agvistos omi

1659520088

აგვისტოს ომის ქრონიკები: რა ხდებოდა საქართველოში ზუსტად 14 წლის წინ, 3 აგვისტოს

14 წლის წინ საქართველოში სროლის ხმა ისმოდა… 14 წლის წინ სამაჩაბლოში ახალი ომის კერა ღვივდებოდა, ისტორიული მტერი ქართულ მიწაზე ქართველების დასაღვრელ სისხლს ითხოვდა…ადგილობრივები ისტორიული შიდა ქართლიდან და ამჟამად, ე.წ. სამხრეთ ოსეთის სახელით ცნობილი ტერიტორიიდან გაურკვეველ მისამართებზე გადაჰყავდათ.ხალხი საკუთარ სახლებს ტოვებდა და მათ რუსეთი ლტოლვილის სტატუსს პირდაპირ “საშველად” გამოგზავნილ ავტობუსებში ისე “გულმოწყალედ” ურიგებდა, წლობის ნაშენებ კარმიდამოსთან გამომშვიდობებასაც ვერ ასწრებდნენ…ეთნიკურ ოსებს მთელი გულწრფელობით სჯეროდათ, რომ “სისხლისმსმელი” ქართველები მათ ამოწყვეტდნენ… ასეთი იყო დე ფაქტო ცხინვალში რუსული პროპაგანდა და სამწუხაროდ, არც ამ პროპაგანდის მსხვერპლი იყო ცოტა…მეორე მხარეს კი დარჩენილი საქართველო იდგა… “აქეთ” ბიჭები ქართული მიწის დასაცავად ემზადებოდნენ… 14 წლის წინ, სრულიად ახალგაზრდა ქართველები დიდ რუსეთთან საომრად მიდიოდნენ…მაშინ, თბილისის გასასვლელში გზა გადაიკეტა, თეთრ პიკაპებზე ამხედრებული შავ თავსაბურავიანი მებრძოლები ბრძოლის ველზე მიდიოდნენ… გზაზე გაჩერებული ადამიანები შეძახილებით ამხნევებდნენ, ჯარისკაცები კი სისხლის უკანასკნელ წვეთამდე ბრძოლის პირობას გზა და გზა დებდნენ.იბრძოდნენ სამშობლოში შემოჭრილი რუსული არმიის წინააღმდეგ, იცავდნენ საქართველოს ტერიტორიულ მთლიანობას და თითოეული ჩვენგანის სიცოცხლეს…შეიარაღებულ ბიჭებს ისტორიული სამართლიანობის აღდგენის დიდი რწმენა ჰქონდათ. ჩვენ, ტელევიზორებთან მსხდომებს კი, ჩვენი მებრძოლების თავდადების გვჯეროდა…საქართველოს გაერთიანების იმედი დიდი იყო… თუმცა, ახალი ომი სულ სხვა მომავალს გვპირდებოდა და რუკაზე სულ სხვანაირ კონტურებს ავლებდა – ეკლიანი მავთულხლართების სისხლიან, ტკივილიან და გაცრუების ფერ კონტურებს…სისხლიანი აგვისტოს მოწყობა მხოლოდ ერთ მიზანს ემსახურებოდა – ჩრდილოელ, იმპერიალისტური ზრახვებით გაჯერებულ მეზობელს პატარა საქართველოს დიდი დასავლური მომავალი უნდა მოესპო…ქვეყანაში ომი იწყებოდა… მანამდე შიდა ქართლი იბომბებოდა, 3 აგვისტოს კი როკის გვირაბთან დისლოცირებული რუსული არმია ჩვენთან შემოჭრისთვის ემზადებოდა… და მერე იყო სისხლიანი, უმძიმესი 8 აგვისტო…

ქართული ფული

1658483400

ნახეთ, ხართ თუ არა იმ პირებს შორის, ვისაც სახელმწიფო ყოველთვიურად 100 ლარით დაეხმარება

საყოფაცხოვრებო სუბსიდია სოციალური მომსახურების სააგენტოს ერთ-ერთი პროგრამაა, რომელიც ყოველთვიური ფულადი სახის გასაცემელია. კონკრეტულად რას მოიცავს ფულადი დახმარების პროგრამა და ვისთვისაა განკუთვნილი, ამას "პრაიმტაიმის" სტატიიდან გაიგებთ. რა არის საყოფაცხოვრებო სუბსიდია?საყოფაცხოვრებო სუბსიდია სხვადასხვა სოციალურ კატეგორიას მიკუთვნებულ პირთა წრისათვის საყოფაცხოვრებო - კომუნალური საჭიროებების უზრუნველსაყოფად არის განკუთვნილი.ვის ენიშნება საყოფაცხოვრებო სუბსიდია?საყოფაცხოვრებო სუბსიდია ენიშნებათ პირებს იმ შემთხვევაში თუ საყოფაცხოვრებო სუბსიდიის დანიშვნის მომენტისათვის ისინი სოციალური მომსახურების სააგენტოში აღრიცხულნი იქნებიან სახელმწიფო პენსიის მიმღებად.საყოფაცხოვრებო სუბსიდიის მიღების უფლება აქვს ქვემოთ ჩამოთვლილ კატეგორიას მიკუთვნებულ პირებს, ყოველთვიურად შემდეგი ოდენობით: მეორე მსოფლიო ომის, სხვა სახელმწიფოთა ტერიტორიაზე საბრძოლო მოქმედებისა და საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შედეგად მიღებული შეზღუდული შესაძლებლობების მქონე პირებს - 100 ლარის ოდენობით,   მეორე მსოფლიო ომის მონაწილეებს - 100 ლარის ოდენობით,   საქართველოს ტერიტორიული მთლიანობისა და დამოუკიდებლობისათვის საბრძოლო მოქმედებებში დაღუპულთა შვილებს 18 წლის ასაკამდე, ბავშვობიდან შეზღუდული შესაძლებლობის სტატუსის მქონე შვილებს, ასაკის მიუხედავად, აგრეთვე მეუღლეს, რომელიც შემდეგ აღარ დაქორწინებულა და შრომისუუნარო მშობლებს (თითოეულ ოჯახს) - 100 ლარის ოდენობით,   მეორე მსოფლიო ომის მონაწილეებთან გათანაბრებულ პირებს - 100 ლარის ოდენობით,   სხვა სახელმწიფოთა ტერიტორიაზე საბრძოლო მოქმედებისა და საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების მონაწილეებს - 100 ლარის ოდენობით,   მეორე მსოფლიო ომის, სხვა სახელმწიფოთა ტერიტორიაზე საბრძოლო მოქმედებების დროს ან შემდგომ პერიოდში დაღუპული (უგზო-უკვლოდ დაკარგული, გარდაცვლილი), აგრეთვე ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შემდგომ პერიოდში დაღუპული (უგზო-უკვლოდ დაკარგული, გარდაცვლილი) მეომრების ოჯახების შვილებს 18 წლის ასაკამდე, ბავშვობიდან შეზღუდული შესაძლებლობის სტატუსის მქონე შვილებს ასაკის მიუხედავად, მეუღლეს, რომელიც შემდეგ აღარ დაქორწინებულა და შრომისუუნარო მშობლებს (თითოეულ ოჯახს) - 100 ლარის ოდენობით,   სამხედრო ძალების ვეტერანებს მოხუცებულობის გამო საპენსიო ასაკის მიღწევისას - 100 ლარის ოდენობით, ვის უნდა მიმართოთ საყოფაცხოვრებო სუბსიდიის დასანიშნად და რა დოკუმენტებია საჭირო?პირმა საყოფაცხოვრებო სუბსიდიის დასანიშნად, უნდა მიმართოს სოციალური მომსახურების სააგენტოს ნებისმიერ ტერიტორიულ ერთეულს და წარადგინოს შემდეგი დოკუმენტები: საქართველოს მოქალაქის პირადობის დამადასტურებელი დოკუმენტი, შესაბამისი სტატუსის დამადასტურებელი დოკუმენტი. საყოფაცხოვრებო სუბსიდიის დანიშვნა განხორციელდება პირის მიერ განცხადებისა და საჭირო დოკუმენტის სააგენტოში შეტანის მომდევნო თვის პირველი რიცხვიდან.

dzaladobis msxverpli bavshvi

1658253785

„ლაპარაკში მითხრა, რომ როცა ვეხები, ვაგიჟებ... მერე, ცემით ის გააკეთა, რაც უნდოდა...“ - 18 წლის გოგოზე ბიძა ძალადობს

„იმ დღეს მთელი გზა ხელით მათამაშა თავის "სათამაშოზე"... მერე, როცა სახლში მარტო ვიყავი, მოვიდა და ცემით მამაჩემის საწოლზე ის გააკეთა, რაც უნდოდა... ისევ მუქარა..." - სექსუალური ძალადობის მსხვერპლი, 18 წლის გოგო, რომელზედაც ბიძა ძალადობს, თავის შემზარავ ისტორიას ქალთა უფლებადამცველი ორგანიზაციის, "საფარის" გვერდზე ავრცელებს. „ბიძა განსაკუთრებულად მიყვარდა ბავშვობიდან და ვგიჟდებოდი მასზე, 18 წლის ვარ. ჩემი დის ნიშნობაზე, როცა ამდენი ხალხია, როცა ამდენი ნათესავია გარშემო, მთვრალი ბიძაჩემი გვერდით მომიჯდა. ზოგადად, სიმთვრალეში უფრო მეტს მელაპარაკებოდა - ვღადაობდით, ვერთობოდით, მაგრამ არასდროს გამჩენია იმის ილუზია, რომ რამე სხვა ენდომებოდა.ლაპარაკში მითხრა, რომ „როცა ვეხები, ვაგიჟებ“. არ მიფიქრია ცუდი, ლაპარაკი გავაგრძელეთ, გარეთ გავედი.გამომყვა. მითხრა, რომ დიდი გოგო ვარ და ჯობია, უკვე ვისწავლო ბიჭთან ურთიერთობა. მითხრა, გასწავლი, უცხო ხომ არ ვარო. არაფერს დავაზიანებ, ისეო. მივხვდი, რაც ხდებოდა. მთვრალი იყო, ლაპარაკს აზრი არ ჰქონდა.არ მინდოდა, ვინმეს გაეგო, რა ხდებოდა (მამაჩემს ძმა მოუკვდა, დედა მოუკვდა და მასთან იზრდებოდა) და ვიფიქრე, მამაჩემი ამას მოკლავს, ამიტომ დავმალავ-მეთქი. მითხრა, ხვალ დილით გნახავო და დავთანხმდი. ვიფიქრე, რომ გამოფხიზლდება დაველაპარალები-მეთქი. დილით მოვიდა, დედაჩემს უთხრა, მე წავიყვან უნივერსიტეტშიო. მე კიდევ არ მინდოდა.გზაში მელაპარაკა, გახსოვს გუშინდელიო? დავემუქრე. მთელი ღამე ვკანკალებდი. ვუთხარი, კიდევ თუ გააკეთებდა ასე, მამაჩემს ვეტყოდი.მანქანა არ გააჩერა, გზა გააგრძელა. მემუქრებოდა, ჩემი ტელეფონიდან მესიჯი გაუგზავნია თავისთან, რომ მე ვითომ მის დანახვაზე ცუდად ვხდები და მინდება, რომ შემეხოს და ვთხოვ, რომ დილით მოვიდეს და უნიში წამიყვანოს. მოკლედ, იმ დღეს მთელი გზა ხელით მათამაშა თავის „სათამაშოზე“...მერე, როცა სახლში მარტო ვიყავი, მოვიდა და ცემით მამაჩემის საწოლზე ის გააკეთა, რაც უნდოდა... ისევ მუქარა...დღესაც მაშინ მოდის, როცა უნდა. მე ხმას ვერ ვიღებ, მეშინია. ახლა საკუთარი თავი მეზიზღება... შეყვარებული მყავს 3 წელია.ურთიერთობა არ მქონია მასთან და როგორ ვუთხრა ეს ყველაფერი? მკვლელი გახდება, არ აპატიებს... დაშორება ვცადე და ყველაფერი გაარკვია, სადმე რამე პრობლემა ხომ არ მქონდა და არ მშორდება, მეუბნება, არაფრის გამო დაგშორდებიო.თავის მოკვლა მინდა, გული მერევა, სარკეში რომ ვიყურები, ვატყუებ ხალხს... მამაჩემი ბიძაჩემს ძმას ეძახის. ბიცოლაჩემთან ერთად მძინავს და სინამდვილეში რა ხდება? - სიკვდილი მინდა, მაგრამ თავი რომ მოვიკლა, ვიცი, რომ ყველას გაამწარებს ჩემი შეყვარებული, ახლა უკვე საქმრო. დეკემბრის ბოლოს ჩემი ცოლად მოყვანა უნდა, მაგრამ მეშინია...", - წერს ძალადობის მსხვერპლი. 

ქართული ფული

1658234444

ნახეთ, ვინ მიიღებს საჩუქრად 3 000-დან 12 000 ლარამდე თანხას ბიზნესის წამოსაწყებად და როგორ ისარგებლებს ამ პროგრამით

განსახლებულ დევნილთა ინტეგრაციის ხელშეწყობის საგრანტო პროგრამა მთელი ქვეყნის მასშტაბით ხორციელდება და საშუალო და მცირე საგრანტო პაკეტებს ითვალისწინებს.საშუალო საგრანტო პაკეტის ღირებულება 5 000-დან 12 000 ლარამდე მერყეობს, მცირე საგრანტო პაკეტის მაქსიმალური ღირებულება კი 3 000 ლარია.პროგრამის სამიზნე ჯგუფია სამინისტროს სოფლად სახლის პროგრამის ფარგლებში გრძელვადიანი განსახლებით დაკმაყოფილებული ბენეფიციარები.პროგრამა მორგებულია დევნილთა საჭიროებებს, რომლებიც წინასწარ ჩატარებული კვლევის საფუძველზე დადგინდა. კვლევის შედეგების ანალიზით პრიორიტეტულ მიმართულებებად დასახელდა სოფლის მეურნეობა და სურსათის გადამუშავება.გამოვლენილი საჭიროებების შესაბამისად, შემუშავდა საგრანტო პაკეტები, რომელთა შეთავაზება ხდება პროგრამის სამიზნე ჯგუფისათვის.სოფლის მეურნეობის მიმართულებით, პროგრამის ფარგლებში, მხარდაჭერის სამი პაკეტია გათვალისწინებული: მინი ტრაქტორი; მოტობლოკი - ძირითადი იმპლემენტებით მრავალწლიანი კულტურები. სურსათის წარმოება-გადამუშავების სექტორში დასაფინანსებელი მიმართულებები შეზღუდული არ არის.სრულყოფილად შევსებულ განაცხადთან ერთად განმცხადებელმა უნდა წარმოადგინოს შემდეგი დოკუმენტაცია: პირადობის/პასპორტის ასლი; მიწის საკუთრების/თანასაკუთრების დამადასტურებელი ამონაწერი საჯარო რეესტრიდან (სასოფლო-სამეურნეო მიმართულების საგრანტო პაკეტების შემთხვევაში) საგრანტო განაცხადით გათვალისწინებული საქმიანობის განხორციელებისათვის საჭირო ფართის ნებისმიერი სამართლებრივი ფორმით ფლობის დამადასტურებელი დოკუმენტი (სურსათის პირველადი წარმოება-გადამუშავების მიმართულების საგრანტო პაკეტის შემთხვევაში) მრავალწლიანი კულტურების საგრანტო პაკეტზე განმცხადებელმა ზემოჩამოთვლილ დოკუმენტაციასთან ერთად უნდა წარმოადგინოს 1 ინვოისი, სადაც მითითებული იქნება შესასყიდი კულტურა, ნერგების რაოდენობა, თითოეული ნერგის ფასი, ჯამური ღირებულება და ნერგის მახასიათებლები. დევნილმა, რომელსაც სურს გახდეს წინამდებარე პროგრამის ბენეფიციარი, უნდა შეავსოს პროგრამის ფარგლებში შემუშავებული განაცხადი  და ჩააბაროს სააგენტოში, რომლის მისამართია ქ.თბილისი, თამარაშვილის ქ. N15ა ან შევსებული და დასკანერებული განაცხადი თანდართულ დოკუმენტებთან ერთად გამოგზავნოს სააგენტოს ოფიციალურ ელექტრონულ ფოსტაზე - info@livelihood.gov.ge

პოლიცია

1658177433

რუსთავში, ქმარმა ცოლი სცემა და ნაჯახით სიცოცხლის მოსპობით ემუქრებოდა - ოჯახური ძალადობის შემთხვევა

რუსთავში, გაგარინის ქუჩაზე 38 წლის ქალს ქმარმა სცემა.არსებული ინფორმაციით, 36 წლის კაცმა ცოლს ჯერ ფიზიკური დაზიანებები მიაყენა, შემდეგ კი ნაჯახით სიცოცხლის მოსპობით ემუქრებოდა.ინფორმაციას „ინფო რუსთავი“ აქვეყნებს. მეუღლეზე ძალადობის ბრალდებით ნიგერიის მოქალაქე სამართალდამცველებმა იმავე დღეს დააკავეს.ბრალდებულს სამასართლომ წინასწარი პატიმრობა შეუფარდა.

yvavilebi

1658176930

ყვავილების ჯადოსნური თვისებები თქვენს საკეთილდღეოდ გამოიყენეთ - სპეციალისტი კონკრეტული ყვავილების დატვირთვის შესახებ

სახლს ყვავილებით ხშირად განწყობის ასამაღლებლად რთავენ. გარდა დეკორატიული დატვირთვისა,  მრავალფეროვანი, სურნელოვანი თაიგულები ბოროტი და ავი სულებისგან გვიცავს. ბევრ ადამიანს ტყეში სეირნობა, ყვავილების დაკრეფა უყვარს, მაგრამ ცოტამ თუ იცის, რომ ცნობილ და თითქოს უბრალო, ველურ ყვავილებს ჯადოსნური თვისებები აქვთ.როგორ ვისწავლოთ მცენარეების მაგიური ძალების გამოყენება?!დაკრიფეთ თაიგულები, რომლებიც გჭირდებათ ერთი ან რამდენიმე მიზეზით: დაცვისთვის, ჯანმრთელობისთვის, პირადი ბედნიერებისთვის და ნახავთ, რომ ყველაფერი კარგად იქნება.ასტრები განასახიერებენ რწმენას, იმედს ღვთის სიყვარულს და სიბრძნეს. ეს ყვავილები იცავენ ადამიანებს ცუდი ფიქრებისგან, აძლიერებენ და ამსუბუქებენ მორალურ ტანჯვას.ბაღის კარნაცია - ბოროტი ძალებისგან დაცვა, თქვენი ენერგიის დონის გაზრდა. იზიდავს სიმდიდრეს, ეხმარება სურვილების ასრულებაში.ოთახის გერანიუმი - სიყვარული, განკურნება, მტრებისგან დაცვა, მათ შორის ენერგეტიკულიც. ის აქრობს მრისხანების ცეცხლს, სიბრაზეს, ავითარებს იუმორის გრძნობას.ჟასმინი - მთვარისა და ღამის საიდუმლოების სიმბოლოა. გამოიყენება საყვარელი ადამიანის მოსახიბლად.  აძლიერებს თვითშეფასებას, კეთილდღეობას, ავითარებს ფსიქიკურ და გონებრივ შესაძლებლობებს, იზიდავს ფულს და სიყვარულს.კალენდულა - იწვევს სიზმრებს, სადაც სამყაროსგან ბევრი მინიშნება მოგეცემათ.შროშანი - ერთგულებისა და სისუფთავის დაცვაა, მაგრამ ბოროტ ხელში ის შეიძლება გახდეს გამყოფიც. ითვლება, რომ მამაკაცი უფრო ფაქიზი გახდება და ქალი უფრო ვნებიანი, თუ ამომავალი მთვარის ქვეშ შეგროვებული შროშანების თაიგულს შეაგროვებთ.თეთრი ლილია - არის „სიკვდილის ყვავილი“ და ხარების სიმბოლო, ნიშანი თავდავიწყებისა და ერთგულებისა, სიმბოლო სისუფთავისა და გარყვნილებისა. ლილიას თვისებები დამოკიდებულია ადამიანის გარემოებებსა და სურვილებზე. როზმარინი - ადამიანებს ანიჭებს სიყვარულს, სიმშვიდეს, ბედნიერებას, კურნავს გულის დაავადებებს. ვარდი სტიმულს აძლევს ნაზი გრძნობების გამოვლინებას, პასუხისმგებელია სიყვარულის ემოციურ მხარეზე, ინარჩუნებს სინაზეს, ვნებას, სულის ჰარმონიას ადამიანებში.გვირილა - ამშვიდებს, მოაქვს იღბალი და ბარაქა, ეხმარება მომავალი მეუღლის პოვნაში. ეს ყვავილი არასდროს იტყუება: გვირილაზე გამოსახული კლასიკური დანაყოფები "უყვარს - არ უყვარს" ყოველთვის მართალია.ნარი - სახელი ნიშნავს "ეშმაკის შეშინებას". ეშმაკებს ნამდვილად ეშინიათ ამ მცენარის, ამიტომ სახლის შესასვლელში ამ ყვავილებს კიდებენ.ივანე და მარია - რუსეთში ერთ-ერთი ფართოდ გავრცელებული ანტიდემონური მცენარეა. ეს საშუალებას აძლევს სხეულს მიაღწიოს ინისა და იანის ჰარმონიის ენერგიას. ორგანიზმის რეზერვების დახმარებით, ის აღმოფხვრის ენერგიის განლევას, ამშვიდებს ნერვულ სისტემას.

ludi

1658175564

უახლესი სენსაციური სამედიცინო კვლევა - 22 პაციენტის ჯანმრთელობის მდგომარეობა ლუდის სმით გაუმჯობესდა

გამაოგნებელი ახალი სამედიცინო კვლევა ადამიანის ორგანიზმისთვის ლუდის სარგებლიანობაზე ჩატარდა. შედეგებით თავად მკვლევრებიც გაოცდნენ - ლუდი, როგორც ალკოჰოლის შემცველი, ისე - უალკოჰოლო, ნაწლავების ფუნქციონირებისთვის სასარგებლოა. ამის შესახებ ინფორმაციას ამერიკული სამედიცინო გამოცემა  New Atlas წერს.„პორტუგალიელი მეცნიერები აქვეყნებენ ახალ კვლევას, რომელიც აჩვენებს, რომ ლუდის ზომიერმა მოხმარებამ შეიძლება ნაწლავური ბაქტერიების მრავალფეროვნება გაზარდოს. მეცნიერებმა ჩაატარეს ერთთვიანი ექსპერიმენტი - 22 ჯანმრთელი მამაკაცი ყოველდღიურად 0.33 ლიტრ ჩვეულებრივ ან უალკოჰოლო ლუდს სვამდა. კვლევის დროს, მეცნიერები სისხლისა და კალის ანალიზს მუდმივად ატარებდნენ, რათა  მათ ნაწლავში ბაქტერიული მრავალფეროვნების მდგომარეობა დაედგინათ.ექსპერიმენტის შედეგებმა აჩვენა, რომ მონაწილეებს ნაწლავში უფრო მეტი მიკრობული მრავალფეროვნება აღმოაჩნდათ, ვიდრე კვლევის დაწყებამდე. ასევე, მეცნიერებმა დაადგინეს, რომ ამ რაოდენობით ლუდი ადამიანის სხეულისა და ცხიმოვანი მასის ზრდას არ იწვევს, არ ზრდის გულ-სისხლძარღვთა სისტემის შრატში მარკერების დონეს და არ მოქმედებს მეტაბოლიზმზე.მეცნიერები მიიჩნევენ, რომ მიკრობების ბიომრავალფეროვნების გაზრდა ნაწლავში ლუდის ზოგიერთ კომპონენტს უკავშირდება, მაგალითად პოლიფენოლებს და ბაქტერიებს, რომლებიც მის ფერმენტაციას უწყობენ ხელს. თუმცა, ამავე დროს, მეცნიერები შეგვახსენებენ, რომ არა მხოლოდ ნაწლავების, არამედ მთელი ორგანიზმის ჯანმრთელობისთვის ყველაზე უსაფრთხოა როგორც ლუდის, ასევე სხვა ალკოჰოლისგან თავის შეკავება, მიუხედავად ახალი კვლევის შედეგებისა.მეცნიერების თქმით, არსებობს ადამიანისთვის  ღვიძლისა და გულის დაავადებების გაჩენის რისკი. ისინი ხაზს უსვამენ, რომ პოტენციური სარგებელი, რომელიც ლუდმა შეიძლება ნაწლავებს მოუტანოს, არ არის დამოკიდებული ლუდის სახეობაზე, თუმცა ისინი მაინც რეკომენდაციას იძლევიან, უალკოჰოლო ლუდი მიიღოთ.„მიკრობული მრავალფეროვნების არსებობა ნაწლავებში თავისთავად, აუცილებლად კარგი ან ცუდი არ არის. ეს იმას ნიშნავს, რომ თქვენ ნაწლავებში ბევრი სხვადასხვა მიკრობი გაქვთ. ამგვარად, იზრდება ალბათობა, რომ იქ ბევრი კარგი მიკრობია, რომლებიც ნაწლავებზე დადებითად მოქმედებენ. მაგრამ, შეიძლება მიკრობებმა დიდი მრავალფეროვნების მიუხედავად ვერ შეასრულონ ორგანიზმისთვის აუცილებელი ფუნქციები. ამიტომაც, მთავარია არა მათი რაოდენობა, არამედ ის, თუ რას აკეთებენ ისინი“, – ამბობს ვინსენტ იანგი აშშ–ს მიჩიგანის შტატის უნივერსიტეტიდან, რომელიც კვლევაში მონაწილეობდა.ამერიკელი მეცნიერების აზრით, ცალსახა დასკვნების გაკეთება ახალი კვლევიდან რთულია, მონაწილეთა მცირე რაოდენობისა და იმის გამო, რომ ჩვენ ჯერ კიდევ ცოტა რამ ვიცით ნაწლავის მიკრობულ პოპულაციებზე.„ჩვენ ახლა ამ მიკრობებზე ის ვიცით, რაც გვეცოდინებოდა ადამიანებზე, მათ რომ მთვარიდან ტელესკოპით ვაკვირდებოდეთ. ამასთან, ვეცდებოდით გაგვეგო, რა როლი აქვს თითოეულ ადამიანს საზოგადოებაში“, – ამბობს გასტროენტეროლოგი კალიფორნიიდან აშკან ფარხადი.

emigranti

1658175340

„მე რომ ვერასოდეს გავხდები დედა, ქართველებო, თქვენი ბრალია, დედაშვილობა შემაძულეთ...“ - ემიგრანტი ქალის ემოციური მიმართვა

„მე რომ შვილის ყოლის სურვილი არ მაქვს, ქართველებო, თქვენი ბრალია. დედა არასოდეს გავხდები თქვენ გამო” – საკუთარ ისტორიაზე საუბარს “პრაიმტაიმთან” საბერძნეთში მცხოვრები ქართველი ემიგრანტი ასე იწყებს.ძნელია, მოუსმინო 24 წლის ლელას და შეეკამათო. უთხრა, რომ არც ისეთი სასტიკია ცხოვრება იმ ჭრილში, რომლიდანაც ის უყურებს და არც ისე მარტივია, მხოლოდ დამფინანსებლის ფუნქცია გქონდეს, როცა ოჯახის სიმძიმე მხრებზე მოიკიდე და მსუბუქ ჩემოდანთან ერთად, ათასობით კილომეტრი შენივე ოჯახის წევრების გამო გაიარე…როცა მონატრებისა და მარტოსულობისგან არაერთი ღამე თეთრად, ცრემლებით გაათენე… როცა ხელფასის დღეს მხოლოდ იმისთვის ელოდები, რომ უახლოესი ადამიანებისგან მოჩვენებითი თბილი სიტყვები და საოცნებო მოკითხვა  გაიგონო… როცა აღარც კი გატყუებენ და თავს იტყუებ, ვითომ უანგაროდ უყვარხარ, ვითომ აინტერესებ, ვითომ… ვითომ… ვითომ ცხოვრობ, მაგრამ ემიგრაციაში არსებობ იმის იმედით, რომ თბილ ფრაზებს “დე, მომენტარე”, “დე, მალე დაბრუნდი” დააფინანსებ…რა თქმა უნდა, ეს ყველას არ ეხება. ეს სტატია ეხება მათ, ვინც მხოლოდ მაშინ იხსენებს ემიგრანტ მშობელს, როცა ხელფასის აღების დღე ახლოვდება, მერე კი, ისევ ერთი თვით გაუცხოება იწყება... მათი მაგალითი ლელასთვის იმდენად მტკივნეულია, რომ გადაწყვიტა, დედა არასოდეს გახდეს, ყოველ შემთხვევაში, ამ ეტაპზე ასე ფიქრობს… რა იქნება ხვალ, არავინ იცის, მათ შორის – არც ლელამ…„3 თვეა, რაც ათენში ჩამოვედი. 24 წლის ვარ, საქართველოში ვერაფერი გავაკეთე. ანაზღაურება ძალიან დაბალი მქონდა, მშობლებს ვერ ვეხმარებოდი კრედიტის გადახდაში, რომელიც ბინის საყიდლად ავიღეთ და მერიდებოდა.ვიფიქრე, მეც სხვა ჩემი თანამემამულეების მსგავსად ემიგრაციაში წავალ, ოჯახსაც დავეხმარები და თანხას ჩემთვის დავაგროვებ, რათა დაბრუნების შემდეგ ბიზნესი წამოვიწყო და ცხოვრებას ვეწიო-მეთქი. ასეც მოვიქეცი. საბერძნეთში ჩემი ნათესავი დამხვდა. კორონავირუსის გავრცელების გამო, აქ კერძო პანსიონატი დაიხურა და ერთ ოჯახში მოხუცის მომვლელად დავსაქმდი. არ არის რთულ მდგომარეობაში და ძალიანაც არ ვწვალობ.ბიცოლამ ნელ-ნელა თავისი თანატოლები გამაცნო. ათენში მყოფი ქართველები ცენტრში, ომონიაზე ვიკრიბებით. წესი ასეთია, ქალები ადრე დგებიან, საქართველოში გზავნილების გრძელ რიგში თავიანთ ადგილებს იკავებენ, თან ერთმანეთის ამბებს კითხულობენ და გზავნილის დამადასტურებელ ქვითრებს ოჯახების წინაშე ვალმოხდილები ამაყად ინახავენ, მერე გზად ომონიაზე ყავას სვამენ და ერთმანეთთან ურთიერთობით მომავალ კვირამდე „საზრდოს“ იღებენ. მე ჯერ ახალი ვარ, ჯერ ვერ შევისისხლხორცე ჩემი ემიგრანტობის სტატუსი, როგორც სტუმარი, ჯერ ასე გარედან ვაფასებ ყველაფერს.სანამ ბანკის გრძელ რიგებში ჩვენი ქალები დგანან, მათი ტელეფონები არ ჩერდება, ეს იმას ნიშნავს, რომ კალენდარი 30 რიცხვს უჩვენებს, რაც იმას ნიშნავს, რომ დედამ მონობის კუთვნილი თანხა აიღო და შვილებს თავის მოსაწონებლად გაუგზავნის… რა თქმა უნდა, უწყვეტი ზარები საქართველოდანაა, ამდენი მინდა, დაამატე, ეგ რას გვეყოფა და ა.შ. მერე ბანკის რიგში იწყება მასესხე-ჩაგასესხებ, რათა გაზულუქებულ შვილებს აიფონების, ბრენდული ტანისამოსისა და კაფე-ბარებში დასხდომის მსუყე თანხაც დარჩეთ…მერე, მომდევნო დღიდან წყდება ზარებიც და მშობლების მოკითხვაც. ისინიც, ჩემს მსგავსად, ახალგაზრდა გოგონები ჩამოვიდნენ და 30 რიცხვის მოლოდინში დაბერდნენ, გაჭაღარავდნენ. აქ იცით, რამდენი ქალი იტყუება, ვითომ წნევა მაღალი აქვთ და კაფეში შეკრებისას ყავას ვერ დალევენ?! ძალიანაც უნდათ, მაგრამ საკუთარი თავებისთვის 4-5 ევროს ვერ იმეტებენ.აქ უმრავლესობა ჭაღარაა, თმის საღებავის ყიდვაც ფუფუნება ჰგონიათ, რათა ზედმეტი არ დახარჯონ… შეღებილები მხოლოდ ისინი დადიან, ვისაც კარგი, ხელგაშლილი ოჯახი შეხვდა. ტანსაცმელი? ბებიებისა და მათი მეზობლების გადაყრილ სამოსს იცვამენ, ამასაც ბოლომდე არ იმეტებენ და ფუთას საქართველოში გზავნიან.იცით, რამდენჯერ გამიგონია,  - მეტი ვერ გამოგზავნე?! უფრო მეტი გვინდა… ეგ თანხა რას გვეყოფა?! ა.შ. რამდენჯერ მინახავს ატირებული დედები.ისინი სოციალურ ქსელში გულის ამაჩუყებელ პოსტებს რომ წერენ, როგორი კარგი ოჯახები ჰყავთ და მალე საქართველოში წავლენ, სინამდვილეში გული უტირით საკუთარი უსუსურობით, მხოლოდ ბანკომატის ფუნქციითა და გაციებული შვილებით, მეუღლეებზე საუბარიც კი ზედმეტია…აი, სწორედ ამიტომ, ამ თავდადებულ ქალებს რომ ვუყურებ და მათ უმადურ, ცივ, მოსარგებლე, უმადურ შვილებს, სწორედ ამიტომ, შვილს არასოდეს გავაჩენ, რომ ვერასოდეს გავხდები დედა ქართველებო, ეს, თქვენი ბრალია…დედაშვილობა შემაძულეთ, ის დედაშვილობა, რომელსაც მაღალი ყანწებით ლოცავენ თქვენთან, საქართველოში…სიცრუეში ცხოვრებას, ვითომ უსაზღვროდ საყვარელ დედას, გასაფრთხილებელ პერსონას და სინამდვილეში, ფინანსურად „გასაწეწ“ ვიღაცა ქალს, მარტო ვიყო და რეალისტი, მირჩევნია… ემიგრანტების ცხვირაბზუებული შვილები ვერ კი არა, არ ხედავენ იმ კამერიანი მაღალი ხარისხის ტელეფონებით თავიანთ დაბერებულ, ტირილისგან ჩაშავებულ-დასიებულ თვალებიან დედებს.მათ მხოლოდ ანგარიში და ლარის ევროსთან სავალუტო მიმართების ოდენობა იციან, კიდევ ის იციან, რამდენჯერ გაიტყლარჭებიან კაფეებში შემდეგ გზავნილამდე, რა არის მოდაში და როგორ დაიბერონ ტუჩები… იციან ძვირფასი მანქანები და ის, რომ საწვავის ავზი სავსე უნდა ჰქონდეთ.არ იციან და არც სურთ იცოდნენ, რა უჭირთ მათ დედებს, როგორ იკვებებიან ძირითადად, პურით და როგორ ამბობენ ყველაფერზე უარს ზედმეტი ხარჯისგან თავის ასაცილებლად. ერთადერთი რაც არ ენანებათ, ეკლესიის სანთლების შეძენაა, რომლებსაც ისევ თავიანთ გაზულუქებულ შვილებს უნთებენ და უფალს ავედრებენ.ხანდახან მგონია, რომ ქართველი ემიგრანტი ქალები ოჯახების მსგავსად თავად ღმერთსაც კი დაავიწყდა… აი, ამიტომ, არც შვილი მინდა და არც თავის მოტყუება.” – ამბობს ლელა.   

გიორგი ნაზღაიძე

1658173853

VIDEO: "გადავწყვიტე, ერთი კარგი რამ გავაკეთო..." - ვის გადასცემს გიორგი ნაზღაიძე 1 500 ლარს

"პრაიმ ჰაუსში" მონაწილეებს გარკვეული ოდენობის თანხას აძლევენ. გიორგი ნაზღაიძე 1 500 ლარით, მზრუნველობას მოკლებული ბავშვებისთვის საჭირო ნივთებს შეიძენს. "მაყურებელმა იცის, რაც ვარ, როგორიც ვარ. ამიტომაც, გადავწყვიტე, რომ ერთი კარგი რამ გავაკეთო, ამ 1 500 ლარით, ბავშვთა სახლში სხვა მონაწილეებთან ერთად წავალ და რაღაცებს ვუყიდი", - ამბობს გიორგი ნაზღაიძე. 

.jpg

1658171703

„ის არც ერთ დედამიწელ კაცს არ ჰგავს“ - მსახიობისა და უცხოპლანეტელის უცნაური სიყვარულის ისტორია

ქალი, რომელიც ამტკიცებს, რომ უცხოპლანეტელზეა შეყვარებული, აცხადებს, რომ ის მაშინ გაიცნო, როცა უცხოპლანეტელებმა გაიტაცეს. უარს ამბობს, მეგობარი ბიჭი მსოფლიოს აჩვენოს, რადგან შიშობს, რომ მას 51-ე ზონაში გადაიყვანენ.უცხოპლანეტელზე შეყვარებული ქალი timesnownews-ს ესაუბრა. ამერიკელი მსახიობი და პოდკასტერი, ები ბელა ასევე ცნობილია, როგორც ემანუელა როუზი. ის ამბობს, რომ უცხოპლანეტელთან შეხვედრა ბევრად უფრო წარმატებული აღმოჩნდა, ვიდრე მისი წინა მცდელობები, ადამიანური ურთიერთობა დაემყარებინა.„მე გამიტაცეს უცხოპლანეტელებმა დაახლოებით ერთი წლის წინ Canary Wharf-ში. მე მას კოსმოსურ ხომალდზე შევხვდი - თავად აქვს პატარა კოსმოსური ხომალდი. მე ვსაუბრობდი იმაზე, თუ როგორები არიან დედამიწაზე მცხოვრები ადამიანები და რომ უკეთესი იყო უცხოპლანეტელების მიერ გატაცება, ვიდრე Tinder-ზე გაცნობის გაგრძელება“.„უცხოპლანეტელს ხუმრობა  მოეწონა, ის უბრალოდ თვლის, რომ სასაცილო ვარ. ვფიქრობ, რომ ის საყვარელია,  ჩემი ტიპია და ჩვენ უბრალოდ, ერთმანეთს ვეთანხმებით“.„სიამოვნებით გაგაცნობდით ჩემს უცხოპლანეტელ ბიჭს, მაგრამ უსაფრთხოების გამო ჯობია, არ გამოჩნდეს. თქვენ იცით, დედამიწაზე ზონა 51 რასაც ნიშნავს, არ მინდა, რომ მასზე ექსპერიმენტები ჩატარდეს“. - ამბობს აბი.მსახიობმა ასევე აღნიშნა: „როდესაც მენატრება, თოჯინა უცხოპლანეტელი მყავს და ის მახსენებს ჩემს ბიჭს, რადგან ჩემი შეყვარებული კაპიტანია და თავისი ხომალდით დედამიწაზე მოგზაურობს. აბი შეყვარებულს „პოლის“ ეძახის და ამტკიცებს, რომ ის „ანდრომედას გალაქტიკიდანაა“.„ის ამ სამყაროს მიღმაა, რაც ყველაზე მეტად მომწონს, რომ დედამიწელ არც ერთ კაცს არ ჰგავს, არ იტყუება. უცხოპლანეტელებმა არ იციან ტყუილი. მათ უბრალოდ, არ აქვთ ცრურწმენები, არც სექსისტური წარმოდგენები, რაც ბევრ დედამიწელს ახასიათებს.  მას ჩემში მოსწონს ის, რომ განსხვავებული და საკმარისად გახსნილი ვარ“. - ამბობს აბი. ცნობისთვის, 51-ე ზონა არის შეერთებული შტატების საჰაერო ძალების მაღალი კლასიფიკაციის დაწესებულების საერთო სახელწოდება, ნევადას სატესტო და სასწავლო დიაპაზონში. 

ქართული ფული

1658166981

პროდუქტების და საოჯახო ნივთების შესაძენად სახელმწიფო თითოეულ ოჯახს 800 ლარს გადასცემს - ნახეთ, ვის და როგორ შეუძლია ამ პროგრამით სარგებლობა

კრიზისულ მდგომარეობაში მყოფი ბავშვიანი ოჯახების დახმარების პროგრამა სიღატაკეში ან კრიზისში მყოფი ბავშვიანი ოჯახების პირველადი საჭიროებების დაკმაყოფილებას ითვალისწინებს, რაც მიზნად ბავშვის მიტოვების რისკის შემცირებასა და ოჯახურ გარემოში ბავშვის აღზრდის ხელშეწყობას ისახავს. აღნიშნული პროგრამა სოციალური მომსახურების სააგენტოში ფუნქციონირებს. რას ითვალისწინებს დახმარება?პირველადი საჭიროებების დაკმაყოფილების მიზნით, საკვები პროდუქტებით (მათ შორის ხელოვნური კვების პროდუქტებით) და საყოფაცხოვრებო საქონლით უზრუნველყოფას.რა თანხას შეადგენს ერთ ოჯახზე გაწეული დახმარება?ერთ ოჯახზე მისაწოდებელი საქონლის/მომსახურების ღირებულება არ უნდა აღემატებოდეს 800 ლარს.კრიზისულ მდგომარეობაში მყოფი ბავშვიანი ოჯახების დახმარების  პროგრამის ბიუჯეტი  1 800 000 ლარით განისაზღვრება.ვის შეუძლია ისარგებლოს დახმარებით?სამიზნე ჯგუფს წარმოადგენენ სიღატაკეში ან/და კრიზისში მყოფი ბავშვიანი ოჯახები, რომლებიც პირველად დახმარებას საჭიროებენ.ვის უნდა მიმართოთ საჭიროების შემთხვევაში?დახმარების მისაღებად, საცხოვრებელი ადგილის მიხედვით, სოციალური მომსახურების სააგენტოს ტერიტორიულ ერთეულებს უნდა მიმართოთ.ვინ იღებს გადაწყვეტილებას დახმარების გაცემის თაობაზე?სამიზნე ჯგუფისათვის პირველადი დახმარების გაცემის შესახებ გადაწყვეტილებას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ინდივიდუალური ადმინისტრაციულ-სამართლებრივი აქტით შექმნილი კომისია იღებს. 

პოლიცია

1658164253

დამატებითი დეტალები 25 წლის ქალის მკვლელობის საქმეზე

რამდენიმე წლის წინ, თბილისში, ახალგაზრდა ქალის მკვლელობის საქმეზე პროექტ "ფემიციდს"მოკლულის ბებია და ბიცოლა ესაუბრა. როგორც ისინი ამბობენ, მკვლელობამდე რამდენიმე თვით ადრე, მოკლულის დედას ყოფილი ქმარი ემუქრებოდა, რომ თუ არ შეურიგდებოდა, შვილს მოუკლავდნენ... მკვლელმა მუქარა აასრულა... “ერთხელ ისე გაამწარა ჩემი შვილი, კიდევ კარგი, მაშინ მიასწრეს და სიკვდილს გადარჩა. მერე გამოვიდა ციხიდან და რა გააკეთა? ბავშვებს დედა მოუკლა. ”- ამბობს ბებია.“დაურეკა ყოფილ ცოლს, შერიგება თხოვა და უარის შემდეგ შვილების დახოცვით დაემუქრა. მათი დაშორების მიზეზი ფიზიკური ძალადობა იყო. სანამ ამ გოგოს მოკლავდა, მანამდე ყოფილი ცოლის დახრჩობის მცდელობაც ჰქონდა და  სასწაულებრივად გადარჩა მაშინ, მაგრამ ვეღარ გადარჩა ჩემი მაზლის შვილი...”- იხსენებს ოჯახის ნათესავი. მკვლელი დაცვის პოლიციაში რამდენიმე წლის განმავლობაში მუშაობდა. ის ორჯერ არის ნასამართლევი.  სამართალდამცველებმა მისი საცხოვრებელი ბინიდან ნივთმტკიცების სახით სისხლიანი ტანსაცმელი ამოიღეს. დანაშაულის ჩადენის შემდეგ მკვლელი, სავარაუდოდ, ბინაში მივიდა, ტანსაცმელი გამოიცვალა და მიიმალა.შინაგან საქმეთა სამინისტრომ გამოძიება სისხლის სამართლის კოდექსის 108-ე, განზრახ მკვლელობის, მუხლით დაიწყო.ის მომხდარიდან 24 საათის შემდეგ, თელეთში დააკავეს. ამოღებულია მკვლელობის იარაღი - დანა.დაკავებულს ბრალი 15 აპრილს სისხლის სამართლის კოდექსის ორი მუხლით წაუყენეს: მე-11-ე პრიმა მუხლი, რითაც პასუხისმგებლობა ოჯახური დანაშაულისთვის დაეკისრა და  109-ე მუხლით, რაც  დამამძიმებელ გარემოებებში განზრახ მკვლელობას გულისხმობს. 15 აპრილს სამართალდამცველებმა კიდევ ერთი პირი, 1968 წელს დაბადებული თ.ბ. დანაშაულის შეუტყობინებლობის ბრალდებით დააკავეს.