LG Electronics-მა, რომელმაც რუსეთში პროდუქციის მიწოდება 2022 წელს შეწყვიტა, Rospatent-ს ბრენდის რეგისტრაციის მოთხოვნით მიმართა

ამხრეთკორეულმა კომპანიამ LG Electronics-მა, რომელმაც რუსული ბაზარი 2022 წელს დატოვა, „როსპატენტს“ ბრენდ RGB Primary Color-ის რეგისტრაციის თხოვნით მიმართა. ინფორმაციას რუსული მედია ავრცელებს.

მედიის თანახმად, განცხადება რუსეთის შესაბამის უწყებაში 25 აგვისტოს შევიდა. ახალი ბრენდის მეშვეობით კომპანიას ტელევიზორების, დისპლეების და მათთვის საჭირო პროგრამების გამოშვება შეეძლება.

კომპანია LG Electronics-მა რუსეთში ყველა სახის საქონლის მიწოდება 2022 წლის მარტში შეაჩერა. თუმცა, როგორც რუსული მედია იუწყება, კომპანიის მიერ რუსეთში დარეგისტრირებული იურიდიული პირი მუშაობას მაინც განაგრძობდა. 2024 წელს მისი შემოსავალი 2023 წელთან შედარებით 13%-ით გაიზარდა, ხოლო სუფთა მოგება 22%-ით შემცირდა.