ხვიჩა კვარაცხელიას „მანჩესტერ სიტი“ აკვირდება - „დეილი მეილი“

ინგლისური გამოცემა „დეილი მეილი“ ამტკიცებს, რომ „მანჩესტერ სიტი“ „ნაპოლის“ ახალგაზრდა თავდამსხმელს, ხვიჩა კვარაცხელიას აკვირდება.

„ხვიჩა კვარაცხელია „მანჩესტერ სიტის“ ყურადღების ცენტრში შესანიშნავი თამაშების შემდეგ მოექცა. ქართველი ამ სეზონზე სერია A-ში ერთ-ერთი გამორჩეულია. მას „ნაპოლი“ დიეგო მარადონას შემდეგ პირველ „სკუდეტომდე“ მიჰყავს.

შემტევი ტალანტებით სავსე გუნდში, ასევე იტალიურ ლიგაში და ჩემპიონთა ლიგაში, კვარაცხელია გამოირჩევა უშიშარი თამაშითა და ბურთთან მომხიბლავი დამოკიდებულებით. ნეაპოლელმა გულშემატკივრებმა მას მეტსახელად „კვარადონა“ შეარქვეს, 21 წლის ფეხბურთელს 7 გოლი და 7 საგოლე გადაცემა აქვს ჩაწერილი ლიგის 15 მატჩში, მათ შორის სამი პარასკევს, „იუვენტუსთან“ მატჩში – 5:1, რამაც „ნაპოლის“ სერია A-ში ლიდერობა განუმტკიცა.