„პსჟ“ „ბაიერნთან“ საპასუხო შეხვედრას დღეს გამართავს

ხვიჩა კვარაცხელიას „პსჟ“ დღეს ჩემპიონთა ლიგის ფინალში გასასვლელად მიუნხენის „ბაიერნთან“ საპასუხო შეხვედრას გამართავს. მატჩი „ალიანც არენაზე“ თბილისის დროით 23:00 დაიწყება. გუნდების პირველი დაპირისპირება პარიზელთა გამარჯვებით, ანგარიშით 5:4 დასრულდა. კვარაცხელიამ იმ თამაშში დუბლი შეასრულა.

პირველი ნახევარფინალის გამარჯვებული კი „არსენალი“ გახდა, რომელმაც საკუთარ მოედანზე საპასუხო შეხვედრაში „ატლეტიკო“ ანგარიშით 1:0 დაამარცხა და ფინალში გავიდა.

ჩემპიონთა ლიგის წლევანდელი ფინალი 30 მაისს, ბუდაპეშტში გაიმართება.