ლიკანში ბაგის ტიპის ავტომობილების მფლობელები მეხანძრე-მაშველებს ხანძრის კერამდე მიყვანას სთავაზობენ

ლიკანში, სადაც ცოტა ხნის წინ, ტყეში ხანძარი გაჩნდა, 15-მდე ბაგის ტიპის ავტომობილია მობილიზებული. ამის შესახებ ინფორმაციას, ადგილობრივი ტელევიზია  „ბორჯომი“ ავრცელებს.

მათი ცნობით, ავტომობილების მფლობელები ადგილობრივები არიან, რომლებმაც საკუთარი ინიციატივით გამოთქვეს სურვილი, რათა ხანძრის კერამდე მაშველები ავტომობილებით მიეყვანათ.

ცნობისთვის, ლიკანში ხანძარი ბორჯომ-ხარაგაულის ეროვნული პარკის ტერიტორიაზე გაჩნდა.

როგორც საგანგებო სიტუაციების მართვის სამსახურში „პრაიმტაიმს“ განუცხადეს  ხანძრის სალიკვიდაციო სამუშაოებში ვერტმფრენიც ჩაერთო.