„ნაციონალური მოძრაობის“ მარტვილის ორგანიზაციის თავმჯდომარე ზაალ გოროზია დააკავეს

სამართალდამცველებმა, ცოლზე  ძალადობის ბრალდებით, „ერთიანი ნაციონალური მოძრაობის“ მარტვილის ორგანიზაციის თავმჯდომარე და მარტვილის საკრებულოს წევრი ზაალ გოროზია დააკავეს. წყაროს მიერ მოწოდებული ინფორმაციით სამართალდამცველებს, სწორედ ზაალ გოროზიას მეუღლემ მიმართა.

დაუზუსტებელი ინფორმაციით, ძალადობაში, სავარაუდოდ, ბრალდებულის შვილიც მონაწილეობდა.

ზაალ გოროზია სამეგრელო-ზემო სვანეთის ყოფილი გუბერნატორის ზაზა გოროზიას ძმაა.