ძლიერმა წვიმამ საგურამოში პრობლემები შექმნა - დატბორილია საცხოვრებელი სახლები, განადგურებულია ნათესები

საგურამოში, სტიქიის შედეგად დაზიანებული გზებისა და სახლების გაწმენდითი სამუშაოები გვიან ღამემდე გაგრძელდა.​ განმეორებითმა ძლიერმა წვიმამ, მოსახლეობის დიდი ნაწილი დააზარალა. დატბორილია საცხოვრებელი სახლების პირველი სართულები, განადგურებულია ნათესები.

როგორც ადგილობრივ ხელისუფლებაში აცხადებენ, ზარალის დათვლის შემდეგ, მოსახლეობას მაქსიმალურად დაეხმარებიან.

მერიაში სტიქიის შედეგად მიყენები ზარალის შემსწავლელი კომისია უკვე შეიქმნა.