ოფიციალურად: გიორგი გველესიანი ირანის სეპაჰანის ფეხბურთელია

გიორგი გველესიანი, რომელიც საკმაოდ დიდი ხანი უგუნდოდ იყო, ირანში დაბრუნდა და კვლავ „სეპაჰანში“ ითამაშებს – ინფორმაციას კლუბის პრესსამსახური ავრცელებს.

საქართველოს ნაკრების 34 წლის ცენტრალური მცველი „სეპაჰანში“ 2019-2022 წლებში თამაშობდა და 77 შეხვედრაში 10 გოლი გაიტანა. მერე კი „პრესეპოლისში“ გადავიდა, სადაც გასულ სეზონში ირანის ჩემპიონატის საუკეთესო მცველად დაასახელეს.

„ბედნიერი ვარ „სეპაჰანში“ დაბრუნებით, სადაც სამი მშვენიერი სეზონი გავატარე. ჩემი მიზანია, ჩემპიონის ტიტულის მოსაპოვებლად მაქსიმუმი გააკეთო“, – განაცხადა გიორგი გველსიანმა.

გველესიანი 2022 წლიდან „პერსეპოლისის“ ღირსებას იცავდა. ამ გუნდის მაისურით ჩატარებულ 100 მატჩში 20 გოლი გაიტანა და კლუბის ისტორიაში ყველაზე შედეგიანი ლეგიონერი გახდა. კარიერა „დინამო თბილისში“ დაიწყო, ასევე უთამაშია „ზობ აჰანსა“ და „ნასაჯიში“.

2024 წლიდან საქართველოს ნაკრების წევრია, რომლის შემადგენლობაშიც ევრო 2024-ზე ითამაშა.