ზურაბ ჯაფარიძეს შეუძლია, დადგას პერფორმანსები, აზომოს პარლამენტი, კანცელარია, გაზომოს ყველაფერი, იმღეროს - ხატია დეკანოიძე

ფრაქცია „ნაციონალური მოძრაობის“ თავმჯდომარე, ხატია დეკანოიძე აცხადებს, რომ „გირჩი-მეტი თავისუფლების“ ლიდერს აქვს უფლება, დადგას ნებისმიერი პერფორმანსი, მიუხედავად იმისა, შეცვლის თუ არა ისინი რაიმეს.

„მას შეუძლია, დადგას ეს პერფორმანსები, აზომოს პარლამენტი, კანცელარია, გაზომოს ყველაფერი, იმღეროს... ჩვენ ერთიან პოზიციაზე უნდა ვიფიქროთ, როგორ უნდა მოვიმხროთ იმ ადამიანების უმრავლესობა, ვისაც უნდა ევროპა, არ უნდა „ქართული ოცნება“, მაგრამ ჯერჯერობით არის მერყევი“,- განაცხადა დეკანოიძემ.

22 აგვისტოს, „გირჩი-მეტი თავისუფლების“ ლიდერმა ზურაბ ჯაფარიძემ პარლამენტის შენობა და მიმდებარე ტერიტორია აზომა.