სტიქია ამბროლაურში - დაზიანებულია გზები, ელექტრო გადამცემი ბოძები, დატბორილია ეზოები და ნაკვეთები

სტიქია ამბროლაურში - უხვი ნალექისა და ძლიერი ქარის შედეგად, რამდენიმე სოფელი დაზარალდა.

დაზიანებულია გზები, ელექტრო გადამცემი ბოძები, დატბორილია ეზოები და ნაკვეთები, საცხოვრებელი სახლების ნაწილს გადახდილი აქვს სახურავები.

სტიქიით დაზარალებულ სოფლებში ადგილობრივი ხელისუფლება ჩავიდა. სტიქიის ზონებში მობილიზებულია ტექნიკა და ინტენსიურ რეჟიმში მიმდინარეობს გაწმენდითი სამუშაოები. დილიდან შექმნილია სტიქიის დამთვლელი კომისია და ხდება ზარალის ზუსტი აღრიცხვა.