როგორია მეორე ბავშვის მდგომარეობა, რომელსაც ვაკის პარკში დენმა დაარტყა

ექიმის ინფორმაციით, ვაკის პარკში დაშავებული ბავშვი „ნიუ ჰოსპიტალშია“ გადაყვანილი და მართვით სუნთქვაზე იმყოფება. როგორც ექიმმა განაცხადა, პაციენტი ინტენსიური თერაპიის განყოფილებაშია მოთავსებული.

„ამ ეტაპზე, სასიცოცხლო ფუნქციები ნორმის ფარგლებშია. სხვადასხვა მიმართულებით კვლევა მიმდინარეობს და ვიმედოვნებთ, რომ ყველაფერი კარგად იქნება.

თუმცა, არსებობს გარკვეული ტიპის გართულებები, რომლებიც ვიცით და მზად ვართ, ამ გართულებასთან ბრძოლისთვის, არ ვიცით, რა იქნება მომავალში.

ბავშვი ფილტვის ხელოვნურ ვენტილაციაზეა. არის გონებადაბინდული,“ - ამბობს „ნიუ ჰოსპიტალის“ ექიმი.