„საზოგადოებამ მასწავლა საკუთარი თავის სიყვარული... როგორ შეიძლება, რომ ვინმემ დადებითად არ მიმიღოს?” - ნათელა ღლონტი

რატომ იჩენს საზოგადოება აგრესიას ჭარბწონიანების მიმართ? - ამ საკითხზე, „რუსთავი 2“-ის გადაცემაში „ღამის პრაიმ-თაიმში“ იმსჯელეს. 

ერთ-ერთი სტუმრის, ნათელა ღლონტის თქმით, მას მისი გარეგნობა მოსწონს და საკუთარი თავიც უყვარს ისეთი, როგორიც არის. 

„როდესაც ვიდეოების ჩაწერა დავიწყე ტიკტოკზე მაშინ მივხვდი, რომ თურმე საზოგადოებისთვის ჩემი წონა პრობლემა ყოფილა. მე საზოგადოებამ მასწავლა საკუთარი თავის სიყვარული. როგორ შეიძლება, რომ ვინმემ დადებითად არ მიმიღოს, მე ასე ვფიქრობ“,- ამბობს ნათელა ღლონტი.