„შტურმმა“ ავსტრიის ჩემპიონატი ზედიზედ მეორედ მოიგო, კიტეიშვილი სეზონის საუკეთესო ფეხბურთელად დასახელდა

ზედიზედ მეორედ, გრაცის „შტურმი“, რომელშიც ოთარ კიტეიშვილი თამაშობს, ავსტრიის ჩემპიონი გახდა. ბუნდესლიგის ბოლო ტურში გრაცელები უშუალო კონკურენტ „ვოლფსბერგერს“ შეხვდნენ და მატჩი 1-1 დასრულდა.

საქართველოს ნაკრების წევრმა შეუცვლელად ითამაშა, ხოლო მეტოქე გუნდის რიგებში სანდრო ალთუნაშვილი იყო. კიტეიშვილმა 2024-2025 წლების სეზონში 32 მატჩში 12 გოლი და 5 საგოლე პასი მიითვალა. ის სეზონის საუკეთესო ფეხბურთელად ზედიზედ მეორედ დაასახელეს.

კიტეიშვილმა ავსტრიულ კლუბში მეოთხე ტიტული მოიგო. ქართველის გუნდი მომავალ წელსაც ჩემპიონთა ლიგაზე ითამაშებს.