"ჰექსოგენის" საქმეზე ორი პირის დაკავებისთანავე, საგარეო საქმეთა სამინისტრომ დაუყოვნებლივ აცნობა უკრაინის საელჩოს წარმომადგენელს, რომელსაც ოფიციალური გზავნილის მიღება დადასტურებული აქვს - სუს-ი უკრაინის საელჩოს პასუხობს

სახელმწიფო უსაფრთხოების სამსახური "ჰექსოგენის" საქმესთან დაკავშირებით, საქართველოში უკრაინის საელჩოს განცხადებას პასუხობს“

„მიუხედავად იმისა, რომ საქმეში ერთ-ერთი მოწმე პირდაპირ მიუთითებს უკრაინის სპეცსამსახურებზე, როგორც დანაშაულის შემკვეთზე, აღნიშნული ორი პირის დაკავებისთანავე, ჯერ კიდევ იმ ეტაპზე, როცა გამოძიება მხოლოდ ერთი მუხლით იყო დაწყებული, კანონით დადგენილი წესით ეცნობა საგარეო საქმეთა სამინისტროს, რომელმაც, როგორც ჩვენთვის ცნობილია, ასევე, დაუყოვნებლივ აცნობა უკრაინის საელჩოს წარმომადგენელს, კერძოდ, ანდრი ბილიკს. ამ უკანასკნელს დადასტურებული აქვს შესაბამისი ოფიციალური გზავნილის მიღებაც“, - ამის შესახებ „რუსთავი 2-ს“ სახელმწიფო უსაფრთხოების სამსახურში განუცხადეს.