იტალიიდან 27 წლის ქართველი გააძევეს – აეროპორტში ის პოლიციის ესკორტით მიიყვანეს | დეტალები

საქართველოსა და ალბანეთის მოქალაქეები იტალიაში ტურისტული მიზნით კანონიერად ჩავიდნენ, თუმცა ქვეყანაში დარჩენის ნებადართული ვადის გასვლის შემდეგ იტალია არ დატოვეს და იქ არალეგალურად დარჩნენ.

მატერას სახელმწიფო პოლიციამ 27 წლის საქართველოსა და 21 წლის ალბანეთის მოქალაქეები სამშობლოში დააბრუნა. 

მატერას პრეფექტის მიერ მიღებული გაძევების გადაწყვეტილებების საფუძველზე, 21 წლის ალბანეთის მოქალაქე ესკორტის თანხლებით დურესის პორტში გადაიყვანეს, ხოლო 27 წლის ქართველი რომის ფიუმიჩინოს აეროპორტიდან საქართველოს მიმართულებით მიმავალ რეისზე დასვეს.

სამშობლოში დაბრუნების ოპერაციები მატერას პოლიციის სამმართველოს საიმიგრაციო სამსახურის თანამშრომლებმა, სახელმწიფო პოლიციის სპეციალიზებული ესკორტის მონაწილეობით განახორციელეს.