ოკუპირებულ აფხაზეთში ელექტროენერგიის მოხმარებაზე შეზღუდვები ამოქმედდება

ოკუპირებულ აფხაზეთში ხვალიდან, ელექტროენერგიის მოხმარებაზე შეზღუდვები ამოქმედდება. ამის შესახებ კომპანია „ჩერნომორენერგო" იტყობინება.

მათი ცნობით, შეზღუდვების დაწესების მიზეზი 30 მილიონ კილოვატ/საათზე მეტი ელექტროენერგიის მოხმარება და შექმნილი დეფიციტია.

ახალი გრაფიკის მიხედვით, 2-2 საათიანი შეზღუდვები იქნება როგორც დღის, ისე ღამის პერიოდში.

აფხაზეთში წლებია ელექტროენერგიის პრობლემაა.

რეგიონი შუქით „ენგურჰესიდან" მარაგდება. ჰესის მიერ გამომუშავებული ელექტროენერგიის მეტი წილი სწორედ ოკუპირებულ რეგიონს ხმარდება. თუმცა, წელიწადის ამ დროს, "ენგურჰესზე" წყლის დონე იკლებს და გარკვეული პერიოდი, ოკუპირებულ რეგიონს ელექტროენერგიას სწორედ რუსეთი აწვდის.