"შეძრული ვართ ამ ტრაგედიით...ორი დღის წინ დაბადების დღე ჰქონდა" - 32 წლის მამაკაცი მოულოდნელად გარდაიცვალა

სენაკის მუნიციპალიტეტ სოფელ ლეძაძამეში ახალგაზრდა მამაკაცი მოულოდნელად გარდაიცვალა.
იგი 32 წლის რევაზ სიგუაა.

ადგილობრივების თქმით, ახალგაზრდა მამაკაცის გარდაცვალების მიზეზი, სავარაუდოდ, თრომბია.

„შეძრული ვართ ამ ტრაგედიით, სიცოცხლით სავსე ვაჟკაცი, ჩვენი რევაზი დაიღუპა….საშინელებაა.. ორი დღის წინ დაბადების დღე გადაიხადა, 32 წლის გახდა და ახლა, მოულოდნელად გავიგეთ ეს თავზარდამცემი ამბავი. სასწრაფო დახმარების ბრიგადა დროულად მოვიდა, მაგრამ, სამწუხაროდ, ვერ მოხერხდა მისი გადარჩენა”,-ამბობენ ადგილობრივები.გარდაცვლილს მეუღლე და ერთი შვილი დარჩა.