხატის მოლოცვის შესაძლებლობა მორწმუნეთ 14 ივლისსაც მიეცათ;ხატზე "დედოფალი" - ინფორმაციას გაეცნობით ამ ფეისბუქგვერდზე; "დედოფალს" სასწაულები მოუხდენია, ახდენს და აქვს შექმნის საინტერესო ისტორია; ხატს "დედოფალი", ანუ "სიხარულის მომნიჭებელი" პატრიარქმა უწოდა. ის 2014 წელს შეიქმნა და ივერონში დაბრძანებული დედა ხატის - ივერიის ყოვლადწმინდა ღვთისმშობლის ანალოგია, რომელსაც "პორტაიტისა" ეწოდება.ხატს ორი მცველი ჰყავს - რეჟისორი ზურაბ შიოშვილი და მუსიკოსი - გიორგი ჭოლოკავა.მცველებს "დედოფლის" ხატი ათონის მთაზე ჰყავდათ წაბრძანებული, სადაც ის დედახატს შეხვდა. ხატი ასევე წმინდა მიწაზე იმყოფებოდა;"მადლი, რომელიც ხატიდან გადმოდის, ასეთი სიმხურვალის სახით აღწევს ადამიანებამდე და ეს ტემპერატურა საკმაოდ მწველია. მასთან ძალიან ახლოს მისვლა არც გჭირდება, ამას მანძილზე გრძნობ" - ჰყვება ზურაბ შიოშვილი."ხატს ნებისმიერ ადგილზე რომ შეეხო, სიმხურვალეს ხელების გარდა, ვერც ერთი ნაწილიდან იგრძნობთ. მეზობელმა, რომელსაც ხატის რეპროდუქცია ვაჩუქე, მითხრა, ხელები თბილი აქვსო; რამდენიმე ცალი მეც მქონდა შინ და თითოეულს რომ შევეხე, ყველას ხელი თბილი ჰქონდა" - გიორგი ჭოლოკავა. ასევე დაგაინტერესებთ: "ეს რატომ თქვა? კიდევ არის რაიმე გაუმხელელი და გამჟღავნდება?" - რა დაუბარა მამა გაბრიელმა თავის სულიერ შვილს"შტრიხკოდიან პროდუქტს ჯვარი გადასახეთ და ისე მიიღეთ, არ გავნებთო, ამბობდა..." - რას გვიყვება მამა გაბრიელის სულიერი შვილი"მამას საფლავზე მისულს, ხშირად მხვდება დანთებული სანთელი; ვერასდროს შევესწარი, ვინ ანთებს; მესაფლავეებს ვკითხე და გაირკვა..." - საოცარი ისტორია დოდო აბაშიძეზე

1695394680

"ცოტნე 14 წლის გახდა და პროფესიული კუთხით, თავისი მოთხოვნები გაუჩნდა" - რა მოთხოვნები და სასიხარულო ამბები აქვს ვუნდერკინდ მუსიკოსს

"9 დეკემბერს. საქართველოს დღესასწაული ჰოლანდიის გამორჩეულ ქალაქ ჰააგაში.მე და ჩვენი გენიალური ცოტნე ზედგინიძე ერთად წარვდგებით შესანიშნავი ჰოლანდიელი მსმენელის წინაშე სოლო კონცერტით.კონცერტი გაიმართება უმნიშვნელოვანესი ფესტივალის "EUROPALIA" ფარგლებში, საქართველოს კულტურის სამინისტროსთან კოლაბორაციით"- წერს პიანისტი სანდო გეგეჭკორი ჯულიარდიდან;სანდროს ამ სასიხარულო პოსტმა ჩვენი ვუნდერკინდი გამახსენა, როგორ არის და რას გვიმზადებს-მეთქი; მის ბებიას, მეურვესა და პედაგოგს, ნინო მამრაძეს დავურეკე;ის "პრაიმტაიმს" ცოტნეს გაწერილ გრაფიკს აცნობს და გაზრდილი ვუნდერკინდის ახალ მოთხოვნაზე უყვება;ნინო მამრაძე: ჩვენკენ ყველაფერი ნორმალურადაა; ახლა მუშაობს ნაწარმოებზე, საფორტეპიანო ტრიოზე, რომელსაც ივნისში შვეიცარიაში, ქალაქ ვერბიეს კლასიკური მუსიკის ფესტივალზე შეასრულებს; გასულ ზაფხულს გერმანიაში ჰქონდა სოლო კონცერტიც, მერე წინანდლის ფესტივალზეც გამოვიდა;რამდენიმე თვე გაწერილია ფესტივალებზე; დეკემბერში - ჰააგა, იანვრის ბოლოს მიუნხენში, გაზაფხულზე ლიზა ბათიაშვილთან ერთად გამოდის კონცერტზე ბერლინის ფილარმონიაში; ცოტნე და ლიზა ცოტნეს სავიოლინო სონატას დაუკრავენ; კიდევ სხვა ნაწარმოებსაც; გარდა ამისა, იაპონიაში უნდა გაემგზავროს კონცერტებით; ჩვენ, ჯერჯერობით, კომერციული კონცერტები არ გვაქვს, თავს ვარიდებთ; ცოტნეს კი უნდა უკვე, რომ როგორც სხვა შემსრულებელი, თავადაც იღებდეს ჰონორარს; ეს იმიტომ რომ სხვანაირი საკონცერტო ტურნეების მოწყობა შეძლოს; ახლა ფესტივალებზე დადის, ანაზღაურების შემთხვევაში კი, უკვე პროფესიულად, რეგულარულად გაწერილი კონცერტები ექნება;17 აგვისტოს 14 წლის გახდა და პროფესიული კუთხით, თავისი მოთხოვნები გაუჩნდა; უნდა სტატუსი, რეგულარული გასტროლები, კონცერტები; სურს ამ საქმეში უკვე სრულფასოვნად იყოს; თორემ თანხა მისთვის დიდი ინტერესის სფერო არ არის; - აგენტებთან არ აწარმოებთ მოლაპარაკებას?- ჯერჯერობით, არა, მაგრამ ცოტნესთან თანამშრომლობის მსურველი აგენტები არსებობენ და ლიზა ბათიაშვილი არჩევს მათ შორის სანდოსა და საუკეთესოს; ამ საქმეს ის კარგად ართმევს თავს; ცოტნე ყველა წამყვან კომპოზიტორს და მუსიკოსს გააცნო; ერთი წლის წინ გერმანიაში, ინგოლშტადტში, აგენტები ცოტნეს კონცერტზე დაუპატიჟებლად, საკუთარი სურვილით ჩავიდნენ და მისი კონცერტის შემდეგ, ცოტნესთან თანამშრომლობის სურვილი გამოთქვეს; ეძებს ისეთს, რომ გაითვალისწინონ ასაკი და კონცერტები არ მიაყარონ; ამ ასაკში არ შეიძლება ბევრი კონცერტი და ფრენა; ჯერ მხოლოდ 14 წლისაა; სკოლაში სწავლობს, ნაწარმოებები უნდა წეროს, უნდა ჰქონდეს თავისუფალი დრო და ამ დროს, რეგულარულად თვითმფრინავში ჯდომა, კარგი არ არის;  ასევე დაგაინტერესებთ: „ფაქტის წინაშე დავაყენე და ამით დამთავრდა ყველაფერი! ახლაც მებუზღუნება“ - რა ხდება ფილარმონიის კულისებში?"გადაღებამდე ერთი თვით ადრე, ეკას მეუღლე დაეღუპა; ეშინოდათ, რომ ის მთავარ როლზე ვერ გაამართლებდა…" - ფილმი, რომელზედაც იტირებთ და ომს სხვა რაკურსითაც დაინახავთ"მოქალაქე წმინდანი" - რა ხდება ფილმში, რომელიც საქართველოს ეროვნულმა კინოცენტრმა "ოსკარზე" გაგზავნა

1695362160

„ფაქტის წინაშე დავაყენე და ამით დამთავრდა ყველაფერი! ახლაც მებუზღუნება“ - რა ხდება ფილარმონიის კულისებში?

„როგორც იქნა, გვეღირსა. 28ოქტომბერს „სტუმრად ნატოსთან“ – 35 წელი სცენაზე და სახელობითი ვარსკვლავის გახსნა! ფილარმონის დიდი საკონცერტო დარბაზი“ - დააწერა ამ ფოტოს საქართველოს კულტურის პალატის პრეზიდენტმა დავით ოქიტაშვილმა და ის ფეისბუქზე გამოაქვეყნა;ამით კი, როგორც "პრაიმტაიმთან" ამბობს, ნატო ფაქტის წინაშე დააყენა;დავით ოქიტაშვილი: ხუთი წელია ნატო გელაშვილთან ვარსკვლავის გახსნასთან დაკავშირებით ვაწარმოებ მოლაპარაკებას; არც ახლა უნდოდა, იანვარში გადავდოთო, მაგრამ არავითარი იანვარი-მეთქი და ფაქტის წინაშე დავაყენე - მოდი, ფოტო გადავიღოთ-მეთქი, ეს ფოტო ფეისბუქზე დავდე, დავაწერე ვარსკვლავის გახსნა და ამით დამთავრდა ყველაფერი; ახლაც მებუზღუნება; რატომ ხარ ასე განწყობილი-მეთქი? - ვეკითხები; ეს იმხელა პასუხისმგებლობაა, მეშინიაო, ამბობს; კონცერტზე გაჟღერდება ჰიტები, რითიც ნატო გახდა ცნობილი და საყვარელი ავტორ-შემსრულებელი; შესრულდება დუეტები და იმღერებენ: მაია ჯაბუა, "ჭოხოები", ნოდარიკო და ზუკა ხუციშვილები, ანსამბლი "ფორტე", თემურ თათარაშვილი, "თეატრალურის კვარტეტი"; ნატო შვილებთან ერთად ახალ სიმღერას შემოგვთავაზებს; დაუკრავს პაატა ანდრიაძის ბენდი; რეჟისორია ბაკურ ბაკურაძე; ნატოს ვიხილავთ დათუნა სულიკაშვილის კაბებში;  დათომ ნატოს დაბადების დღიდან, აპრილში გააკეთა ჩვენთან ამ თემაზე პირველი კომენტარი და მისი შემოქმედებითი გზის დასაწყისი გაიხსენა;"მახსოვს, როგორ იქმნებოდა მისი სიმღერები. ბორჯომიდან რომ ჩამოვიდა, დიღომში ერთ ოთახიან ბინაში ცხოვრობდა და რა ხდებოდა მასთან, იცით? 20-25 კაცი რომ შეიყრებოდა, არავის წასვლა არ სურდა, დროს ვატარებდით, მერე ზოგს სად ეძინა, ზოგს სად, ზოგსაც როიალის ქვეშ მძინარეს იპოვიდით. მე ეს მახსოვს.მე მაშინ მერიაში კულტურის სამსახურის უფროსი ვიყავი, ყველანაირად ხელს ვუწყობდი. მახსოვს, როგორ ნერვიულობდა პირველ სიმღერაზე. მერე გიო ხუციშვილთან მისი ტანდემი ჩამოყალიბდა...ამ კონცერტზე ნატოს გვერდით იქნებიან ის ადამიანები, ვინც მის სიმღერებს მღერის.მოკლედ, საინტერესო საღამოს გპირდებით. ნატო თავად მოგვიყვება თავის ისტორიას." ასევე დაგაინტერესებთ: "გერმანელი ექიმები თვალებს არ უჯერებდნენ და ვერ ხვდებოდნენ, რასთან ჰქონდათ საქმე" - სასწაული, რომელიც კახის ოპერაციის წინ მოხდა"გადაღებამდე ერთი თვით ადრე, ეკას მეუღლე დაეღუპა; ეშინოდათ, რომ ის მთავარ როლზე ვერ გაამართლებდა…" - ფილმი, რომელზედაც იტირებთ და ომს სხვა რაკურსითაც დაინახავთ„ღიმილის ბიჭებიდან" წასვლას ვაპირებდი, მაგრამ...“ - მთავარი „ღიმილის ბიჭი“ 75 წლის გახდა"ერთი წელია ერთად ვართ... ჯერ მხოლოდ ეს ფოტოები იკმარეთ" - გიორგი ნაზღაიძე რჩეულს გვაცნობს

1695334118

"მამას საფლავზე მისულს, ხშირად მხვდება დანთებული სანთელი; ვერასდროს შევესწარი, ვინ ანთებს; მესაფლავეებს ვკითხე და გაირკვა..." - საოცარი ისტორია დოდო აბაშიძეზე

ისტორიკოსმა ზაზა აბაშიძემ გადაცემაში "ავტოგრაფი" მოჰყვა ისტორია მამაზე, თუ როგორ ხვდებოდა მუდმივად, მამის საფლავზე დანთებული სანთელი;აი, რა ამბავი იმალებოდა ამის უკან;ზაზა აბაშიძე: დიდუბეში, მამას საფლავზე მისულს ხშირად მხვდება დანთებული სანთელი; ვერასდროს შევესწარი, ვინ ანთებს; ერთხელ ვკითხე მესაფლავეებს, ხომ არ იცით, ვინ მოდის, ან ჰკითხეთ, ვინ არის-მეთქი? ვიღაც მამაკაცი მოდის და მასთან ერთად ზოგჯერ ქალბატნიცო; გაირკვა: ამ მამაკაცს დაუნახავს დოდო ზის რესტორანში და მეგობრებთან ერთად ქეიფობს; რომ წამოიშალნენ და გარეთ გავიდნენ და ეს კაცი გაედევნა დოდოს და უთხრა, ეგებ დამეხმაროთ, ამდენი ხანია ბინის რიგში ვარ, ექვსი შვილი მყავს, ვაგონში ვცხოვრობ, ეგებ ხმა შემაწიოთო; ვისთან შეგაწიოთ ხმაო, უკითხავს დოდოს; წამოდი გურამ გაბუნიასთან მივიდეთო; მივიდნენ; რა ხდებაო, უკითხავს ბატონ გურამს; ნახე, რა ბიჭია, ექვსი შვილი ჰყავს, ორი გოგო, ოთხი ბიჭი და აუხსნა სიტუაცია;იმ წუთში გადაუწყვეტია ეს პრობლემა ბატონ გურამ გაბუნიას; მიიღეს ბინა და მისულან დოდოსთან და ჰკითხეს, მადლობა რითი გადაგიხადოთო? მამას უპასუხია: რომ მოვკვდები, მოდი ჩემს საფლავზე და სანთელი დამინთეო; ასე დადიან და ამდენი ხნის განმავლობაში უნთებენ სანთელს; ასევე დაგაინტერესებთ:"ეს ვერაგი დაავადება დავამარცხე; პირდაპირი თუ ირიბი გაგებით, უნდა ებრძოლო - სიტყვით თუ ლუკმით" - რას გვიამბობს სიმსივნეზე გამარჯვებული ამირან არაბული"გერმანელი ექიმები თვალებს არ უჯერებდნენ და ვერ ხვდებოდნენ, რასთან ჰქონდათ საქმე" - სასწაული, რომელიც კახის ოპერაციის წინ მოხდა"გადაღებამდე ერთი თვით ადრე, ეკას მეუღლე დაეღუპა; ეშინოდათ, რომ ის მთავარ როლზე ვერ გაამართლებდა…" - ფილმი, რომელზედაც იტირებთ და ომს სხვა რაკურსითაც დაინახავთ

1695286985

Photo: ყოვლადწმინდა ღვთისმშობლის შობის რეალური ადგილი

21 სექტემბერს მართლმადიდებელი სამყარო ყოვლადწმიდა ღვთისმშობლის, მარადის ქალწულის, მარიამის შობას აღნიშნავს.ისტორია ღვთისმშობლის შობის შესახებყოვლადწმიდა ქალწული გალილეის პატარა ქალაქ ნაზარეთში დაიბადა.ეს ფოტო ეკუთვნის საკვირველმომქმედი და მსწრაფლშემსმენელი ხატის "დედოფალი - სიხარულის მომნიჭებელის" მცველებს მარიამის მშობლები იყვნენ მართალი იოაკიმე და მართალი ანა. ღვთისმოშიშ ცოლ-ქმარს შვილი არ ეძლეოდა. ასე მიაღწიეს მათ ხანდაზმულობამდე, მაგრამ იმედი არ დაუკარგავთ, რომ ღმერთი, შვილს მომადლებდა მათ.იოაკიმემ და ანამ აღთქმა დადეს, რომ ახალშობილს ტაძარში მსახურებისათვის უფალს მიუძღვნიდნენ.ერთ-ერთ დღესასწაულზე მართალ იოაკიმეს იერუსალიმის ტაძარში უფლისათვის მსხვერპლის შეწირვა სურდა, მაგრამ მღვდელმთავარმა უარი უთხრა. მოხუცი ღრმა მწუხარებით აივსო, უდაბნოს მიაშურა და ორმოცი დღე მარხვასა და ლოცვაში გაატარა. უფალმა შეისმინა ცოლ-ქმრის ვერდება. მთვარანგელოზმა გაბრიელმა ანას აცნობა, რომ იგი მალე დედა გახდებოდა, ხოლო მისი ნაშობი განდიდდებოდა. მართლაც მართალ მშობლებს შეეძინათ შვილი, რომელსაც მარიამი უწოდეს.შობა ყოვლადწმიდა ქალწულისა მარიამისა, ვინც თავისი უმანკო სხეულით განკაცებული უფალი იტვირთა, ქრისტიანთა ერთ-ერთი უდიდესი დღესასწაულია. ღვთისმშობელმა თავისი სიწმინდითა და სათნოებით არა მხოლოდ ყველა მოკვდავს, ყველა ანგელოზსაც გარდაამეტა, ღვთის ცოცხალ ტაძრად იქცა.ყოვლადწმიდა ღვთისმშობელი ზეციურ იერარქიაში თვით უმაღლესი დასის ანგელოზებზე მაღლა დგას.დედაღვთისა შეგეწიოთ, გაგახაროთ, მადლი და წყალობა სუფევდეს თქვენს ოჯახებში, თქვენს გულში. ასევე დაგაინტერესებთ: "შტრიხკოდიან პროდუქტს ჯვარი გადასახეთ და ისე მიიღეთ, არ გავნებთო, ამბობდა..." - რას გვიყვება მამა გაბრიელის სულიერი შვილი"ეს წიგნი, მამა გაბრიელზე უცნობი ისტორიებით, დიდი პოპულარობით ისარგებლებს. ერთი კითხვა არ მასვენებს..." - წმინდანის სულიერი შვილი აქამდე გაუმხელელი ამბებით„როცა დამნაშავე არ ხართ და გლანძღავენ, როცა შენზე სიცრუეს იტყვიან, მადლობა უთხარი“ - ბერი ნიკოლოზ გურიანოვის შეგონებანი

1695279268

"გერმანელი ექიმები თვალებს არ უჯერებდნენ და ვერ ხვდებოდნენ, რასთან ჰქონდათ საქმე" - სასწაული, რომელიც კახის ოპერაციის წინ მოხდა

 ლეგენდარული კახი კავსაძის ძმამ, ოპერის მომღერალმა იმერი კავსაძემ, “პრაიმტაიმის” მკითხველს უამბო, როგორ განკურნა უწმინდესის ლოცვამ კახი მძიმე სენისგან. გერმანელი ექიმები თვალებს არ უჯერებდნენ და ვერ მიმხვდარიყვნენ, რასთან ჰქონდათ საქმე; აი, რას გვიამბობს ბატონი იმერი;იმერი კავსაძე: – ბევრმა ნარკოზმა კახის ჯანმრთელობაზე ნეგატიურად იმოქმედა. უამრავი ოპერაცია ჰქონდა გადატანილი, თან მძიმე ოპერაციები.გერმანიაში მორიგი გამგზავრების წინ, კახის საშარდე ბუშტზე გადაუღეს სურათი და ყვავილივით გაშლილი პოლიპები აღმოჩნდა. ძალიან ცუდი… გამგზავრების წინ მივიდა უწმინდესთან. მან დალოცა და გამოაცხადა, ბატონი კახი გერმანიაში მიდის და მოდით, მისი ჯანმრთელობისთვის ვილოცოთო. ილოცა, დალოცა და გაუშვა.კახი ჩავიდა გერმანიაში, აჩვენა ექიმს გადაღებული სურათი. კახი ჰყვება, ეს კაცი ჩემი სურათის ნახვისას გაშავდაო. დაიწყეს ექოსკოპიის კეთება, ვაა, გაოცებულია. დაუძახა განყოფილების უფროსს, მერე პალატის ექიმს, ყველანი გაშტერებული ათვალიერებდნენ თურმე დაავადებულ ორგანოს. მაგრამ წინა დღეს გადაღებული სურათი ექოსკოპიისას აღარ დახვდათ! აბსოლუტურად გამქრალი იყო ის პოლიპები. გერმანელი ექიმები თვალებს არ უჯერებდნენ და ვერ მიმხვდარიყვნენ, რასთან ჰქონდათ საქმე;"იმიტომ აღარ მაქვს არაფერი, რომ წამოსვლის წინ ჩვენმა პატრიარქმა დამლოცაო" – უთქვამს გერმანელი ექიმებისთვის კახის. ისინი გაოცებული უყურებდნენ თურმე. სასწაულია, აბა, რა არის? ჩამოვიდა კახი, უწმინდესის წინ მუხლებზე დაეცა და ეს ამბავი მოუყვა.უწმინდესი პირველად რომ გამაცნო კახიმ, მიყურა, მიყურა და კახის უთხრა, ძალიანა გგავთ, ბატონო კახიო. ბედნიერებაა მასთან მისვლა, ხელზე ამბორი. იქიდან განწმენდილის განცდით მოდიხარ… ასევე დაგაინტერესებთ: "გადაღებამდე ერთი თვით ადრე, ეკას მეუღლე დაეღუპა; ეშინოდათ, რომ ის მთავარ როლზე ვერ გაამართლებდა…" - ფილმი, რომელზედაც იტირებთ და ომს სხვა რაკურსითაც დაინახავთ"აღმოაჩენენ, რომ ჯვარი ადგილზეა, მასზე გაკრული წმინდანი კი - გაუჩინარებული" - რა ხდება ფილმში, რომელიც "ოსკარზე" გაიგზავნა"ღიმილის ბიჭებიდან" წასვლას ვაპირებდი, მაგრამ...“ - მთავარი „ღიმილის ბიჭი“ 75 წლის გახდა

1695277380

„როცა დამნაშავე არ ხართ და გლანძღავენ, როცა შენზე სიცრუეს იტყვიან, მადლობა უთხარი“ - ბერი ნიკოლოზ გურიანოვის შეგონებანი

ბერი ნიკოლოზ გურიანოვი რუსი სასულიერო პირი გახლდათ; მეოცე საუკუნის ბერი თავისი ღვაწლითა და სათნოებით გამორჩეული ყოფილა;მისი ბრძნული გამონათქვამები ძალზე დაგეხმარებათ;"ნუ გაბოროტდებით ადამიანებზე, ხოლო რაც დაგიშავეს, დაივიწყეთ. იცოდეთ მხოლოდ, რომ ყველაზე უარესი ხართ.ყური ცუდსა და ავზე არავის ათხოვოთ, არ შეჩერდეთ ბოროტ აზრზე; რაც გამოგზავნილია - ყველაფერი უფლისგანაა, განკურნებისა და გამოსწორებისთვის. როცა შენზე სიცრუეს იტყვიან, მადლობა უთხარი და შენდობა ითხოვე.მხოლოდ მაშინ გექნებათ ჯილდო, როცა დამნაშავე არ ხართ და გლანძღავენ. მხოლოდ თქვი: "მაპატიე ქრისტეს გულისთვის, მე უფრო უარესი ვარ, ვიდრე შენ ფიქრობ ჩემზე" - ბერი ნიკოლოზ გურიანოვი ასევე დაგაინტერესებთ: "იმ წამსვე მთელი დემონური სამყარო გეტაკება და გებრძვის" - ამონარიდი მამა თეოდორე გიგნაძის ქადაგებიდან„სნეულთა საკურნებლად წაიღებთ ზეთს“ - უამრავი ადამიანი ელოდება ამ დღესვინ იყო წმინდა პორფირე და რა კავშირი აქვს მას გენიალურ "შერეკილებთან""მარუსასაც მოუკლეს შვილი, ოღონდ ჯვარზე კი არა, აფხაზეთის ომში. შვილის დასაფლავებიდან მეორმოცე დღეს, თეთრი მტრედი მოფრინდა და..." - ემოციური წერილი ღვთისმშობელს

1695241165

"ერთი წელია ერთად ვართ... ჯერ მხოლოდ ეს ფოტოები იკმარეთ" - გიორგი ნაზღაიძე რჩეულს გვაცნობს

 გიორგი ნაზღაიძემ აღიარა, რომ შეყვარებულია; ტელესახე კონკრეტიკისგან თავს ჯერჯერობით იკავებს, თუმცა "გვაიმედებს", რომ მალე მის რჩეულს უკეთ გაგვაცნობს;"პრაიმტაიმის" მკითხველს კი საყვარელ ქალზე მწირ ინფორმაციას აწვდის;გიორგი ნაზღაიძე: - თუ ვინ მიყვარს გამოჩნდება მაშინ, როდესაც ის გადაწყვეტს;ეს ის ჭეშმარიტი სიყვარულია, რომელსაც 38 წლის განმავლობაში ვეძებდი; აქამდე რომ მეგონა, შეყვარებული ვიყავი, სულაც არა; აი, ეს გრძნობა ყოფილა ცხოვრების მთავარი აზრი;ერთი წელია ჩვენ ერთად ვართ, თუმცა ეს პერიოდი დაგვჭირდა იმისთვის, რომ ერთმანეთის სიყვარულში დავრწმუნებულიყავით;მალე ეს სიყვარული სულ სხვა ფაზაში გადავა; ამასაც ცოტა ხანში გაიგებთ;ექსკლუზიურად ის შემიძლია გითხრათ, რომ ჩემი რჩეული შოუბიზნესის სფეროდან არ არის, თუმცა ამ წრეში ტრიალებს; მას თავისი ბიზნესი აქვს; ჯერ მხოლოდ ეს ფოტოები იკმარეთ;ასევე დაგაინტერესებთ: "13 დაუვიწყარი დღე გავატარე" - ვისთან ერთად მოიარა იტალია გიორგი ნაზღაიძემჭორი თუ სიმართლე - გიორგი ნაზღაიძე "პრაიმ ჰაუსს" აღარ წაიყვანს?!"სასწაული საჩუქრები მივიღე" - გიორგი ნაზღაიძე საჩუქრებს ასახელებს

1695239566

21 სექტემბერი ღვთისმშობლობაა - პატრიარქის კურთხევით, ამ ლოცვას ვკითხულობთ...

დღეს, 21 სექტემბერს, მართლმადიდებლური სამყარო ყოვლადწმიდა ღვთისმშობლის შობის დღესასწაულს, ღვთისმშობლობას ზეიმობს;ამ დღეს ტაძრებში საგანგებო საგალობლებს აღავლენენ - ადიდებენ ყოვლადწმიდა ქალწულს, ვითარცა კიბეს, რომელმაც ცა და დედამიწა შეაერთა, როცა ხორციელად შვა უფალი, და ვითარცა "მაყვალს შეუწველს", რადგან დაიტია ღმერთი და არ დაიწვა.გავიხსენოთ შობა ყოვლადწმიდისა დედუფლისა ჩვენისა ღვთისმშობელისადა მარადის ქალწულისა მარიამისა.ყოვლადწმინდა ღვთისმშობელი გალილეის პატარა ქალაქ ნაზარეთში დაიბადა. მამა, მართალი იოაკიმე, დავით მეფის ტომიდან იყო, ხოლო დედა, მართალი ანა – პირველი მღვდელმთავრის აარონის შთამომავალი;მდიდარი, მაგრამ უშვილო იოაკიმე ყოველწლიურად ორმაგ მსხვერპლს სწირავდა უფალს. ერთ-ერთ დღესასწაულზე, როცა ებრაელები იერუსალიმის ტაძარში მსხვერპლშეწირვისთვის ემზადებოდნენ, მათ უარი უთხრეს იოაკიმეს პირველს შეეწირა მსხვერპლი, მიზეზად კი იოაკიმესა და ანას უშვილობა წამოაძახეს (ებრაელ ხალხში უშვილობა ღვთის სასჯელად ითვლებოდა).დაღონებულ იოაკიმეს მწუხარება გაუასკეცდა და ისე მიაშურა უდაბნოს, რომ შინაც აღარ შეუვლია მეუღლის სანახავად. იქ, სახელდახელოდ აგებულ კარავში, მან ორმოცი დღე და ღამე უჭმელ-უსმელმა გაატარა მხურვალე ლოცვაში.წმინდა ანას წუხილს ქმარზე დარდიც დაემატა და ის თითქმის არავის ეჩვენებოდა. ანას უშვილობა წამოაყვედრა მისმა მხევალმაც: „უფალმა ღმერთმა დაგიხშო საშო და არ მოგმადლა ნაყოფი ისრაელიანთა შორისო“.მაშინ ანამ სამგლოვიარო სამოსელი გაიხადა, საზეიმოდ ჩაიცვა, ბაღში ჩავიდა, დაფნის ხის ქვეშ ჩამოჯდა და უფალს მხურვალედ შეევედრა: „ღმერთო მამათა ჩემთაო, მაკურთხე მე და შეისმინე ვედრება ჩემი ისე, როგორც აკურთხე შენ ჩვენი სარა და მიანიჭე მას ისააკი“.ანგელოზი გამოეცხადა ანას და ახარა, რომ ღმერთმა შეისმინა მისი ვედრება და იგი დედა გახდებოდა, მისი ნაშობი კი ქვეყანასა ზედა განდიდდებოდა. გახარებულმა ქალმა მადლიერების ნიშნად აღთქმა დადო, შვილი უფლისათვის შეეწირა, რომ მისი მსახური ყოფილიყო მთელი სიცოცხლის მანძილზე.ანგელოზმა უდაბნოში განმარტოებულ იოაკიმესაც აუწყა, რომ ღმერთმა მისი ვედრება შეისმინა და მალე შვილი შეეძინებოდათ.იოაკიმემ მწყემსები მოიხმო და შესაწირავი მსხვერპლის გამზადება უბრძანა. ანა მას სახლში ელოდებოდა. დაინახა თუ არა მწყემსებთან ერთად მომავალი მეუღლე, წინ მიეგება და სასიხარულო ამბავი ამცნო.მათ შეეძინათ ქალი, რომელსაც მარიამი უწოდეს. ექვსი თვის მარიამი დედამ მიწაზე დასვა. ბავშვმა შვიდი ნაბიჯი გადადგა და დედის კალთამდე მიაღწია. გახარებულმა დედამ შვილი ხელში აიტაცა და აღთქმა დადო, რომ ვიდრე უფლის ტაძარში არ მიიყვანდა, მიწაზე ფეხს აღარ დაადგმევინებდა.როცა მარიამი ერთი წლისა გახდა, იოაკიმემ დიდი ლხინი გადაიხადა, შინ მოიწვია მღვდელმთავრები, მღვდლები, მწიგნობრები, პატივსაცემი მოხუცებულნი. „ისმინე, ისმინე ისრაელის თორმეტო ტომო, ძუძუს აწოვებს ანა“, - სიხარულით გალობდა წმინდა ანა.როცა მარიამი სამი წლისა გახდა, მშობლებმა, მიცემული აღთქმისაებრ, ტაძარში მიიყვანეს. უბიწო ასულებმა ანთებული სანთლებით მიაცილეს ბავშვი ტაძრამდე, მღვდელმთავარმა მარიამი საკურთხეველში შეიყვანა და ასე აკურთხა: „შთამომავალთა შორის განადიდა უფალმა სახელი შენი. უკანასკნელ ჟამს შენ მიერ გამოიხსნას უფალმა შვილნი ისრაელისა“.ცხოვრობდა ტაძარში ქალწული და ანგელოზთა ხელით იღებდა საზრდოს, სანამ თორმეტი წლის არ გახდა და უფლის ბრძანებით საპატრონოდ მოხუც ქვრივს, იოსებს არ ჩააბარეს.შობა ყოვლადწმიდა ქალწულ მარიამისა ერთ-ერთი უდიდესი დღესასწაულია. ეს ის დღეა, როცა უფალმა წყალობის თვალით გადმოხედა ცოდვით დაცემულ კაცობრიობას და ქვეყანას მოუვლინა წიაღი ღვთის განხორციელებისა, საყდარი მეუფისა, კიბე ზეცისა, გამომსყიდველი ევას შეცოდებისა - ყოვლადწმიდა ღვთისმშობელი მარიამი, დედა უფლისა ჩვენისა იესო ქრისტესი.„წმიდანთა ცხოვრება“, ტომი III, თბილისი, 2001 წ. მართალი იოაკიმ და ანა ეკლესიის მიერ "მშობლებად ღმრთისა" იწოდებიან, როგორც უფალ იესო ქრისტეს ხორციელნი წინაპარნი. მათ განსაკუთრებული მადლი აქვთ ღვთისაგან – უშვილოებს შვილი მიანიჭონ, შეწყვიტონ მიწისძვრები და დააცხრონ ქარიშხლები.ღვთისმშობელი ზეციურ იერარქიაში თვით უმაღლესი დასის ანგელოზებზე მაღლა დგას. როგორც მისდამი მიძღვნილ ერთ-ერთ საგალობელშია, „უპატიოსნესი ქერუბიმთა და აღმატებით უზესთაესი სერაფიმთა“.ღვთისმშობელი ყველას შემწე და მეოხია, მაგრამ საქართველოსა და ქართველებს იგი განსაკუთრებით მფარველობს. ეს იმიტომ, რომ, საღვთო გადმოცემის თანახმად, ივერია ღვთისმშობლის წილხვედრია.როცა მოციქულები წილს ყრიდნენ, ვის რომელ მხარეში ექადაგა ქრისტეს რჯული, ღვთისმშობელს საქართველო ხვდა წილად, მაგრამ დედაღვთისას უფალი გამოეცხადა და აუწყა, არ დაეტოვებინა იერუსალიმი, ვინაიდან მოახლოებული იყო მისი მიძინება, და ისიც აღუთქვა, რომ მისი წილხვედრი მიწა მომავალში გაბრწყინდებოდა. ღვთისმშობლის ნაცვლად საქართველოში ანდრია პირველწოდებული გამოგზავნეს. პატრიარქის, ილია მეორის ლოცვა-კურთხევით 21 სექტემბერს 12 საათზე ყველა ქართველმა უნდა აანთოს სანთელი და სამჯერ წარმოთქვას ეს ლოცვა:"მოწყალების კარი განგვიღე, კურთხეულო ღვთისმშობელო, რათა რომელნი ესე შენ გესავთ. არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა, ამინ."ყოვლაწმიდა ღვთისმშობლის მფარველობა არ მოჰკლებოდეს ჩვენს ქვეყანას, ოჯახებს, ამინ. ასევე დაგაინტერესებთ: "პატრიარქს დაუნახავს ბადეში დამწყვდეული მგელი. გვიყვება - მივედი ახლოს და დაუფიქრებლად შევყავი თითები ბადეშიო..." - საოცარი ისტორია, თუ როგორ იცნო მგელმა უწმინდესი"ეს რატომ თქვა? კიდევ არის რაიმე გაუმხელელი და გამჟღავნდება?" - რა დაუბარა მამა გაბრიელმა თავის სულიერ შვილს"შტრიხკოდიან პროდუქტს ჯვარი გადასახეთ და ისე მიიღეთ, არ გავნებთო, ამბობდა..." - რას გვიყვება მამა გაბრიელის სულიერი შვილი

1695189780

"იმ წამსვე მთელი დემონური სამყარო გეტაკება და გებრძვის" - ამონარიდი მამა თეოდორე გიგნაძის ქადაგებიდან

მამა თეოდორე გიგნაძის რიხიანი ქადაგებები მოსმენილი გექნებათ; სასულიერო პირის ფეისბუქგვერდს ბევრი გამომწერი ჰყავს; გთავაზობთ ორი სხავადასახვა ქადაგების ამონარიდს;"სულიერ ცხოვრებას წინააღმდეგობა ახლავს; შეუძლებელია არ ახლდეს; როგორც კი შენ იწყებ ქრისტეს ერთგულებას და ეს აქტიურ ფაზაში გადადის - ეს გულისხმობს არა მხოლოდ შენში ქრისტეს ძიებას, არამედ სხვა ადამიანებისთვის სწორი გზის ჩვენებას, იმ წამსვე მთელი დემონური სამყარო გეტაკება და გებრძვის; ხშირად, სამწუხაროდ, ეს დემონური სამყარო თავის დამხმარეებად ადამიანურ რესურსს იყენებს, მაგრამ ჩვენ ამისთვის მზად უნდა ვიყოთ, არ გავბოროტდეთ; ეს ქრისტეს გზაა, სულიერი ცხვრების გზა; მე თუ მდევნეს, თქვენც გდევნიან - ამბობს ქრისტე; ამ გავბოროტდი კანონს ვერ ავცდებით, ამის არ უნდა შეგვეშინდეს; უფალს უამრავი მიმდევარი ჰყავდა, ვინც მისგან სარგებელს ეძებდა, დღესაც ასეა - ეკლესიაში უამრავი მოდის, სანთელს ანთებს, ეზიარება იმიტომ, რომ ამ ქვეყნიური სარგებელი ნახოს; რა თქმა უნდა, ჩვენი ზეციური მამა ჩვენზე ზრუნავს, მაგრამ ჩვენი აქ, ეკლესიაში მისვლის მოტივაცია უნდა იყოს ქრისტესთვის ვნება; თუ იესო ქრისტე ჩვენთვის იქნება საშუალება ამქვეყნიური პრობლემების მოსაგვარებლად, მაშინ იესო ქრისტე ჩვენთვის სიცოცხლე არ არის;  ნამდვილი სიცოცხლე აქ არის, ის კიდე აქაური სიცოცხლის რეალიზებისთვის დამხმარე საშუალებაა; ჩვენ ვართ მორწმუნენი და ეს არ ნიშნავს, რომ ღმერთისგან რაღაცას ველოდებით;ღმერთისგან რასაც ველოდებით, ის ჩვენ გვაქვს უხვად - ეს არის სიცოცხლე, ყოფიერება, რწმენა და მომავალში მარადიული სიცოცხლე გვაქვს კიდევ;ეს ყველაფერი უფლისგან გვაქვს, რა თქმა უნდა, გვაქვს განსაცდელიც;სულიერი ცხოვრებაში, რასაც ჩვენ ჩვენი სარწმუნოებიდან ველოდებით ყოველდღიურობაში, ყოველწამიერებაში,- ეს არის ღმერთთან შეხვედრა, ველოდებით მასთან შეხვედრას.სულ;სულმოუთმენლად,მუდამ ამას ველოდებით,იქნებ როგორმე შევხვდეთ..."  ასევე დაგაინტერესებთ: საყვარელი ქმრის მოულოდნელმა სიკვდილმა, 26 წლის ქსენია, დაძონძილ სამოსიან ნეტარ დედად აქცია - წმინდანის ცხოვრების დეტალები"მე ყველას მოვუსმენ და ყველას დავეხმარები" - როგორ ისმინა ქართველი კაცის ლოცვა ნეტარმა მატრონამ„მადლობას ვუხდი მეუღლეს, რომელმაც გარისკა და დაზიანებული გულით, ჩემთვის გაბრიელი გააჩინა...“ - რა მიუძღვნა დეკანოზმა თავმას ჩოხელმა მეუღლეს

1695150155

"გადაღებამდე ერთი თვით ადრე, ეკას მეუღლე დაეღუპა; ეშინოდათ, რომ ის მთავარ როლზე ვერ გაამართლებდა…" - ფილმი, რომელზედაც იტირებთ და ომს სხვა რაკურსითაც დაინახავთ

"იარე ლიზა" - აფხაზეთის ომთან დაკავშირებულ რეალურ ისტორიებსა და ქრონიკებზე გადაღებული ფილმი, 21 სექტემბრიდან, დიდ ეკრანზე იწყებს თავის ცხოვრებას;ნანა ჯანელიძის ეს სურათი დიდი შერიგებისკენ ნაბიჯის მცდელობაზე თვალის გასწორებაა;ძალზე ემოციური ფილმია; ომს სხვადასხვა რაკურსით გაჩვენებთ - არა მხოლოდ ჩვენი "ბინოკლიდან";ყველამ უნდა ნახოთ;რეჟისორმა ფილმი 42 დღეში კულტურის სამინისტროსა და კერძო ბიზნესმენების დაფინანსებით გადაიღო; სცენარის თანაავტორია ჟურნალისტი ლია ტოკლიკიშვილი, რომელიც ომში აწარმოებდა დღიურებს; სწორედ მან მისცა რეჟისორს იდეაც და საკუთარი ჩანაწერებიც, რის საფუძველზეც დაწერეს სცენარი;"მე არ "მომწონდა" ეს ომი და ათი წელი მოვუნდი ამ თემაზე მუშაობას, რადგან არ ვიცოდი, ამ ფილმით რა უნდა მეთქვა" - თქვა რეჟისორმა  ჟურნალისტებისთვის გამართულ პირველ დახურულ ჩვენებაზე;სცენარზე ათწლიანი მუშაობის შემდეგ კი, ახალ სათქმელს მიაგნო - ეს ფილმში თავად ნახეთ;ის "ამ ამბავში" მედიას დიდ როლს აკისრებს; ფილმში მთავარი გმირი ჟურნალისტია, რომელიც მიდის დასკვნამდე, რომ…ამასაც თავად ნახავთ;ტერიტორიებდაკარგული ჩვენი ქვეყნის მომავალზეც ბევრს დაფიქრდებით; ფილმში სილის გაწვნასაც იგემებთ, სარკეშიც ჩაიხედავთ, შეგრცხვებათ, ბევრს იტირებთ, ირონიულად გაგეღიმებათ, გაბრაზდებით, ომის სისასტიკეზე კიდევ ერთხელ დაფიქრდებით და გაგახსენდებათ, რომ სიმართლის თქმა მნიშვნელოვანია; თუმცა ჩვენ სიმართლის წინაშე ხომ მშიშარები ვართ, საკუთარ თავსაც კი არ ვუტყდებით ამაში; ნანა ჯანელიძე "პრაიმტაიმთან" თავის ფილმზე საუბრობს;ნანა ჯანელიძე: შერიგების დრო? მოვიდა, მაგრამ მზადყოფნა, მე მგონი, ჯერ არ არის; ასე პირდაპირ არ მოდის შერიგება;ვფიქრობ, ფილმმა, წიგნმა, სპექტაკლმა თავისი პირველი როლი უნდა შეასრულოს; არ ვიცი, ეს ფილმი რას იზამს, მაგრამ ეს რომ ჩვენი მხრიდან უნდა ამოთქმულიყო, დარწმუნებუი ვარ; იმათ თავისი სათქმელი ექნებათ; იმისთვის, რომ სწორად ვიაროთ, ასეთი რამეები უნდა ვთქვათ, სიმართლე არ უნდა დავუმალოთ არც ჩვენ თავს, არც იმათ;ალბათ, ფილმს რთული გზა ექნება; უკვე დამოუკიდებელია, ფეხზე დავაყენეთ და ვნახოთ, რა გზას გაივლის;- ახლა რატომ მოგინდათ აფხაზეთის ომზე ფილმის გადაღება?- ჟურნალისტს ლია ტოკლიკიშვილს აწუხებდა ეს თემა, ჩანაწერებს აკეთებდა ომში; მითხრა, ბევრი მასალა მაქვს აფხაზეთის ომზე და წაიკითხეო; მე ამ ომისადმი დამოკიდებულება არ მქონდა; ლევან აბაშიძე უნდა გადამეღო "იავნანაში", ლევანი წავიდა აფხაზეთის ომში და დაიღუპა; მოკლედ, ამ ომის თემა ჩავკეტე ჩემთვის; შემდეგ ლიამ მომცა თავისი მოგონებები, დღიურები - ფილმში გამოვიყენეთ "ნიუტონას დღიურის" ფრაგმენტი;  ლიამ წიგნად გამოუშვა ეს დღიურები, რომლის პრეზენტაციაც ფილმის პრემიერას დაემთხვევა; ასე შევაგროვე ყველა ჩანაწერი, ინტერვიუ, სანამ ამხელა მასალას სცენარად ვაქცევდით; ძალიან მნიშვნელოვანი იყო ლიას ინტერვიუ გურამ ოდიშარიასთან; ამ ინტერვიუმ განსაზღვრა, რომ მე ფილმს გადავიღებდი, განსაკუთრებით მისმა ერთმა ფრაზამ მოახდინა ჩემზე დიდი შთაბეჭდილება, სინდისის ხმა ამოქმედდა და გადამაწყვეტინა ამ ფილმის გადაღება; ეს ფრაზა ფილმში ჟღერს და არ ვიტყვი, რა ფრაზაა;მე და ლია განუყრელებად ვიქეცით, სცენარს ვწერდით და საერთოდ, ამ თემაზე მუშაობამ ათი წელი წაიღო; მივხვდი, რომ ჩვენ ბევრი რამ არ ვიცით ამ ომის შესახებ; თუ შენი ისტორია და წარსული არ იცი და რაღაცებს თვალებში არ შეხედე და არ შეშინდი, უკან დაგხევს; ამიტომ გზა რომ სწორად განაგრძო, სათქმელი უნდა ამოითქვას; ომს პოლიტიკოსები იწყებენ და მერე ის ჩვეულებრივ ადამიანებზე ტყდება - მოქალაქეებზე, ჯარისკაცებზე, ექიმებზე, ჟურნალისტებზე; პოლიტიკოსები ამაზე პასუხისმგებლობას არ ატარებენ, დანარჩენები კიდევ სიცოცხლეს სწირავენ; - რას უშვრება ომი ადამიანს?- ომი აბსოლუტურად გარდაქმნის მას მძიმე მხარისკენ; ომის შემდეგ ჯარისკაცები განადგურებულნი არიან; ეს არის ფენა, რომელსაც საზოგადოება ვეღარ უვლის; ისინი ფსიქიკურად, მენტალურად განადგურებულნი არიან და მსხვერპლნი არიან;ფაქტობრივად, ჩვენ ვართ წაგებული ომის ქვეყანა, წაგებული ომის კაცების ქვეყანა; მათი როლი ქალებმა იტვირთეს, კაცები დაბეჩავდნენ; ქალები დამწკრივდნენ და წავიდნენ უცხოეთში სამუშაოდ; კაცმა დაკარგა თავისი, როგორც დამცველის და ოჯახის მარჩენლის ფუნქცია;- თქვენ რითი შეგცვალათ ამ პროექტზე მუშაობამ?- ომი თავის წესებს გკარნახობს, ბატონობს; ვერ ეწინააღმდეგები; ომში რომ მოხვდები, იქიდან ვერ გამოდიხარ; თუმცა ომი შეიძლება ადამიანმა ადამიანობით დაამარცხოს; მხოლოდ ადამიანობა ცვლის რეჟიმს და ამას ვერაფერი ეწინააღმდეგება;ომის უკან უარყოფითი ძალები დგას, რომელსაც ჰუმანურობით მხოლოდ ადამიანი ამარცხებს; ანიმაცია მაგიტომ ჩავრთე, დემონი რომ ქუხს და ლენინი დაიარება, ეს ხომ ომის და შუღლის სინონიმებია;"სოფლის კაცებმა გადაწყვიტეს, თავთავიანთ სახლებთან დამდგარიყვნენ შეიარაღებულები და მტერი ეზოებში არ შეეშვათ. ყველა თავის ეზოსთან ჩახოცეს… ქმრის დატირების დროც არ მქონდა - სოფელი უნდა დამეტოვებინა, ბავშვები გადამერჩინა... მივძუნძულებდი და დილის ბინდბუნდში ვხედავდი გაურკვეველ სილუეტებს, სახლებს რომ ძარცვავდნენ. თავ-თავიანთ ჭიშკრებთან ყრიან ქართველები: ლერი სახოკია, ვალია კვიციანი, შალვა გორდეზიანი, გრიშა ბედია.." - აფხაზეთიდან დევნილი ნადეჟდა ცირდავას მონათხრობი;ეს დღიურები, თავისი ტრაგიზმით, ისეთი ამაღელვებელი იყო, სიტყვებად უნდა გაჟღერებულიყო, მისი გადაღება სასტიკი, ბრუტალური იქნებოდა და ჩემში ამის წარმოდგენა განზიდვას იწვევდა;ანიმაციით სხვა რამეს ვყვები - საშინელება არსებობს, მაგრამ ერთიანი სამართალიც ხომ არსებობს - გარდაცვლილის სული ანგელოზს მიჰყავს და მისი პატივაყრილი სხეული არ ჩანს მხოლოდ;სამყარო გაცილებით მეტია, ვიდრე მატერიალისტური; მუდმივი ერთობაა და ამას სიურეალიზმის გარეშე ვერ გააკეთებდი; ფილოსოფიურიც უნდა ყოფილიყო, ირონიულიც;- როლების შემსრულებლებიც საინტერესო მოულოდნელობებად წარმოგვიდგინეთ; მაგალითად, მთავარი როლის შემსრულებელი ჟურნალისტი და მწერალი - ეკა ტოგონიძე, მონაზვნის როლში ანა ჩირაძე, აფხაზი მეომრის როლში ილო ბეროშვილი;- ანა ჩირაძე ძლიერი ადამიანია, ხმა აქვს საინტერესო; მამა ანდრიაზე იმ რეალურ ისტორიას სადად ჰყვება; ვფიქრობ, საინტერესო სახე შექმნა;ძალიან ბევრს ვეძებდით მთავარი როლის შემსრულებელს; არ მინდოდა რომ, ამ ადამიანის წარსული მცოდნოდა; არ მინდოდა, რომ ეკრანზე, როლებში მყოლოდა ნანახი;ეკას გადაღებამდე ერთი თვით ადრე შეემთხვა ტრაგედია, მეუღლე დაეღუპა; მას ჰქონდა ის სევდა, რომელიც უბრალოდ არ აქვს ადამიანს; ეკა მჟავანაძესთან, როგორც ქასთინგის მენეჯერთან, კარგად ვითანამშრომლე; მარტო რთულია ასეთი რაღაცის გადაწყვეტა; ჯგუფში წინააღმდეგობა შემხვდა, ეშინოდათ, რომ ეკა მთავარ როლზე ვერ გაამართლებდა, მაგრამ მე ძალიან მომწონს; თავმდაბალი ადამიანია, მაგრამ მამაცი, არ შეეშინდა;შედეგი მაყურებელმა შეაფასოს…  ასევე დაგაინტერესებთ: "მოქალაქე წმინდანი" - რა ხდება ფილმში, რომელიც საქართველოს ეროვნულმა კინოცენტრმა "ოსკარზე" გაგზავნა„ღიმილის ბიჭებიდან" წასვლას ვაპირებდი, მაგრამ...“ - მთავარი „ღიმილის ბიჭი“ 75 წლის გახდა„მიშა, იმაზე მეტად მიყვარხარ და მენატრები, ვიდრე აქამდე...“ - მიშა გომიაშვილის გარდაცვალებიდან ერთი წელი გავიდა