ტრაგედია გადასაღებ მოედანზე - სერიალის „კანონი და წესრიგის“ გადაღებისას ადამიანი მოკლეს

ნიუ-იორკში, სერიალის „კანონი და წესრიგი: ორგანიზებული დანაშაული“ გადასაღებ მოედანზე გადამღები ჯგუფის ერთ-ერთი წევრი მოკლეს. ამის შესახებ New York Post-ი წერს.

გადაღება ბრუკლინში, დაახლოებით დილის 5:00 საათზე მიმდინარეობდა. 31 წლის კაცი გაჩერებული ავტომობილის საჭესთან იჯდა, როდესაც უცნობმა პირმა მანქანის კარი გააღო და ცეცხლი გახსნა. თვითმხილველების განცხადებით, სროლას წინ არ უძღოდა კამათი ან ჩხუბი.

სახისა და ყელის არეში მიყენებული ჭრილობების შემდეგ სერიალის გადამღები ჯგუფის წევრი გარდაიცვალა. თავდამსხმელი გაიქცა, მას პოლიცია ეძებს.