მომდევნო კვირიდან თბილისის ბაგა-ბაღები უკრაინის მოქალაქე ბავშვებს მიიღებენ

თბილისის მერის განცხადებით, საქართველოში ჩარჩენელი უკრაინის მოქალაქეები ბაგა-ბაღებში შვილების მიყვანას ჩვეულებრივად შეძლებენ.

კახა კალაძის განმარტებით, ეს გადაწყვეტილება თბილისის საკრებულოსთან ერთად მიიღეს.

„მათ შეუძლიათ პატარები იქ ყოველგვარი გადასახადის გარეშე მიიყვანონ. ვფიქრობ, ეს ძალიან კარგი და მნიშვნელოვანია. ჩვენ რა თქმა უნდა გვერდში დავუდგებით ამ ოჯახებს მანამ, სანამ ამის საჭიროება იქნება და ვიდრე მშვიდობა არ დაისადგურებს უკრაინაში“, - განაცხადა კახა კალაძემ.