როგორი ამინდია მოსალოდნელი დღეს საქართველოში

23 ოქტომბერს საქართველოში დროგამოშვებით ღრუბლიანობის მომატებაა მოსალოდნელი.

დასავლეთ საქართველოში უმეტესად უნალექო ამინდი იქნება, აღმოსავლეთ საქართველოში კი ზოგან ხანმოკლე წვიმა და ელჭექია მოსალოდნელი. იქროლებს აღმოსავლეთის მიმართულების ზომიერი ქარი. ინფორმაციას გარემოს ეროვნული სააგენტო ავრცელებს. 

დედაქალაქში დღისით ჰაერი დაახლოებით +20, +21 გრადუსამდე გათბება. დღის პირველ ნახევარში უმეტესად მზიანი ამინდია მოსალოდნელი, საღამოს კი ღრუბლიანობა მოიმატებს.

აღმოსავლეთ საქართველოში მოსალოდნელი ხანმოკლე წვიმისა და ელჭექის გამო მოსახლეობას ამინდის ცვლილების გათვალისწინება მართებს.