Facebook-ს ახალ სქემას ტესტავს - რა შეიძლება გახდეს ფასიანი

Meta, ფეისბუკის შემქმნელი კომპანია ახალ სქემას ტესტავს, რომლის თანახმად, ზოგიერთი მომხმარებლისთვის Facebook-ზე ბმულების გაზიარება ფასიანია.

კრეატორებმა Meta-სგან შეტყობინება მიიღეს, რომელიც ამბობს: "Meta Verified-ის არმქონე ზოგიერთი ფეისბუკპროფილი, მათ შორის შენიც, თვეში მხოლოდ ორ ორგანულ პოსტში შეძლებს ბმულების გაზიარებას".

დაუზუსტებელია, რამდენ კრეატორსა თუ გვერდზე ამოქმედდა ეს შეზღუდვა, თუმცა ცნობილია, რომ ტესტირება "პროფესიონალური რეჟიმის" მქონე პროფილებზე მიმდინარეობს.