სოხუმის დაცემის დღესთან დაკავშირებით რუხში მდუმარე აქცია გაიმართა

ზუგდიდში, საოკუპაციო ხაზთან მდებარე სოფელ რუხში, სოხუმის დაცემის დღე სიმბოლური შეკრებით  ადგილობრივი ხელისუფლების წარმომადგენლებმა ახალგაზრდებთან ერთად გაიხსენეს.

მდუმარე აქციაზე, სანთლებით ,,ჩავჭიდოთ ერთმანეთს ხელები” დაწერეს. აქციას სახელმწიფო რწმუნებულის მოადგილეები, ზუგდიდის მერთან ერთად ესწრებოდნენ.

ზუგდიდის მერის, მამუკა წოწერიას განცხადებით, აფხაზი დებისა და ძმებისთვის, შეკრებილების მთავარი გზავნილი, ერთად, მშვიდობიან საქართველოში ცხოვრებაა.

1993 წლის 27 სექტემბერს სოხუმი დაეცა. ამ დღიდან კი 29 წელი გავიდა.