1642590373

„ეს საპასუხისმგებლო მისია“ - როგორ გახდა ნოდიკო ტატიშვილი 28 ბავშვის ნ...

მარ­თლმა­დი­დე­ბე­ლი ეკ­ლე­სია დღეს ნათ­ლის­ღე­ბას აღ­ნიშ­ნავს. როგორც მომღერალი ნოდიკო ტატიშვილი ამბობს, მას 28 ნათლული ჰყავს და თითოეულ ოჯახთან დიდი ისტორია აკავშირებს. „ეს საპასუხისმგებლო მისია. ვნერვიულობ-ხოლმე რადგან მარტივი არ არის. კოლექციას ხომ არ აგროვებ. როცა ბავშვს ნათლავ მისი ოჯახი უნდა გიყვარდეს. თითოეულ მათგანთან ჩემი ურთიერთობების საკმაოდ დიდხნიანი ისტორია მაქვს. ძალიან მიყვარს ნათლულების მშობლები. მინდა ყველას მივულოცო ეს დღე,“ - ამბობს ნოდიკო ტატიშვილი „რუსთავი 2-ის“ გადაცემაში.

1642589347

სეფსისი ტვინში წავიდა… ვეღარ ვსაუბრობდი… ძალიან არ მინდოდა “იქით” წასვ...

მოდელი თამუნა ქორქია, რომელმაც ბოლო პერიოდში საზოგადოებას თავი “ჩცდ”-ში მანჩოს როლით შეახსენა, 14 წლის იყო დიაბეტის დიაგნოზი რომ დაუსვეს. თავის ცხოვრებას ორ ნაწილად ჰყოფს, 33 წლამდე, რომელშიც დიაბეტთან ერთად იცხოვრა და მერე, როგორც “ახალი კვირისთვის”  მიცემულ ინტერვიუში ამბობს, “როცა მოკვდა და გაცოცხლდა დიაბეტის გარეშე”. 40 წლის მოდელი კალათბურთელ მიხეილ ქორქიას ქალიშვილია. შარშან ბედი რეჟისორ ვასკა ქართველიშვილს დაუკავშირა, თუმცა როგორც იხსენებს, იყო დრო, თუ გათხოვება უნდოდა, დიაგნოზის გამხელას რომ უკრძალავდნენ. თამუნა ქორქია: – ექთანმა მითხრა, არ თქვა დიაბეტი რომ გაქვსო. გავოცდი, რას ნიშნავს-მეთქი? ვერ გათხოვდებიო. ჩემი ოჯახის წევრების შეშინებულ სახეებზე მივხვდი, რომ რაღაც არ იყო კარგად საქმე… ექიმებმა რომ ამიხსნეს რა მჭირდა, ეს იყო შოკი, დიდი სტრესი მივიღე. დროების მიხედვით უნდა ჭამო, ინსულინი დროზე უნდა იკეთო. უცებ წარმოუდგენელ ამბავში მოვხვდი. ბეჯითად ვასრულებდი ყველაფერს. მეგონა, რომ თუ ერთი წამით გადავაცილებდი ინსულინის გაკეთებას, ან ჭამას, უბედურება დატრიალდებოდა. სხვადასხვა დიაგნოზს მისვამდნენ. ამის გამო აგრესია დამემართა და ბრიტვით თმა გადავიპარსე. 18 წლის ვიყავი, საზღვარგარეთ გამოკვლევებმა აჩვენა, რომ მძიმე და განსხვავებული ფორმის დიაბეტი მქონდა. შევეგუე და დავიწყე მასთან ერთად ცხოვრება. ექიმებში სიარული მიწევს მთელი ცხოვრება და უკვე ამ ყველაფრისგან ისეთი აგრესია დამემართა, რომ დავაიგნორე ეს დაავადება და დავიწყე ტკბილეულის ჭამა და ძალიან ცუდად ვექცეოდი თავს. იმდენად ვერ მივეჩვიე დიაბეტთან ერთად ცხოვრებას, რომ თავი დავაჯერე, რომ მე ვერაფერს მიზამს… ამან იქამდე მიმიყვანა, რომ ორივე თირკმელი გამეთიშა. სეფსისი ტვინში წავიდა და ერთი დღე და ღამე გადადებული ვიყავი. სხეული აღარ მემორჩილებოდა. ვერც ვსაუბრობდი. იყო პერიოდი, მხოლოდ მესმოდა და ეს იყო მარტოობის, მონატრების შეგრძნება. ძალიან არ მინდოდა “იქით” წასვლა… არც ვიცოდი, სად მივდიოდი. ჩემ თავთან ჩემი და რომ ტიროდა, მახსოვს, აზრზე მოსვლის მომენტებში ვეუბნებოდი, გამიშვი, ნუ მაწვალებ, ძალიან ცუდად ვარ-მეთქი. იყო საზღვარგარეთ გადაფრენაზე საუბარი. სამი პროცენტი აქვს გადარჩენის შანსი და მგზავრობას ვერ გადაიტანსო, ამბობდნენ. მაინც გადამაფრინეს ავსტრიაში. ასე გამომტაცეს სიკვდილს ხელიდან და ცხოვრებაში დამაბრუნეს. შემაერთეს დიალიზზე. ორი წელი კვირაში სამჯერ დიალიზს ვიკეთებდი. შემდეგ პანკრეასისა და თირკმლის დონორის რიგში ჩავდექი. ორწლიანი ლოდინის შემდეგ მითხრეს, შენი ორგანოები მოვიდაო… შვიდი საათი მიმდინარეობდა ოპერაცია და რომ გავიღვიძე მითხრეს – შაქარი არ გაქვსო. ასეთი თავისუფლების შეგრძნება მეორე, ალბათ, არ არსებობს. მივხვდი, თურმე რა ბედნიერებაა ცხოვრება, რა ბედნიერებაა რომ თენდება, მზე ამოდის, ჩიტები ჭიკჭიკებენ, ღამდება… მივხვდი, რომ წარმოუდგენლად ბედნიერი ვიყავი. თურმე რა კარგია, რომ ვცხოვრობ. მივხვდი, რომ საერთოდ არ ვაფასებთ ადამიანები რაც გვაქვს. ძალიან მიყვარს, ვგიჟდები სიცოცხლეზე. და უკვე არასდროს არ ვარ ცუდ ხასიათზე.   დაგაინტერესებთ:   👉  ასეთი მეორე ნახევარი არავის მოეწონება – რატომ არ ჩნდება ხშირად თათია შარანგია მეუღლესთან ერთად   👉 დარჩა მხოლოდ სიცარიელე… ჩემს ტკივილთან ერთად ვცხოვრობ – თაკო ნატროშვილი პირად ტრაგედიაზე

1642588215

დარჩა მხოლოდ სიცარიელე… ჩემს ტკივილთან ერთად ვცხოვრობ – თაკო ნატროშვილ...

მოდელი, თაკო ნატროშვილი, რომელიც ემიგრაციაშია, პირად ტრაგედიაზე საუბრობს. მისი თქმით, მან საკუთარი დედა უკანასკნელ გზაზე ვერ გააცილა. „დედა ერთი წელი ავადმყოფობდა, ვფიქრობ ძალიან განიცდიდა ჩემს მონატრებას, ძნელია იმ აზრთან შეგუება, რომ დედა უკანასკნელ გზაზე ვერ გავაცილე.  ყველაფერმა ხელი შემიშალა, რომ მასთან ბოლო ხანებში ახლოს ვყოფილიყავი. კახიზე ძალიან ბევრს ნერვიულობდა და ძალიან უყვარდა. ძალიან რთული პერიოდი გამოვიარე, მაგრამ ისევ ჩემმა ოჯახმა, მეუღლემ და ბავშვებმა გადამატანინეს. 15 წლის ვიყავი, როდესაც მამა გარდაიცვალა, ახლა დედაც აღარ მყავს და ვხვდები, რომ ჩემს ცხოვრებაში რაღაც ეტაპი დასრულდა, დარჩა მხოლოდ სიცარიელე. შინაგანად ეს ტკივილი მუდამ თან დამყვება, უბრალოდ ვცდილობ გარეგნულად არ შევიმჩნიო. საბოლოოდ ჩემი თავი ხელში ავიყვანე და ჩემს ტკივილთან ერთად ვცხოვრობ“- ყვება ჟურნალ „სარკესთან“ თაკო ნატროშვილი. შეგახსენებთ, თაკო ოჯახთან ერთად წლებია გერმანიაში ცხოვრობს. ის ამბობს, რომ ეს ნაბიჯი მისთვის იძულებითი იყო, რადგან მის შუათანა ბიჭს, კახის საქართველოში დიაგნოზი ვერ დაუდგინეს. ამიტომ ის და მისი ქმარი იძულებული გახდნენ საქართველო დაეტოვებინათ. ახლა კახის ჯანმრთელობის მდგომარეობა ბევრად უკეთესია.   დაგაინტერესებთ: კაცი ექსტრასენსს უჩივის, რადგან მან დაპირების მიუხედავად, “ყოფილი შეყვარებულის ჯადო” ვერ მოხსნა

1642587828

კაცი ექსტრასენსს უჩივის, რადგან მან დაპირების მიუხედავად, “ყოფილი შეყვ...

კალიფორნიის შტატში მცხოვრები მაურო რესტრეპო ექსტრასენსს უჩივის. როგორც მამაკაცი აცხადებს, მას მოტყუებით დაჰპირდნენ იმ ჯადოს მოხსნას, რომელიც ყოფილმა შეყვარებულმა მის ქორწინებაზე ჯადოქარს დაადებინა. ინფორმაციას ამის შესახებ BBC-ი ავრცელებს. გამოცემის ინფორმაციით, ვინმე სოფია ადამსი მაუროს დაჰპირდა, რომ მის ქორწინებას გადაარჩენდა და ჯადოს მოხსნიდა. სამაგიეროდ კი რესტრეპოს მისთვის 5 100 აშშ დოლარი უნდა გადაეხადა. მამაკაცის თქმით, ნათელმხილველი მას ეუბნებოდა, რომ თუ ჯადოს არ მოიხსნიდა, მისი„ოჯახი საფრთხეში ჩავარდებოდა”. სასამართლოში წარდგენილ დოკუმენტებში ვკითხულობთ: ექსტრასენსთან სტუმრობისას მაურო რესტრეპოს ტაროს კარტით უმკითხავეს და უთხრეს, რომ “ყოფილმა შეყვარებულმა დაქირავებული ჯადოქრის მეშვეობით მას ჯადო დაადო” და თუ ამ წყევლას როგორმე არ მოიხსნიდა, მაშინ მის ქორწინებას და შვილებს საფრთხე დაემუქრებოდა“.   როგორც ფინანსური, ისე მორალური ზიანის ასანაზღაურებლად, მამაკაცი $25 000-ს ითხოვს.

1642587042

„ოდესმე ისევ ვნახავ შენს მომღიმარ სახეს“ - ვარკეთილში მოკლული, 22 წლის...

ვარკეთილში მოკლული, 22 წლის ორსული გოგოს და, მარიამ კეპულაძე სოციალურ ქსელში დის შესახებ ემოციურ პოსტს აქვეყნებს, რომელსაც „პრაიმტაიმი“ უცვლელად გთავაზობთ: „ჩემო ანგელოზო, ჩვენს გულში ცოცხლობ! შენით ვსუნთქავ.! მე მჯერა იმის, რისიც მწამს. მწამს იმის, რომ ოდესმე ისევ ვნახავ შენს მომღიმარ სახეს და მჯერა იმის, რომ გნახავ ისეთს, როგორიც ბავშვობაში ვიყავით. მინდა დრო გაჩერდეს, მინდა დრო გადავწიო, ისევ მინდა შენთან ერთად გავატარო ის ძველი მოგონებებით აღსავსე დღეები, ის ბედნიერი წუთები, წამები, საათებიი, მინდა გულში ჩაგიკრა.! მინდა გადაგეხვიო და ისევ გითხრა რომ მიყვარხარ და მენატრები. მინდა ისიც გითხრა, რომ უშენობა ძალიან მიჭირს, იმდენად რომ სიტყვები ზედმეტია სათქმელად, - წერს მარიამ კეპულაძე. შეგახსენებთ, ვარკეთილში ახალგაზრდა კაცმა 22 წლის, 5 თვის ორსული ცოლი მოკლა. ორსულს 30-მდე ჭრილობა ცივი იარაღით, მათ შორის მუცლისა და გულის არეში მიაყენა.

1642584808

ვის ეზრდება ამ თვიდან შემოსავალი საქართველოში – ხელფასები, პენსია, დახ...

2022 წლიდან სახელმწიფო გასაცემლები ასაკობრივი პენსიის, შშმ პირთა პენსიისა და საჯარო მოხელეების ხელფასი იმატებს. ამის შესახებ ინფორმაციას ფინანსთა მინისტრი, ლაშა ხუციშვილი ადასტურებს. “პრაიმტაიმის” ამ სტატიაში ნახავთ, ვის და რამდენით ემატება პენსია და შრომის ანაზღაურება.   ასაკობრივი პენსია ასაკით პენსიონერებისთვის პენსია მომავალი წლიდან იზრდება. 2022 წელს 2 მილიარდ 885 მილიონი ლარი მოსახლეობის საპენსიო უზრუნველყოფას მოხმარდება, – ამის შესახებ ფინანსთა მინისტრმა, ლაშა ხუციშვილმა პარლამენტის სესიაზე, 2022 წლის ბიუჯეტის პროექტის გადამუშავებული ვერსიის წარდგენისას აღნიშნა. როგორც მან განაცხადა, მომავალ წელს, 70 წლამდე პენსიონერთა პენსიის ზრდა 20 ლარით არის გათვალისწინებული და შესაბამისად, პირველი იანვრიდან მათი პენსია 260 ლარი იქნება. ხოლო მაღალმთიან დასახლებებში მცხოვრებ ასაკით პენსიონერებს, რომლებსაც ე.წ. მაღალი მთის სტატუსი აქვს, დამატებითი ფულადი დანამატით ისარგებლებენ. “მაღალმთიან დასახლებებში მცხოვრები პენსიონერებისთვის, იქ არსებული დანამატის გათვალისწინებით, 70 წლამდე ასაკის პენსიონერებისთვის პენსია 312 ლარი იქნება, ხოლო 70 წელს გადაცილებულებისთვის – 360 ლარი. 70 წლის და მეტი ასაკის პენსიონერთა პენსია იზრდება 25 ლარით და შეადგენს 300 ლარს, ხოლო მაღალმთიან დასახლებებში ამავე კატეგორიის პირთა პენსია 360 ლარი იქნება“, – განაცხადა ფინანსთა მინისტრმა, ლაშა ხუციშვილმა.   შშმ პირთა პენსია შშმ პირთა და 18 წლამდე შშმ ბავშვთა ყოველთვიური სოციალური ფულადი გასაცემელი იზრდება – ამის შესახებ პარლამენტის იურიდიულ საკითხთა კომიტეტის თავმჯდომარის მოადგილემ, რატი იონათამიშვილმა განაცხადა. მისივე ცნობით, მკვეთრად გამოხატული შეზღუდული შესაძლებლობების მქონე პირთა და 18 წლამდე შშმ ბავშვთა ყოველთვიური სოციალური გასაცემელი 25 ლარით იზრდება. “საქართველოს 2022 წლის სახელმწიფო ბიუჯეტის გადამუშავებულ ვარიანტში შშმ პირთა მიმართულებით მნიშვნელოვანი ცვლილებები შევიდა: მკვეთრად გამოხატული შეზღუდული შესაძლებლობების მქონე პირთა და 18 წლამდე შშმ ბავშვთა ყოველთვიური სოციალური გასაცემელი 25 ლარით იზრდება; სოციალური რეაბილიტაციისა და ბავშვთა ზრუნვის პროგრამა 12 მილიონი ლარით იზრდება, რაც ამ პროგრამის ზრდის ისტორიული მაქსიმუმია და 52,1 მლნ ლარს შეადგენს.   ხელფასი 2022 წელს დაგეგმილია საჯარო მოხელეების ხელფასების 10%-იანი ზრდა – ამის შესახებ ფინანსთა მინისტრმა, ლაშა ხუციშვილმა პარლამენტის სესიაზე 2022 წლის ბიუჯეტის პროექტის გადამუშავებული ვერსიის წარდგენისას და ისაუბრა. „ერთი მხრივ, ფისკალური რესურსის სიმცირემ და მეორე მხრივ, საკითხის ზედმეტად პოლიტიზირებამ, მიგვიყვანა იქამდე, რომ ბოლო 5-6 წელია საჯარო მოხელეების ხელფასები არ გაზრდილა, შედეგად მივიღეთ შემდეგი სიტუაცია: 2013-2014 წლებში, საჯარო სექტორში საშუალო ხელფასი კერძო სექტორში არსებული საშუალო ხელფასის 90%-ზე მეტი იყო. 2014 წლის შემდგომ, კერძო სექტორში საშუალო ხელფასის ზრდამ მნიშვნელოვნად გაუსწრო საჯარო სექტორში ხელფასების ზრდას. შედეგად, 2020 წლის მდგომარეობით საჯარო სექტორში საშუალო ხელფასი კერძო სექტორის 80%-ზე დაბალია. თუ მიმდინარე წლის პირველ ნახევარში საშუალო ხელფასის ზრდის დინამიკას გავაანალიზებთ, მოსალოდნელია, რომ 2021 წლის ბოლოს საჯარო სექტორში საშუალო ხელფასი კერძო სექტორში არსებულ 75 პროცენტზე დაბალ ნიშნულზე ჩამოვიდეს”, – აღნიშნა ფინანსთა მინისტრმა.

1642583521

არ ვიცოდი, რომ “დასასრულის დასაწყისი” ასე გამოიყურება - გიორგი ფხაკაძე

დაავადებათა კონტროლის ეროვნული ცენტრის ინფორმაციით, ბოლო 24 საათში, საქართველოში კორონავირუსის 8728 ახალი შემთხვევა გამოვლინდა. მათივე ცნობით, კოვიდ-19-ს კიდევ  43 ადამიანი ემსხვერპლა. ვირუსისგან გამოჯანმრთელდა 8 545  პაციენტი. ბოლო მონაცემებით, კარანტინის რეჟიმში იმყოფება 54 ადამიანი, ხოლო სტაციონალური მეთვალყურეობის ქვეშ  4 500.  ჯანდაცვის საერთაშორისო ექსპერტი, გიორგი ფხაკაძე საქართველოში არსებულ ეპიდვითარებას ეხმიანება და წერს, რომ დღევანდელი სტატისტიკა შემაშფოთებელია.   8728 - არ ვიცოდი რომ „დასასრულის დასაწყისი” ასე გამოიყურება. პირბადე მაინც გაიკეთეთ სანამ ეს “დასასრული” თავზე არ დაგადგათ…   ასევე ნახეთ: ოფიციალურად საქართველოში კოვიდის პრობლემა მოგვარებულია - გიორგი ფხაკაძე

1642537320

ეს ორი კვირა გაგრძელდება - როგორ იმოქმედებს იანვრის სავსემთვარეობა თით...

18 იანვარს, თბილისის დროით, 03:49-ზე გვაქვს სავსემთვარეობა კირჩხიბის ზოდიაქოს ნიშანში. ამ დროს მზე და მთვარე ერთმანეთის ოპოზიციურ ნიშნებში ხვდებიან, მზის სხივები ბოლომდე ეცემა მთვარეს და მთვარეც ბოლომდე ხილული ხდება. რაც დედამიწაზე იწვევს, მთვარის გავლენის მეტად გამძაფრებას. რაც ამ პერიოდში გამოიწვევს ადამიანებში და განსაკუთრებით ქალებში მომატებულ ემოციებს, შფოთვებს, შესაძლებელია იყოთ მეტად გაღიზიანებული, დეტალები მოგხვდეთ ემოციებზე და იგრძნოთ ენერგეტიკული დისბალანსი. ასევე შესაძლებელია, ამ პერიოდში წარმოიქმნას კომპლიქტური სიტუაციები, მოხდეს გახლეჩვა ადამიანის პიროვნებასა და ემოციებს შორის და მოხდეს დაპირისპირება იმ გარემოსთან რაც მოცემული გაქვთ. იანვრის სავსე მთვარეობა გვაქვს კირჩხიბი-თხის რქის ღერძზე. აქ მთვარე მაღალ სტატუსშია, თავისი მმართველობის ნიშანშია, ხოლო მზე თხის რქის ზოდიაქოს ნიშანშია. ამიტომაც კარგი იქნება თუ დააბალანსებთ და ჰარმონიაში მოიყვანთ ოჯახისა და კარიერის, სოციალური თემებისა და ოჯახური მოვალეობების საკითხებს. ეს სავსე მთვარე განსხვავებულია იმით რომ, მზესთან შეერთებული არის ცვლილებების, ტრანსფორმაციისა და კრიზისების პლანეტა პლუტონი და ოპოზიციას აკეთებს მთვარესთან. რაც სავსე მთვარეობის ფონს, მეტად ამძაფრებს და ინტენსიურს ხდის. ამ პერიოდში შესაძლებელია დიდი ტრანსფორმაციები და ცვლილებები შემოვიდეს ოჯახურ საკითხებში და კარიერულ თემებშიც. თუმცა გააჩნია სად მოხვდება, თქვენს პირად ჰოროსკოპში სავსე მთვარე. ამ პერიოდში კარგი იქნება თუ არ აჰყვებით ემოციებს, შეეცდებით იყოთ სტაბილურად, მშვიდად და დროს გაატარებთ სახლში, მშვიდ გარემოში. ეს პერიოდი და სავსე მთვარეობიდან მომავალი 3-4 დღე არ ვიწყებთ არაფერს ახალს. ამ პერიოდში უნდა მოვუფრთხილდეთ ჯანმრთელობას, განსაკუთრებით კი კუჭს, კარგი იქნება თუ გამოიკვებებით ზომიერად და სწორად. კარგი იქნება თუ დაკავდებით მედიტაციებით ან ჩაიტარებთ ენერგეტიკულ წმენდებს. სავსემთვარეობისას ჯობია იყოთ სახლში და არ გადაადგილდეთ შორ მანძილზე. არ დიტვირთოთ ფიზიკურად და არ დახარჯოთ ზედმეტი ენერგია. ეცადეთ არ აყვეთ პროვოკავიებს, მოერიდეთ კონფლიქტურ სიტუაციებს, ეცადეთ იყოთ მშვიდად. ახლა კი შევეცდები, მოკლედ ავხსნა რა ზეგავლენას მოახდენს და როგორ იმოქმედებს სავსე მთვარე, თითოეულ ზოდიაქოს ნიშანზე. სავსე მთვარე გავლენინი იქნება მომავალი ორი კვირა. თუმცა გასათვალისწინებელია რა ასპექტაციაში იქნება, თქვენს ნატალურ პლანეტებთან და რომელ სახლებში მოხვდება სავსე მთვარე. ვერძი ეცადეთ სტაბილურად იყოთ კარიერულ თემებში, განსაკუთრებით თუ სოციალური სტატუსი გაქვთ. გააცნობიერეთ თქვენი ჭეშმარიტი მიზნები, თუ რამე გაქვთ დაწყებული და ცოტა გაკლიათ დასასრულებლად და შედეგის მისაღებად კარგი პერიოდია. კურო ეცადეთ სტაბილური კავშირი გქონდეთ, თქვენს მეგობრებთან და თანამოაზრეებთან. მოერიდეთ კომფლიქტებს ხალხთან. კარგი იქნება თუ სავსე მთვარეობამდე 3-4 დღით ადრე განახორცილებთ ისეთ იდეას რასაც აქამდე გეგმავდით. ტყუპები ამ პერიოდში შესაძლებელია მოგიწიოთ კარმული ვალების გასტუმრება. შესაძლებელია გაიგოთ რაღაც საიდუმლო, ის რაც აქამდე არ იცოდით. ეცადეთ იყოთ მშვიდად, და გააკონტროლოთ თქვენი ფსიქოემოციური მდგომარეობა. კირჩხიბი შესაძლებელია უკეთ გააცნობიეროთ საკუთარი თავი, აღმოაჩინოთ ისეთი დეტალები თქვენს გარშემო რასაც აქამდე ვერ ამჩნევდით. ეცადეთ იყოთ სტაბილურად და აკონტროლოთ ემოციები. კირჩხიბზე სავსე მთვარე, უფრო მეტად მოქმედებს რადგანაც, მთვარე მართავს და მით უმეტეს კირჩხიბშივეა სავსე მთვარე, ასე რომ შეეცადეთ აკონტროლოთ თქვენი გუნება-განწყობა. ლომი. კარგი იქნება თუ ამ პერიოდში შეეცდებით არ გაფლანგოთ ენერგია და თქვენი რესურსები. შეეცადეთ დაასტაბილუროთ თქვენი მატერიალური მდგომარეობა და მოერიდოთ კრიზისულ სიტუაციებს. ქალწული. ეცადეთ სტაბილური ურთიერთობა გქონდეთ თქვენს ახლო გარემოსთან, შეეცადეთ არ აყვეთ ემოციებს და არ გქონდეთ კომფლიქტები თქვენს გარშემო მყოფ ხალხთან. ამ პერიოდში ჯობია სწორად შეარჩიოთ სიტყვები და იყოთ ნაკლებად კრიტიკული. სასწორი შეეცადეთ იყოთ მშვიდად, დრო გაატარეთ სახლში და ჰარმონიული ურთიერთობა გქონდეთ თქვენს ოჯახის წევრებთან. კარგი იქნება თუ გაიხსენებთ თქვენს ცხოვრებაში მომხდარ დადებით მოვლენებს ან მოიგონებთ თქვენს წინაპრებს. მორიელი ეცადეთ აკონტროლოთ თქვენი ეგო, საკუთარი თავის გამოვლინება მოახდინოთ ზომიერად. ეცადეთ სტაბილურად იყოთ სასიყვარულო ურთიერთობებში. თუ შვილები გყავთ ეცადეთ ბალანსი დაიცვათ მათთან ურთიერთობაში. მშვილდოსანი მოუფრთხილდით თქვენს ჯანმრთელობის მდგომარეობას, არ გადაიტვირთოთ ფიზიკურად, არ დახარჯოთ ზედმეტი ენერგია და დააბალანსეთ თქვენი დღის რუტინა. არ აიცილოთ თავიდან თქვენზე დაკისრებული მოვალეობები. კარგი იქნება თუ გამოიკვებებით სწორად და ზომიერად. თხის რქა დასტაბილურდით ურთიერთობებში, ეცადეთ ჰარმონიული კავშირი გქონდეთ ხალხთან, თქვენს პარტნიორთან ან საქმიან პარტნიორებთან. მერწყული მოერიდეთ კრიზისულ და ექსტრემალურ სიტუაციებს, შეეცადეთ იყოთ მშვიდად და არ აყვეთ ნეგატიურ ფიქრებს. კარგი პერიოდია ვალის გასასტუმრებლად, მოერიდეთ ვალის აღებას და ბანკთან შეხებას. თევზები კარგი პერიოდია რელიგიური და რწმენითი საკითხების გასააქტიურებლად, კარგი იქნება თუ იმედიტირებთ, ილოცებთ ან ეკლესიაში წახვალთ. ასევე შესაძლებელია აქტუალური გახდეს სწავლასთან, განათლებასთან და საზღვარგარეთთან დაკავშირებული თემები.

1642536120

ვინ არის ქართველი ქალი, რომელმაც რუსეთს 1 მილიარდი რუბლი მოპარა

55 წლის ელენე კვიმსაძეზე რუსეთის ფედერაციამ საერთაშორისო ძებნა გამოაცხადა. მას თანამზრახველებთან ერთად ბრალად განსაკუთრებით დიდი მასშტაბის თაღლითობა ედება. საერთო ჯამში, საუბარია დაღესტნის ბიუჯეტიდან თითქმის 1 მილიარდი რუბლის მითვისებაზე. ამის შესახებ რუსული მედია წერს. ქართველი ქალის პირადი მონაცემები ინტერპოლის საიტზე წითელი ცირკულარით აიტვირთა. ერთ-ერთი ეპიზოდი ეხება დაღესტნის საგანმანათლებლო დაწესებულებების კომპიუტერებით აღჭურვას, საიდანაც რუსეთის ფედერაციის გენერალური პროკურორის მოადგილის, ივან სუდორუკის ინფორმაციით, 97 მილიონი რუბლის მითვისება მოხდა. დანაშაულების სხვა ეპიზოდები ასევე საგანმანათლებლო დაწესებულებებს უკავშირდება. საერთაშორისო ძებნაა გამოცხადებული კვიმსაძის მეუღლეზე, მურად ომაროვზეც, რომელიც დანაშაულებრივი ჯგუფის ლიდერად მიიჩნევა. თავად კვიმსაძე ერთ-ერთი ლიცეუმის ხელმძღვანელი გახლდათ. გამოძიების ინფორმაციით, ეს ჯგუფი სხვადასხვა მაქინაციებით 2009 წლიდან დაღესტნის ბიუჯეტს ძარცვავდა, მათ შორის სასწავლებლებში „მკვდარი სულების“ რეგისტრაციის გზით. ამავე საქმეში ფიგურირებს დაღესტნის განათლების მინისტრის მოადგილეც.

1642534376

ტემპერატურა საგრძნობლად დაეცემა - ნახეთ ამინდის განახლებული პროგნოზი

აღმოსავლეთ საქართველოში 19-21 იანვარს უმეტეს რაიონში თოვლია მოსალოდნელი, ზოგან ძლიერი. სინოპტიკოსები ღამით ძლიერ ყინვებს პროგნოზირებენ. ტემპერატურა ღამით -8 გრადუსამდე დაიწევს. დღე კი +9 გრადუსამდე გათბება. მოსალოდნელია დასავლეთის ქარი 17-22 მ/წმ, ხოლო 20 იანვარს ქარი 20-25 მ/წმ-მდე გაძლიერდება. თოვლი და ძლიერი ყინვაა მოსალოდნელი 19-21 იანვრის პერიოდში აღმოსავლეთ საქართველოს მთიანეთში. ტემპერატურა -14 გრადუსამდე დაეცემა. დასავლეთ საქართველოშიც თოვლია მოსალოდნელი, ბარში უახლოესი 3 დღის განმავლობაში ღამით მოსალოდნელია ყინვები, დღე კი ჰაერი +6 გრადუსამდე გათბება. იქროლებს დასავლეთის ქარი 17-22 მ/წმ. რაც შეეხება დასავლეთ საქართველოს მთიან რეგიონებს, აქ მომდევნო დღეებში ძლიერი ყინვა და თოვლია მოსალოდნელი. meteo.gov.ge-ზე გამოქვეყნებული ინფორმაციის თანახმად, თბილისში 19 იანვარს თოვლჭყაპი და ჩრდილო-დასავლეთის ქარია მოსალოდნელი 17-22 მ/წმ.  19 იანვარს ღამით -3 გრადუსს ყინვას ელოდებიან. 20 იანვარს დედაქალაქში მცირე თოვლი და ქარის გაძლიერებაა მოსალოდნელი 20-25მ/წმ. 21 იანვარს ღამით ტემპერატურა -5-მდე დაიწევს. ჰაერი დღის განმავლობაში +6 გრადუსამდე გათბება. 21 იანვარი დედაქალაქში უმეტესად უნალექოდ ჩაივლის. იქროლებს ჩრდილო-დასავლეთის ქარი 17-22 მ/წმ. 

1642534079

„მჭადის ფქვილს გავატანდი ჩემებთან“- რა ხდება სოცქსელში ასტეროიდის ჩავლ...

აშშ-ის აერონავტიკისა და კოსმოსის კვლევის ეროვნული სააგენტოს მიერ გავრცელებული ინფორმაციის თანახმად, 18 იანვარს დედამიწას 1 კილომეტრი სიგანის მქონე ასტეროიდი ჩაუვლის. კერძოდ, ჩვენ შორის მანძილი 1.93 მილიონი კილომეტრი იქნება. ასტეროიდი, სახელად 1994 PC1 ავსტრალიელმა ასტრონომმა, რობერტ მაკნოტმა 1994 წელს, საიდინგ სპრინგის ობსერვატორიიდან აღმოაჩინა. ასტეროიდი დედამიწას საქართველოს დროით 01:51-ზე ჩაუვლის. ფაქტმა სოციალური ქსელის მომხმარებელი გაამხიარულა და ბევრი მათგანი ხუმრობის ხასიათზეც მოიყვანა: „ამას მაინც ვიგრძნობთ?“; „01:50-ზე მაღვიძარას ვაყენებ“; „ხვალამდე ვერ მეიცდის? მჭადის ფქვილს გავატანდი ჩემებთან“; „მაგანაც კი ჩაგვიარა“; „შეყვარებული დამშორდა ასტეროიდიც მშორდება, როგორ დავიწყე 2022 წელი“; „დავიძინო თუ დავინახავ“; „გააჩეროს უნდა გავყვე“.

1642533561

ვინ არის ქართველი დამლაგებელი და მისი თანამზრახველი, რომლებმაც შეიხი გ...

ერაყის ქალაქ დიუოკში შეიხის სახლი ქართველებმა გაძარცვეს და 2 მილიონ 600 ათასი დოლარი, ასევე 4 კილო ოქრო მოიპარეს. როგორც ადგილობრივი მედია იუწყება, ვინმე მარიკამ, 3 სექტემბერს სამ თანამზრახველთან ერთად შეიხის სახლში მასშტაბური ძარცვა განახორციელა. ადგილობრივი პრესის ცნობით, ძარცვაში მონაწილეობა მიიღეს – ლანჩხუთის მკვირდმა, 1986 წელს დაბადებულმა თენგიზ შაინიძემ, ლენტეხის მკვიდრმა 1994 წელს დაბადებულმა ცოტნე მჭედლიძემ, ცაგერის მკვიდრმა 1987 წელს დაბადებულმა აკაკი საგინაძემ. პოლიციამ ნაქურდალი ამოიღო, თუმცა ქალის დაკავება ვერ მოხერხდა, რადგან მან ქვეყანა დატოვა. სამდღიანი საგამოძიებო სამუშაოების შემდეგ პოლიციამ დაადგინა, რომ ქალმა თავი თურქეთს შეაფარა, თან კი 20 000 ათასი აშშ დოლარი წაიღო.