ლაშა ტალახაძე ევროპის ჩემპიონატზე რიგით მეექვსე ოქროს მედლის მოსაპოვებლად იასპარეზებს

28 მაისიდან 5 ივნისის ჩათვლით, ტირანა ძალოსანთა ევროპის ჩემპიონატს უმასპინძლებს. ჩვენი გუნდი ალბანეთის დედაქალაქში 14 სპორტსმენით გაემგზავრა, საიდანაც 10 იასპარეზებს, 4 ძალოსანი კი სარეზერვო სიაშია.

კონტინენტის პირველობაზე რიგით მეექვსე ოქროს მედლის მოპოვებას შეეცდება პლანეტის უძლიერესი ათლეტი ლაშა ტალახაძე. 28 წლის ქართველ ძალოსანს მცირე ტრავმა აწუხებს, თუმცა კონტინენტის პირველობის დაწყებამდე, ის სრულ მზადყოფნაში იქნება.