გიორგი მარგველაშვილის სიძე სასამართლო დარბაზიდან გირაოს სანაცვლოდ გაათავისუფლეს

გიორგი მარგველაშვილის სიძე, სოსო ყიფშიძე სასამართლო დარბაზიდან გაათავისუფლეს. - ინფორმაციას „ტვ პირველი ავრცელებს“

ადვოკატებმა სოსო ყიფშიძის გირაოს სანაცვლოდ გათავისუფლების შუმდგომლობით მიმართეს მოსამართლეს. მოსამართლემ შუამდგომლობა დააკმაყოფილა და ბრალდებული დარბაზიდან 20 000 ლარიანი გირაოს სანაცვლოდ გაათავისუფლა.

„დასტურდება ბრალდებულის უდანაშაულობა, ხოლო ბრალდების მხარე ძირითადად ეყრდნობა დაზარაებულთა ჩვენებებს იმ ადამიანთა ჩვენებებს, რომლებმაც სხვადასხვა დაზიანებები მიაყენეს ბრალდებულს. ბრალდებული იძულებული იყო დაეცვა საკუთარი ჯანმრთელობა. კონფლიქტი ამოწურულია არ არსებობს ახალი დანაშაულის ჩადენის საფრთხე", - ამბობს ტარიელ კაკაბაძე.