ფოთში პოლიციამ დედა დააკავა, რომელმაც ახალშობილი საკანალიზაციო მილში დატოვა

ფოთში პოლიციამ დედა დააკავა, რომელმაც ახალშობილი საკანალიზაციო მილში დატოვა.

ჩვილი გარდაცვლილი გუშინ ნახეს.

არსებული ინფორმაციით, ქალმა უკვე მისცა აღიარებითი ჩვენება და ის ამ წუთებში ფოთის პოლიციის განყოფილებაში იკითხება.

კორპუსის ბინადრებმა ბავშვის ცხედარი მას შემდეგ იპოვეს, რაც მილი გაიჭედა და მეზობლები მის გაწმენდას ცდილობდნენ.

შსს-მ მომხდარზე გამოძიება სისხლის სამართლის კოდექსის 112-ე მუხლით დაიწყო.