ტურისტმა სპილოს ხორთუმში ლუდი ჩაასხა - ფაქტზე გამოძიება დაიწყო

კენიაში სკანდალი მოჰყვა სოციალურ ქსელებში  გავრცელებულ ვიდეოს, სადაც ესპანელი ტურისტი სპილოს ხორთუმში ალკოჰოლს ასხამს. კადრები Ol Jogi-ს დაცულ ტერიტორიაზეა გადაღებული და როგორც BBC ადასტურებს, ავთენტურია.

ვიდეოს ავტორმა ინსტაგრამზე ირონიული წარწერა დაურთო: „Just a tusker with a tusked friend“ („უბრალოდ ლუდი სპილოსთან ერთად“), თუმცა ეს ქმედება საზოგადოების მკაცრი კრიტიკის საგანი გახდა.

Ol Jogi-ს წარმომადგენელმა განაცხადა, რომ ასეთი შემთხვევა დაუშვებელია: „ჩვენ ვახორციელებთ კონსერვაციას და არასდროს ვაძლევთ ტურისტებს უფლებას ცხოველებთან ასე ახლოს მივიდნენ,“ – აღნიშნა თანამშრომელმა.

კენიის ველური ბუნების სამსახურმა (KWS) უკვე დაიწყო გამოძიება. ორგანიზაციის სპიკერის, პოლ უდოტოს თქმით, ფაქტი სერიოზულად განიხილება და შესაბამისი ზომები მიიღება.

სპეციალისტები ტურისტის ქცევას „უპასუხისმგებლოს“ და „საშიშს“ უწოდებენ, რადგან მსგავსი საქციელი საფრთხეს უქმნის როგორც ცხოველებს, ისე ადამიანებს.