1656095400

„იცით ვინ არის, ეს ლამაზი პატარა გოგონა?“ - „პირველმა ამ ნახატმა შემომანათა“

ხელოვნების სასახლის დირექტორი, ისტორიკოსი გიორგი კალანდია საზოგადოებას ერთ-ერთი ნახატის შესახებ საინტერესო ისტორიას უზიარებს.პოსტს „პრაიმთაიმი“ უცვლელად გთავაზობთ:„იცით ვინ არის ეს ლამაზი, სევდიანი თვალებით მოცქერალი პატარა გოგონა?! ის თავადი ჯორჯაძის ასულია... XVIII საუკუნეში თავადს თავისი მხოლოდშობილი ასულის დასახატად ველისციხეში ფრანგი მხატვარი მოუწვევია, პარიზელ ოსტატს ფოთში დახვედრიან ქართველები, ულამაზესად მორთული ეტლით წამოუყვანიათ სტუმარი სამეგრელოდან კახეთში... 1762 წელს დაუხატია ჯორჯაძის ასული პარიზელ მხატვარ დე ბაის.... ბევრი უტირია პატარა გოგონას მის დანახვაზე, სწორედ ამიტომ აქვსო სევდიანი თვალები ნახატზე-მითხრა ნოე ჟორდანიას შვილიშვილმა ზოლტანმა... თითქმის 100 წელი ელოდა ეს ნახატი სამშობლოში დაბრუნებას, მანამდე ბევრი რამ გამოიარა: წითლების შემოჭრა, ემიგრაცია, მეორე მსოფლიო ომი, პარიზის დაბომბვა და ლტოლვილობა ბრაზილიაში, სოტბიზე გასაყიდადაც მიიტანეს, თუმცა უკანასკნელ წუთას გადაიფიქრეს... სულ ბოლოს ამ ძვირფასი ნივთის მფლობელმა მოხუცებმა ფრანგული წერილი გაუგზავნეს კულტურის მინისტრ თეა წულუკიანს და ნახატთან ერთად ვაჩნაძეების, ჯორჯაძეების და ჟორდანიების არქივის სამშობლოში დაბრუნება სთხოვეს... არნახული სიჩქარით ამუშავდა სახელმწიფო მანქანა, 1 თვეში ორი ვიზიტი, მოლაპარაკებები, 200 კილო ტვირთის შეფუთვა, დიპლომატიური სტატუსის მინიჭება და სამშობლოში გამომგზავრება....მერე?! მერე იყო გაუსაძლისი ლოდინი, უკრაინის ომის გამო, გაჭიანურებული ტრანსპორტირება, ფიქრი და უნიკალური ისტორიის დაკარგვის ენითგადმოუცემელი შიში... თუმცა სახელმწიფო მანქანამ ზედმიწევნით იმუშავა, ზედმიწევნით ვიმუშავეთ ჩვენც მუზეუმელებმა... დღეს დილას ტვირთის 2 ყუთი გაიხსნა, პირველმა ამ ნახატმა შემომანათა და სევდიანი თვალებით თითქოს მითხრა, რომ სამშობლოში აწ უკვე სამუდამოდ დაბრუნდა,“ - წერს გიორგი კალანდია. 

1656087720

ფოტოები: უმძიმესი ამბავი - რა გზას გადიან ქართველები ამერიკაში მოსახვედრად

საქართველოში სულ უფრო და უფრო იზრდება იმ ადამიანების რიცხვი, ვისაც ქვეყნის დატოვება სურს. ერთ-ერთი სასურველი ქვეყანა მოქალაქეებისთვის ამერიკაა. თუმცა იქ მოხვედრა საკმაოდ რთულია. გზა, რომელსაც ხშირად ამერიკაში მოსახვედრად ქართველები (და არა მარტო) იყენებენ, მექსიკაზე გადის. „პრაიმთაიმი“ ამერიკაში მცხოვრებ ქართველს ექსკლუზიურად ესაუბრა, რომელმაც სირთულეებით სავსე გზა 6 თვის წინ გაიარა. როგორც ის ჩვენთან საუბრისას იხსენებს, არ არსებობს ქვეყანაზე სიტყვები, რომელსაც შეუძლია აღწეროს ის ტკივილი და საშინელება, რაც 85 ადამიანმა 10 დღის განმავლობაში გაიარა. მათი, ყველას მიზანი მხოლოდ ერთი იყო - ამერიკაში, ოცნების ქვეყანაში მოხვედრა. დღეს კი, რეალობა უკვე სხვაა.„ძალიან ძლიერი პიროვნება ვარ. ყოველგვარი გადაჭარბების გარეშე. თმა ჭაღარა არ მქონია. მაგრამ, მე ისეთი რაღაცა ვნახე. თმა გამითეთრდა. მიუხედავად იმისა, რომ სუსტი არ ვარ და ყველანაირ პრობლემას მარტო გავუმკლავდი. მექსიკისა და ამერიკის საზღვარზე ისეთს რაღაცას გადავეყარე, რომ... მითხრეს კოჭებამდე წყალი იქნება, რომელსაც მარტივად გადაივლიო. კოჭამდე კი, არა კისრამდე დამხვდა. ამ ჭაობის გადაცურვა მოგვიწია. ფეხზე ვერ გავიხადეთ, შეგვეშინდა, რამზე არ გაგვიჭროდა. ზურგჩანთებით, ხელჩაკიდებულები მივდიოდით. ტანსაცმელები დაგვისველდა. ძლივს გავიარეთ ეს გზა. მერე დაგხვდა ფაქტობრივად უდაბნო. 5 კილომეტრი 50 გრადუს სიცხეში ვიარეთ. იწვებოდა ყველაფერი.ვისაც გადავყავდით გვითხრა, რომ სწრაფად გვევლო. აქ, მექსიკაში თუ აგიყვანეს დეპორტი საოცნებო გექნებათო. გავრბივართ ამ სველი ფეხსაცმელებით, ზოგი ეცემოდა... საშინელება იყო ეს ყველაფერი. საზღვართან რომ მივედით ზოგი უკვე უგონოდ ძირს ეყარა. ამ ამბის გადმოცემა შეუძლებელია. ამასობაში მოვიდა პოლიცია. გადაგვიყვანეს საემიგრაციოში. იქ, რომ მივედით ვიფიქრე, რომ ალბათ, ესენი ორგანოებით ვაჭრობენ. ხალხი ძირს ეყარა. ვიფიქრე, კარგი არაფერი მელოდებოდა აქ. ისეთ ოთახში ვიყავი, სადაც დაახლოებით 100 ადამიანი იყო. დაგვყეს ქალებად და კაცებად. ყოველგვარი კითხვების გარეშე იატაკზე ვეგდეთ. არც წყალი, არც საჭმელი. ტუალეტი იმავე ოთახის პლასტმასის გვქონდა. კატასტროფა იყო, რაც გავიარეთ,“ - გვიყვება ამერიკაში მცხოვრები ქართველი.„ასეთი რამ მხოლოდ ფილმში მქონდა ნანახი“„მე-6 დღეს, ჩემი სახლი ამოიკითხეს. დამკითეს. ის ვიცოდი, რომ იქ ბევრი არ უნდა მესაუბრა. მკითხეს სად მივდიოდი, რა მინდოდა და ა.შ. მეგონა ამით მორჩა ყველაფერი. მაგრამ, მალევე დაგვაგდეს ბორკილები ხელზე, ფეხზე. თან ოპერაცია მაქვს თიაქრის გაკეთებული. წელზეც ჯაჭვი გამიკეთს და მიმაბეს. ავუხსენი რაც მჭირდა. თუ ცუდად იყავი, აქ რას მოდიოდიო. ასეთი პასუხი გამცეს. მალევე ასე დაბმულები გადაგვაფრინეს ერთი შტატიდან მეორეში და ციხეში ჩაგვსვეს. ასეთი რამ მხოლოდ ფილმში მქონდა ნანახი. დილის ხუთ საათზე უნდა ამდგარიყავი საუზმისთვის. ეს ხომ კატასტროფა იყო... საუზმეც არ იყო ეს... მე-17 დღეს, ამოიკითხეს ჩემი სახელი და გვარი და გამომიშვეს. 6 თვის თავზე მქონდა პირველი გასაუბრება. უკვე მალე ველოდები პასუხს. არ ვიცი რა იქნება.ახლა ნიუ-იორკში ვარ, ჩემი საუკეთესო დაქალის მეგობრის დედასთან, რომელმაც შემიფარა. ამჟამად, უმუშევარი ვარ. ეს ქალი მეხმარება. თავის დალაგებას მიყოფს. 6 თვეში მხოლოდ ორი თვე ვიმუშავე. პროფესიით მზარეული ვარ. უკრაინელების რესტორანში ვმუშაობდი. მაგრამ, მათ გამათავისუფლებს. ბოდიში მომიხადეს. ჩემი ერი ჩამოვიდაო... ასეთი სიტუაცია დამხვდა აქ. ამას ჩემი დაქალის და მეგობრის დედა მეუბნებოდა. რომ ჩამოვედი ვუთხარი, რასაც თქვენზე ვფიქრობდი უკან მიმაქვს ჩემი სიტყვები-თქო. ვფიქრობდი, რომ  მას ჩემი ჩასვლა არ უნდოდა ამერიკაში და ამიტომ არ მივყავდი. რასაც მეუბნებოდა არ მჯეროდა. მაგრამ, აქეთ, რომ ხარ ჩამოსული და 20 000-40 000-მდე გაქვს დახარჯული ასე ვერ წახვალ. ნეტავ, ეს ვალი გამასტუმრებინა და ჩემი ფეხით დავტოვებ ამერიკას. ახლა ისე ვარ, რომ ვერ აღგიწერთ... ევროპაში ყოფნის დროს, ახლოს მაინც ვიყავი ჩემს ოჯახთან. კიდევ მინდა უკეთესად გითხრათ, რა გზა გამოვიარე, მაგრამ ვერ ვყვები. არ არსებობს სიტყვები, რომელსაც ამ კატასტროფას ახსნის. ათი დღე მივდიოდი საზღვრამდე. მერე 17 დღე ციხეში. 85 ადამიანი ვიყავიოთ და აქედან 45 ქართველი. მინდა ყველას მოვუწოდო. ვიცი, ახლა ჩემნაირად იფიქირებს, არ უნდა აქ ჩამოვიდესო... ვურჩევდი, რომ სანამ ამ გზას გამოივლის ფსიქოლოგთან მივიდეს, რომ შეემზადოს. რადგან მიხვდეს, რა გზის გავლა მოუწევს. მოდითვის, რომ თმას ვიღებავდი, ახლა ეს მართლა მჭირდება. ამ გზამ გამაჭაღარავა. თავი ძლიერი ადამიანი მეგონა... უმძიმესი სტრესი გავიარე,“ - გვიყვება ამერიკაში მცხოვრები ქართველი, რომლის სახელსა და გვარს უსაფრთხოებიდან გამომდინარე „პრაიმთაიმი“ სპეციალურად არ წერს. 

1656080177

VIDEO: „ეს ჩემთვის ცოტა შოკისმომგვრელი იყო..." - როგორ აღნიშნავენ გამარჯვებას ქართველი მორაგბეები

ლუკა ნაჭყებია „რუსთავი 2“-ის გადაცემაში „დილა მშვიდობისა საქართველო“ ამხელს აქამდე უცნობ ტრადიციას, რომლითაც საქართველოს ნაკრების წევრები გამარჯვებას აღნიშნავენ.

1656078250

ბათუმში, 8 წლის ბავშვს მოპედი დაეჯახა

ბათუმში 8 წლის ბავშვს მოპედი დაეჯახა. დაშავებული მოზარდი ბათუმის დედათა და ბავშვთა სამედიცინო ცენტრში გადაიყვანეს.როგორც შსს-ში აცხადებენ,  ფაქტზე გამოძიება „სისხლის სამართლის კოდექსის” 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს. წყარო: tv25

1656076282

რამდენ ლარად იყიდით უქმეებზე დოლარს – ვალუტის ახალი კურსი

საქართველოს ეროვნული ბანკის მიერ გამოქვეყნებული მონაცემების თანახმად, 25 ივნისს ერთი ამერიკული დოლარი 2.9360 ლარი ეღირება, ევრო – 3.0954 ლარი.დღეს კი, ოფიციალური კურსით, ერთი ამერიკული დოლარი 2.9355 ლარი ღირდა, ევრო – 3.0840 ლარი.დღევანდელი ვაჭრობის შედეგად მიღებული კურსი ხვალ, 25 ივნისისთვის ამოქმედდება.

1656075939

„ტანკებს ვიზები არ სჭირდება, ვოვა!“ - მარგარიტა სიმონიანის ქმარი ზელენსკის

კრემლის პროპაგანდისტის, მარგარიტა სიმონიანის ქმარი, რეჟისორი ტიგრან კეოსიანი „ტელეგრამზე“ რუსეთის მოქალაქეებისთვის სავიზო რეჟიმის დაწესებას ეხმაურება.„ზელენსკის რუსეთის მოქალაქეებისთვის ვიზები დაუწესებია! ტანკებს ვიზები არ სჭირდება, ვოვა“ –  წერს კეოსიანი.

1656075087

VIDEO: "წყლის ნაკადმა მოიმატა...შველას ითხოვდა..." - რა ბედი ეწია ძაღლს, რომლის კადრებიც სოცქსელში გავრცელდა

სოციალურ ქსელში გავრცელდა ინფორმაცია, რომ კლინიკა „ლაზიკამედთან“ დიდი რაოდენობით წლის დადგომის შემდეგ მიუსაფარი ძაღლი შენობაში თავის შეფარებას ცდილობდა, თუმცა, არ შეუშვეს.გავრცელებულ ინფორმაციას კლინიკა პასუხობს და ვიდეოს აქვეყნებს:„ძაღლი, რომელიც სტიქიის დროს შველას ითხოვდა, თითქოსდა „ლაზიკა მედმა" კარი არ გაუღო, სიმართლეს არ შეესაბამება.ცნობისთვის, ეს ძაღლი წლებია ,,ლაზიკა მედს" არის შეკედლებული და ჩვენი თანამშრომლები აპურებენ.მას შემდეგ, რაც უხვი ნალექი მოვიდა და წყლის ნაკადმა მოიმატა, კადრებში ნათლად ჩანს, თუ როგორ უღებს კარს ძაღლს დარაჯი, რომ შენობაში შესულიყო.კადრებში ასევე კარგად ჩანს, რომ ძაღლის მიმართ ჩვენი დარაჯი მტრულად არ არის განწყობილი და მისთვის სტიქიის პერიოდში კარი არ დახურულა.ასევე გავრცელდა, რომ ძაღლს კლინიკის ტერიტორიაზე დენმა დაარტყა და მოკვდა - არც ეს შეესაბამება სიმართლეს.ცნობისთვის, შენობაშიც ნიაღვარი შევარდა და დაიტბორა პირველი სართული. მოვითხოვთ, შეწყდეს ,,ლაზიკა მედის" მედპერსონალის მიმართ უცენზურო და ცილისმწამებლური განცხადებების გაკეთება,“ - აღნიშნულია ინფორმაციაში.  

1656065860

ირაკლი ღარიბაშვილი ოპოზიციას პოლარიზაციის დასრულებას და ერთად მუშაობას სთავაზობს

საქართველოს პრემიერ-მინისტრი ოპოზიციას პოლარიზაციის დასრულებას და ერთად მუშაობას სთავაზობს. ირაკლი ღარიბაშვილმა ამის შესახებ სპეციალურ ბრიფინგზე განაცხადა."ჩვენ მზად ვართ კონსტრუქციული დიალოგისთვის, კარი არასოდეს არ დაგვიხურავს. მინდა მკაფიოდ ვთქვა, რომ ჩვენ გვაქვს, გვქონდა და ყოველთვის გვექნება მზაობა რომ ისეთ საკითხებზე, რომელიც ჩვენი ქვეყნის მომავალს ეხება, ვიმუშაოთ ერთად, გვქონდეს რეალური დებატები და მსჯელობა. ეს რა თქმა უნდა, უნდა ხდებოდეს ნორმალურ, კონსტრუქციულ და ჯანსაღ ვითარებაში. იმედი მაქვს,  რომ ამ პასუხისმგებლობას ჩვენი ოპონენტებიც გაიზიარებენ. მე მინდა ოპტიმისტურად განვაცხადო, რომ მე მჯერა ოპოზიცია დააყენებს საკუთარ ამბიციებსა და სურვილებს ქვეყნის ინტერესებზე მაღლა, ვინაიდან ჩვენთვის მთავარი ჯერ ჩვენი სახელმწიფო და ქვეყნის მომავალია, შემდეგ კი, ჩვენი პარტიული და პირადი ინტერესები,"- აცხადებს ირაკლი ღარიბაშვილი. 

1656057159

დათვმა სოფელ ბოზალში ორი სკა თაფლი შეჭამა

ახალქალაქის მუნიციპალიტეტის სოფელ ბოზალში, დათვმა გრიგორ ავეტისიანის ოჯახის კუთვნილი ორი სკა გაანადგურა. ინფორმაციას გამოცემა Jnews ავრცელებს.გრიგორ ავეტისიანის თქმით, მას სამი სკა ჰქონდა, რომელთაგან ორი დათვმა დაამტვრია.მისივე თქმით, თითო სკა 300 ლარად შეიძინა და  20–20 კილო თაფლის დაწურვას აპირებდა.ბოლო ერთ თვეში, ახალქალაქის მუნიციპალიტეტში, დათვი ხუთამდე სოფელს დაესხა თავს, სადაც ათობით სკა განადგურდა.

1656053876

„ყველას მადლობა გამოთქმული აზრისთვის. გავიგე, რომ დიდი ბოღმაა დაგროვილი“ - ზვიად ციკოლია

ყველას მადლობა გამოთქმული აზრისთვის. ჩემი პოსტი საჭირო უპირველეს ყოვლისა, ჩემთვის იყო, რომ კიდევ ერთხელ გამეკეთებინა დასკვნები და შესაბამისად ვიმოქმედო "დახმარების თხოვნაზე", - ამის შესახებ ცნობილი ქართველი სამრეწველო დიზაინერი ზვიად ციკოლია .„გავიგე რომ დიდი ბოღმაა დაგროვილი, გავიცანი ახალი და ძველი მეგობრები. ისიც გავიგე რომ საზოგადოებას პრობლემა არ ჰქონია რადგან ჩემი პოსტი გახდა ასეთი განხილვის საგანი და არა განათლება, ეკოლოგია ან უამრავი სხვა პრობლემა. კიდევ ერთხელ მადლობა ყველას,“ - წერს ზვიად ციკოლია.ცნობისთვის, რამდენიმე დღის წინ, ის წერდა:„ზოგი ლასკალაში სწავლის დაფინანსებას მთხოვს ზოგიც კოლუმბიის უნივერსიტეტში. ქართულ სასწავლებლებზე ხომ საერთოდ აღარც არაფერს ვიტყვი 200-300 ლარიანები რამდენი მწერს. ჩემი რჩევაა პირდაპირ ხელისუფლებას ან ბანკირებს მისწეროთ, ჩემთან დროს ნუ დაკარგავთ“.

1656052676

„შენთან ერთად წამოვალ დე“ - ლევან კბილაშვილის დედის ემოციური პოსტი

ლევან კბილაშვილის დედა მელიტა ფურცელაძე შვილის გარდაცვალების შემდეგ ემოციურ პოსტს აქვეყნებს.„როგორ უძლებს დედაშენი ამას დე. ჩვენ ხომ უერთმანეთოდ არ შეგვეძლო შვილო. შენთან ერთად წამოვალ დე იქნებ, იქ მაინც ვიყოთ ბედნიერები ერთად, ტელეფონზე არ მპასუხობ და ასე მოგწერე დე. დღეს ხომ მოხვალ სახლში, მე მზად ვარ ერთად წავიდეთ დე მენატრები უკვე, სამი დღეა შენი ხმა არ გამიგია ლევანო შვილო”, – წერს კბილაშვილი დედა.31 წლის ლევან კბილაშვილი 21 ივნისს, მოსკოვში გარდაიცვალა.„ჯეოსტარელი" მომღერლის უდროოდ გარდაცვალების ზუსტი მიზეზი ჯერ უცნობია.  მისი მეგობრების თქმით, ლევანს კოვიდის შემდეგ ფეხი დაეთრომბა.ის „ჯეოსტარში" მონაწილეობის დროს ავარიაში მოჰყვა, შემდეგ კოჭლობდა, ხელჯოხით დადიოდა. ითქვა, რომ ფეხის ძვლის დაშლაც ჰქონდა.

1656050359

90-იანებში ცნობილი მომღერალი თევზაობის დროს მოწამლეს - ნახეთ მისი სიცოცხლის ბოლო კადრები

გუშინ, გავრცელდა ინფორმაცია, რომ მომღერალი იური შატუნოვი 48 წლის ასაკში გარდაიცვალა. მიზეზად გულის შეტევა დასახელდა. მოგვიანებით კი გაირკვა, რომ ის სავარაუდოდ, მოწამლეს. მის სისხლში მომწამვლელი ნივთიერება აღმოაჩინეს.მეგობრები, რომელთან ერთადაც სათევზაოდ იყო წასული, დააკავეს. - ამის შესახებ ინფორმაციას რუსული მედია ავრცელებს. შატუნოვი ჯგუფ „ლასკოვი მაის" სოლისტი იყო, რომელიც ცნობილი გახდა ჰიტებით, „თეთრი ვარდები" და „ნაცრისფერი ღამე".