ამინდი

1656881712

წვიმა და დაბალი ტემპერატურა - 4 ივლისის ამინდის პროგნოზი

 4 ივლისს, საქართველოს დიდ ქალაქებში სინოპტიკოსები ასეთ ამინდს ვარაუდობენ:  აბასთუმანი - უმეტესად ღრუბლიანი +7°  ამბროლაური - წვიმა ელჭექით +15 °  ანაკლია - უმეტესად ღრუბლიანი +19 ° ახალციხე - წვიმა ელჭექით +7°  ბათუმი - წვიმა ელჭექით +18 ° ბაკურიანი - უმეტესად ღრუბლიანი +4 ° ბახმარო - წვიმა ელჭექით +6°  ბორჯომი - უმეტესად ღრუბლიანი +9 ° გარდაბანი - უმეტესად ღრუბლიანი +15 ° გორი - უმეტესად ღრუბლიანი +14° გუდაური - წვიმა ელჭექით +6 ° დუშეთი - წვიმა ელჭექით +9 ° ზუგდიდი - წვიმა ელჭექით +17° თბილისი - უმეტესად ღრუბლიანი +16 ° თეთრიწყარო - უმეტესად ღრუბლიანი +15 ° თელავი - წვიმა ელჭექით +18° თიანეთი - წვიმა ელჭექით +8 ° ლაგოდეხი - წვიმა ელჭექით +17 ° მარნეული - უმეტესად ღრუბლიანი +17° მარტვილი - წვიმა ელჭექით +17 °  მესტია - წვიმა ელჭექით +10 ° ოზურგეთი - უმეტესად ღრუბლიანი +18° რუსთავი - უმეტესად ღრუბლიანი +16 ° საირმე - უმეტესად ღრუბლიანი +14 ° სენაკი - უმეტესად ღრუბლიანი +18° სიღნაღი - წვიმა ელჭექით +16 °  სოხუმი - უმეტესად ღრუბლიანი +16 ° სტეფანწმინდა - წვიმა ელჭექით +7°  ფასანაური - უმეტესად ღრუბლიანი +7 °  ფოთი - უმეტესად ღრუბლიანი +19 ° ქობულეთი - უმეტესად ღრუბლიანი +19°  ქუთაისი - უმეტესად ღრუბლიანი +20 °  ყვარელი - წვიმა ელჭექით +14 ° შოვი - წვიმა ელჭექით +10° ცაგერი - წვიმა ელჭექით +14 ° ცხინვალი - უმეტესად ღრუბლიანი +13 ° წყალტუბო - უმეტესად ღრუბლიანი +19° ჭიათურა - წვიმა ელჭექით +15 ° ხაშური - უმეტესად ღრუბლიანი +14 °

jpg

1656879402

3 დღეში მაგნიტური ქარიშხლები დაიწყება - როგორ უნდა მოიქცეთ ასეთ დროს?

2022 წლის ივლისში საშუალო და მაღალი ინტენსივობის მაგნიტური ქარიშხლები გველის, ამიტომ მაგნიტური რყევების მიმართ მგრძნობიარე ადამიანები წინასწარ უნდა მოემზადონ.2022 წლის ივლისის გეომაგნიტური ქარიშხლის კალენდარი:7 ივლისი: ამ თვის პირველი მაგნიტური ქარიშხალი საშუალო ინტენსივობის იქნება. მაგნიტური რყევების მიმართ მგრძნობიარე ადამიანებს ვურჩევთ ამ დღეს მაგარი ყავისა და ალკოჰოლური სასმელების მიღებას მოერიდონ.15 ივლისი: ამ დღეს დედამიწას საკმაოდ ძლიერი მაგნიტური ქარიშხალი ელის. ქრონიკული დაავადებების მქონე ადამიანებმა შეიძლება დაღლილობა, ძილიანობა და თავის ტკივილი იგრძნონ. გირჩევთ საჭირო მედიკამენტები ახლოს იქონიოთ.29 ივლისი: ივლისის თვის ბოლო მაგნიტური ქარიშხალი საშუალო სიძლიერის იქნება. ირჩევთ ამ დღეს ფიზიკურ დატვირთვას, მოგზაურობას და მნიშვნელოვან საქმეებს მოერიდოთ.როგორ დავიცვათ თავი გეომაგნიტური ქარიშხლის დროს?შეეცადეთ მავნე ჩვევებზე უარი თქვათ და ჯანსაღი ცხოვრების წესი დაიცვათ:ყოველდღიურად დალიეთ 2 ლიტრამდე წყალი;მზის აქტივობის დროს ეცადეთ, მეტი დაისვენოთ და კარგად გამოიძინოთ;უარი თქვით ალკოჰოლზე, ნიკოტინსა და მძიმე, ცხიან საკვებზე;ხშირად ისეირნეთ სუფთა ჰაერზე;ყოველთვის ახლოს იქონიეთ საჭირო მედიკამენტები;დაიცავით ექიმის რეკომენდაციები;მაგნიტური დღეების დროს არ დაგეგმოთ ხანგრძლივი მოგზაურობა და მოერიდეთ მძიმე ფიზიკურ დატვირთვას;მაგნიტური რყევების დროს მოერიდეთ სტრესულ და კონფლიქტურ სიტუაციებს.წყარო: funtime 

png

1656879350

„ეს იყო ტრაგიკული საექიმო შეცდომა" - რა ამბობს ექიმი, რომელსაც 36 წლის დიანა ბერიძის მკვლელობისთვის სამუდამო პატიმრობა მიუსაჯეს

თესალონიკის ნაფიცი მსაჯულების შერეულმა სააპელაციო სასამართლომ 43 წლის ბერძენი ქირურგი, დიმიტრის პელეკასი დამნაშავედ 36 წლის ქართველი ქალის, დიანა ბერიძის მკვლელობაში ერთხმად ცნო და სამუდამო პატიმრობა მიუსაჯა. ამის შესახებ ინფორმაციას ბერძნული მედია ავრცელებს.სააპელაციო სასამართლომ პირველი ინსტანციის სასამართლოს გადაწყვეტილება ძალაში იგივე განაჩენი დატოვა. რაც შეეხება ქართველი ქალის მკვლელობის საქმეს, 2017 წლის 26 აპრილს, თესალონიკში მცხოვრებმა 36 წლის ქართველმა ემიგრანტმა, რომელიც უძრავი ქონების ყიდვა-გაყიდვის აგენტად მუშაობდა, თესალონიკის იპოკრატეოს კლინიკას ვარიკოზული ვენების მოსაშორებლად მიაკითხა.საქმის მასალების თანახმად, ქირურგმა (რომელიც მაშინ 39 წლის იყო) კლინიკის მიტოვებულ ნაწილში წაიყვანა და ორი ძლიერი საანესთეზიო პრეპარატი გაუკეთა, რომლებიც პროცედურისთვის არ იყო აუცილებელი. როგორც ჩანს, სწორედ ამ საანესთეზიო პრეპარატებმა, რომლებიც შემდგომ სამედიცინო ექსპერტიზამ ქალის ორგანიზმში ჭარბი რაოდენობით აღმოაჩინა, გამოიწვია სუნთქვის გაძნელება და აპნოე (სუნთქვის გაჩერება), რამაც საბოლოოდ პაციენტი იმსხვერპლა.საქმის მასალებით ირკვევა, რომ ბრალდებულმა ანგიოქირურგმა გარდაცვლილი ქალის ცხედარი მალულად თავის მანქანაში მოათავსა, ქალკიდიკის ნახევარკუნძულზე წაიღო და პალიურის რაიონში კლდიდან გადააგდო, რომელიც დანაშაულის ადგილიდან დაახლოებით, 150 კმ-ით მოშორებითაა. სწორედ იქ, მდინარის პირას, ტყეში, 9 დღის ძებნის შემდეგ ქალის გვამი იპოვეს.იმის გამო, რომ ქირურგი იყო უკანასკნელი ადამიანი, ვისაც დიანა ბერიძე ესაუბრა, პოლიციისთვის ეჭვმიტანილი თავიდანვე იყო. ბრალდებული არა მარტო სატელეფონო ზარმა "დაასმინა", არამედ - GPS-მაც მობილურ ტელეფონზე, რომელზეც დაფიქსირებული იყო მის მიერ საკუთარი მანქანით გავლილი მთელი მარშრუტი თესალონიკიდან ქალკიდიკამდე.ამას გარდა, ექიმის ავტომობილში გამომძიებლებმა დიანა ბერიძის ბიოლოგიური მასალაც აღმოაჩინეს.ბრალდებული ქირურგი სხდომის დაწყებისას წარმოთქმული სიტყვით შეეცადა, ნაფიც მსაჯულებზე გავლენა განაჩენის შესამსუბუქებლად მოეხდინა:"ეს იყო ტრაგიკული საექიმო შეცდომა, რასაც ძალიან ვნანობ. მისი მოკვლის განზრახვა არ მქონია", – განაცხადა მან. ქირურგის ეს სიტყვები ნაფიცმა მსაჯულებმა შემამსუბუქებელ გარემოებად არ გაითვალისწინეს. დიანა ბერიძეს გარდაცვალების შემდეგ თესალონიკში მეუღლე, სამი შვილი და დედა დარჩა.ქალი საცხოვრებლად საბერძნეთში ტრაგიკულ შემთხვევამდე 6 წლით ადრე დედასთან და 2 შვილთან ერთად წავიდა, რომლებიც წინა ქორწინებიდან ჰყავდა.კიდევ ერთი შვილი – გოგონა მას ბერძენ მეუღლესთან მეორე ქორწინებისას შეეძინა.მეზობლების თქმით, მამინაცვალი გერებს ყოველთვის ისე თბილად და კარგად ექცეოდა, როგორც საკუთარ შვილებს.თესალონიკის ნაფიც მსაჯულთა სააპელაციო სასამართლომ საავადმყოფოს მოკლული ქალის ოჯახისთვის კომპენსაციის სახით 700 000 ევროს ოდენობის თანხის გადახდა "სულიერი ტანჯვის" საკომპენსაციოდ დააკისრა. შეგახსენებთ, რომ დიანა ბერიძის ოჯახმა ქირურგისთვის პირველი ინსტანციის სასამართლოს მიერ გამამტყუნებელი განაჩენის (სამუდამო პატიმრობა) გამოტანიდან რამდენიმე თვეში, 2018 ოქტომბერში თესალონიკის ჰიპოკრატეს სახელობის საავადმყოფოს სასამართლოში უჩივლა და კომპენსაციის სახით 5 მლნ ევრო მოითხოვა.მოსარჩელეები დიანა ბერიძის მეუღლე, შვილები და დედა იყვნენ.

jpeg

1656878895

"თეო კლინიკაში ჰგონია... არ ვიცით, როგორ ვუთხრათ, რომ დედა აღარ ჰყავთ..." - ტრაგიკული შემთხვევის დეტალები

აივნის ნგრევის შედეგად გარდაცვლილი ქალის შვილების ჯანმრთელობის მდგომარეობის შესახებ "პრაიმტაიმისთვის" ახალი დეტალები გახდა ცნობილი.როგორც ოჯახის ახლობელმა გვაცნობა, დაღუპული ქალის 8 წლის გოგო დღეს კომატოზური მდგომარეობიდან გამოვიდა. 7 წლის ბიჭი კი სახლში გაწერეს. ჩვილს ოპერაცია გაუკეთეს და უკეთ არის. "დღეს, ორი სასიხარულო ამბავი მოხდა - თეონას გოგონა, რომელიც 8 წლის არის კომიდან გამოვიდა. ბიჭი უკვე სახლში მოიყვანეს და ჩვილის ოპერაცია წარმატებით დასრულდა. ყველაფერი ძალიან კარგად არის, არცერთი მათგანის სიცოცხლეს საფრთხე აღარ ემუქრება. ბიჭი მოვინახულე, ახლაც არ იცის, რომ დაობლდა, თეო რომ ცოცხალი აღარ არის...  თეო კლინიკაში ჰგონია.... არ ვიცით, როგორ ვუთხრათ, რომ დედა აღარ ჰყავთ.მოიკითხა და უთხრეს, რომ დედამისი კლინიკაშია და მკურნალობს, მაგრამ წარმოდგენაც არ მინდა, როცა გაიგებს, რომ დედა აღარ ჰყავს რა მდგომარეობაში აღმოჩნდება ან ის, ან მისი და..." - ამბობს ახლობელი. მარნეულში აივნის ჩამონგრევას მსხვერპლი მოჰყვა - გარდაიცვალა ორი ქალბატონი, მათ შორის ერთი ორსული. დაშავდნენ ამ ქალის მცირეწლოვანი შვილები, პატარა კი, რომელზეც ქალბატონი ორსულად იყო, ექიმებმა გადაარჩინეს, თუმცა როგორც "პრაიმტაიმისთვის" რამდენიმე დღის წინ გახდა ცნობილი, ჩვილის ჯანმრთელობის მდგომარეობა დამაკმაყოფილებლად არ ფასდებოდა. 

nuki nazg

1656878372

ნუკი კოშკელიშვილი და გიორგი ნაზღაიძე "პრაიმ ჰაუსის" კამერებმა დააფიქსირეს - ნახეთ, როგორ ერთობიან წამყვანი და მონაწილე

ნუკი კოშკელიშვილი და გიორგი ნაზღაიძე "პრაიმ ჰაუსის" კამერებმა ძელზე ტრიალისას დააფიქსირეს. შოუს წამყვანი და მოთამაშე "სახლში" სტუმრად მისული მუსიკალური ჯგუფის "რეზო და ბავშვების" სიმღერის ფონზე აცეკვდნენ. გიორგი ნაზღაიძემ გახდა დაიწყო და აუზთან ძელზე "იბზრიალა". მასთან ნუკი კოშკელიშვილი მივიდა და მონაწილეს "აყვა". ნახეთ, "პრაიმ ჰაუსის" live youtube არხზე. 

nazgo

1656877360

Exclusive: "ერთი გახდით შეიძლებოდა, მთელი ცხოვრება დანგრეოდა" - გიორგი ნაზღაიძე "პრაიმ ჰაუსის" ამბებზე

"პრაიმტაიმი" ყველაზე რეიტინგული შოუს - "პრაიმ ჰაუსის" მონაწილეს, გიორგი ნაზღაიძეს "სახლში" მომხდარ და მიმდინარე მოვლენებზე ესაუბრა. ამბობს, რომ ანი ყიფშიძესთან ურთიერთობა მისი პრინციპების ღალატი იქნებოდა, მიუხედავად იმისა, რომ "ლავსთორი" რეიტინგის კიდევ უფრო ასაწევად გამოადგებოდა... "თეოს გავარდნით პროექტს არაფერი არ დააკლდება. იმ შემთხვევაში თუ "პრაიმჰაუსს" სალი დატოვებდა, მაშინ ყველას მისი კეთილი აურა დაგვაკლდებოდა. რაც შეეხება ანის, მისი გაშვების შემთხვევაში ყველაზე ჰიპერაქტიური, საინტერესო გმირი - მოთამაშე დააკლდებოდა. მე რა თქმა უნდა, ანის ვგულშემატკივრობდი, ის ჩემი საუკეთესო მეგობარია.   - რატომ არ გააგრძელე ანისთან პირადი ურთიერთობა?- ჩემსა და ანის შორის დიდი სიმპათიები იყო, ორჯერ ვაკოცეთ ერთმანეთს... ახლა, რაც უნდა ვთქვა, შესაძლოა, ვინმემ თქვას, რომ მე ძველმოდური, ტრადიციული ვარ, მაგრამ მაინც ვიტყვი? ჩემთვის საჯაროდ, ტელეეკრანებზე გახდა მიუღებელია. ბევრმა თქვა, ანი თავიდან შიშველი არ იყო, ან ძელზე არ ცეკვავდაო?! მაშინ, ჩემსა და ანის შორის არაფერი ხდებოდა, ის თავისუფალი ქალია და რაც უნდოდა იმას აკეთებდა, მაგრამ ეს არ ნიშნავს, რომ მომწონს მსგავსი ქმედებები...როცა მე ვინმესთან ურთიერთობას ვიწყებ, მინდა, რომ ჩემი თხოვნა გაითვალისწინოს, ანის შემთხვევაში ჩემი თხოვნა იყო, საჯაროდ ასეთ ფორმაში არ ყოფილიყო, თუმცა მან ეს არ გაითვალისწინა... - მიუხედავად ამ ყველაფრისა, შეგეძლო ანისთან პირადი ურთიერთობის გაგრძელება... - კი, შემეძლო პროექტში ჩემთვის სასარგებლოდ ანისთან ურთიერთობა გამომეყენებინა, რადგან ხალხს მოსწონს პროექტები, სადაც წყვილი არის, მოსწონთ დრამა, შერიგება, განშორება, ვნება, მაგრამ როცა ადამიანის მიმართ მაქვს სიმპათია ჩემი რეიტინგის და მოგების გამო მას არასოდეს გამოვიყენებ, რადგან მიმაჩნია, რომ ეს არაკაცური საქციელია. აქედან გამომდინარე, მერჩივნა, საზოგადოების რაღაც ნაწილს ჩემზე ცუდი ეთქვა, ვიდრე ანი ჩემს სასარგებლოდ გამომეყენებინა და პროექტს რაც მოვიგებდი, მერე დავშორებოდით და ამით რა?!26 წლის გოგოსთვის ზურგში დანა ჩამერტყა მაშინ, როცა მას საკმაოდ მძიმე პირადი ცხოვრების გამოცდილება აქვს?! როცა ანიმ გაიხადა, მივედი და ვესაუბრე, რომ სახლში პატარა შვილი ელოდება, რომ მშობლები ჰყავს... ერთ-ერთ გადაცემაში ვიყავით ჩაწერაზე და იქ, ანის დედამ თქვა ის, რასაც მე ვუხსნიდი. ამ ქალბატონმა თქვა, რომ ძალიან ნეგატიურ რაღაცებს ეუბნებიან შვილზე. ეს იყო, რის გამოც მასთან ურთიერთობა არ დავიწყე. ერთი გახდით შეიძლებოდა, მთელი ცხოვრება დანგრეოდა, რადგან ხანდახან საზოგადოება ულმობელია. კარგი იქნება თუ გაიგო ეს, თუ ვერ გაიგო, მე ჩემს თავთან, მასთან და მის ოჯახთან მართალი ვარ. ახლა, ჩვენ მეგობრები ვართ და თუ ამ მეგობრობაშიც ჩემთვის ვინმე იქნება მიუღებელი, მეგობრობაც დასრულდება... - აღნიშნე, რომ შენთვის ღირებულებები მნიშვნელოვანია. ფინალზე უფრო მნიშვნელოვანი შენივე პრინციპებია?- 20 წლის წინ, როცა რეალით შოუში ჩემს მეგობართან ერთად ვმონაწილეობდი, მაშინ პროექტი ჩემი მეგობრის სასარგებლოდ დავტოვე და ამას არ ვნანობ. ახლაც იმავეს ვიზამდი. ახლა, ვფიქრობ, რომ არის თამაში და არის ღირებულებები. მე თუ ვინმეს ვეჩხუბე, მქონდა მიზეზი, ყოველ შემთხვევაში არცერთი მათგანი ჩემს სასარგებლოდ არ გამომიყენებია. იმის გამო, რომ ფინალისტი და გამარჯვებული გახდე, არ უნდა გამოიყენო ადამიანი, თუნდაც არა მეგობარი... მაინც მგონია, ამას მაყურებელი სწორად მიხვდება და იგრძნობს... გამარჯვება მინდა მხოლოდ ღირსეულად და არა ქალის სისუსტის ან გრძნობების გამოყენებით. 

პოლიცია

1656875575

"ქორწილის დაწყებამდე მოხდა დაპირისპირება..." - ცოტა ხნის წინ მომხდარი მკვლელობის დეტალები

როგორც "პრაიმტაიმისთვის" გახდა ცნობილი, მარნეულში ცოტა ხნის წინ შუა ხნის მამაკაცს ცეცხლსასროლი იარაღიდან რესტორანთან ესროლეს. "შუა ასაკის კაცს რესტორან "აიდან შადლიქთან" იარაღიდან ესროლეს, სადაც ადგილობრივების ქორწილი უნდა გამართულიყო და ის სტუმრად იყო მიწვეული. ჭრილობები მას თავისა და ყელის არეში აქვს მიყენებული, იქ ჩხუბი მოხდა, თუმცა რა იყო კამათის მიზეზი ჯერჯერობით არ ვიცით“ - უთხრა „პრაიმტაიმს“ ადგილობრივმა.რესტორნიდან დაჭრილი სასწრაფო დახმარების ეკიპაჟმა მარნეულში, ავერსის კლინიკაში გადაიყვანა, მაგრამ მიყენებული ჭრილობები სასიკვდილო აღმოჩნდა და ექიმებმა მისი გადარჩენა ვერ შეძლეს. 

პოლიცია

1656874192

მკვლელობა მარნეულში - გარდაცვლილია მამაკაცი

"პრაიმტაიმის" ინფორმაციით, მარნეულში, შუახნის მამაკაცი მიყენებული ცეცხლსასროლი ჭრილობების შედეგად გარდაიცვალა. არსებული ინფორმაციით, სასიკვდილო ჭრილობა მამაკაცს სავარაუდოდ, ცეცხლსასროლი იარაღიდან აქვს მიყენებული.შემთხვევა ცოტა ხნის წინ მოხდა. მომხდარის მიზეზი, ჯერჯერობით უცნობია.როგორც "პრაიმტაიმს" შსს-ში განუცხადეს, მომხდართან დაკავშირებით გამოძიება დაწყებულია ორი მუხლით, კერძოდ: 108-ე მუხლით, რაც განზრახ მკვლელობას გულისხმობს, ასევე 236-ე მუხლით, რაც ცეცხლსასროლი იარაღის უკანონო შეძენა-შენახვა-ტარებას გულისხმობს.

berluskoni

1656861628

PHOTO: ბერლუსკონის ყოფილმა შეყვარებულმა ცოლი მოიყვანა

ბერლუსკონის ყოფილმა მეგობარმა გოგონამ ფრანჩესკა პასკალემ, ცოლი მოიყვანა. ამის შესახებ ინფორმაციას უცხოური მედია ავრცელებს.გამოცემის ცნობით, იტალიის ყოფილი პრემიერ-მინისტრის სილვიო ბერლუსკონის ყოფილი შეყვარებული, ​მომღერალ პაოლა ტურჩიზე ტოსკანაში დღეს დაქორწინდა.უცხოურ პრესაში ბერლუსკონისა და ფრანჩესკა პასკალეს რომანზე არაერთხელ დაწერილა. ბერლუსკონი  საყვარელ ქალს, 7 წლიანი რომანის შემდეგ 2020 წელს დაშორდა.

zaza xatiashvili

1656859151

„გარდაიცვალა სიკეთის, ღირსების, ელეგანტურობის განსახიერება...“ - ზაზა ხატიაშვილი სამწუხარო ინფორმაციას ავრცელებს

ადვოკატი ზაზა ხატიაშვილი, სოციალურ ქსელში სამწუხარო ინფორმაციას ავრცელებს. როგორც ხატიაშვილი წერს, მას მეგობარი გარდაეცვალა.„გარდაიცვალა ჩემი უსაყვარლესი მეგობარი! სიკეთის, ღირსების და ელეგანტურობის განსახიერება! საოცარი და განუმეორებელი არსება, ნათია გაბუნია! ასეთი ახალგაზრდა, ასეთი ლამაზი, ასეთი თბილი, უფალო ნათელში ამყოფე მისი სული.“ - წერს ზაზა ხატიაშვილი.

.jpg

1656652423

„გავაცილე "კოლორიტი" სვანები“ - ნორა კვიციანი და მწერალი ერეკლე საღლიანი სამკურნალოდ თურქეთში წავიდნენ

"გრინ დაზღვევა საქართველოს" წარმომადგენელი, ნანა სარიშვილი სოციალურ ქსელში პოსტს აქვეყნებს და წერს, რომ "კოლორიტი" სვანები კლინიკაში სამკურნალოდ გააცილა. "როცა გულით გინდა აკეთო სიკეთე  გავაცილე "კოლორიტი" სვანები კლინიკა მედიკანაში" - წერს სადაღვევო კომპანიის წარმომადგენელი. როგორც ცნობილი ხდება, ემზარ კვიციანის და, ნორა კვიციანი და მწერალი, პუბლიცისტი და პოეტი ერეკლე საღლიანი თურქეთში სამკურნალოდ წავიდნენ და ნანა სარიშვილმა ისინი გააცილა. 

jpg

1656535517

"ყველაზე მძიმე პოსტია, რაც კი დამიწერია" - პოლონეთში ქართველი მამაკაცი ხიდიდან გადავარდა და დღემდე კომაშია

პოლონეთში ხიდიდან გადავარდნის შედეგად კომატოზურ მდგომარეობაში მყოფ ახალგაზრდა ქართველ მამაკაცს საზოგადოების დახმარება სჭირდება. ინფორმაცია ემიგრანტთა ჯგუფში ვრცელდება."ყველაზე მძიმე პოსტია, რაც ოდესმე დამიწერია და როგორ დავალაგებ არ ვიცი, მაგრამ ზაზასთვის უნდა ვცადო... 31 იანვარს, პოლონეთში, ქართველი ბიჭი, ზაზა დავითაძე ხიდიდან გადავარდა...3ოპერაციაა თავის ტვინზე ჩატარებული, დღემდე არის კომატოზურ მდგომარეობაში, აპარატზე აღარაა მისი სიცოცხლე დამოკიდებული, მაგრამ მის დღევანდელ მდგომარეობასაც კომატოზური ჰქვია...ერთადერთი თხოვნა აქვს ოჯახს, რომ საქართველომდე გადმოვიყვანოთ. სპეცრეისმა მოითხოვა 17 ათასი ევრო, სახელმწიფომ 1 თეთრი არ გაიღო, არც ადგილობრივმა მუნიციპალიტეტმა. ოჯახს არ გააჩნია ეს სახსრები. ზაზა იყო ოჯახის ერთადერთი მარჩენალი.გევედრებით, დაგვეხმარეთ მხოლოდ გადმოყვანაში.ივლისის ბოლოს საავადმყოფოში უკვე გადასახადი წესდება, ყველა ფინანსური რესურსი ამოწურულია, არც საავადმყოფოს ხარჯების გაწევის შესაძლებლობა აქვს ოჯახს.ზაზას ჰყავს ორი არასრულწლოვანი შვილი, რომლებიც მამას ელოდებიან. ასევე, ზაზას მამაც არის ონკოპაციენტი.გევედრებით, ერთად დავდგეთ, რომ 31 წლის ზაზა დავითაძის სიცოცხლე გადავარჩინოთ და საკუთარი შვილები და მშობლები კიდევ ჩაეხუტონ." - წერენ ჯგუფში. ოჯახი ცხოვრობს ჩაქვის სოფელ გორგაძეებში.საქართველოლოს ბანკის ანგარიში:GE59BG0000000537649796მიმღები დავითაძე ნარგულ