შალვა პაპუაშვილი - უკრაინის ტერიტორიების „დამოუკიდებელ სახელმწიფოებად“ აღიარება საერთაშორისო სამართლის აშკარა დარღვევაა - საქართველო სოლიდარობას უცხადებს უკრაინას

საქართველოს პარლამენტის თავმჯდომარე შალვა პაპუაშვილი რუსეთის მიერ ე.წ დონეცკისა და ლუგანსკის ე.წ. "სახალხო რესპუბლიკების დამოუკიდებლობის" აღიარებას ტვიტერზე ეხმაურება.

„უკრაინის ტერიტორიების „დამოუკიდებელ სახელმწიფოებად“ აღიარება საერთაშორისო სამართლის აშკარა დარღვევაა. საქართველო სოლიდარობას უცხადებს უკრაინას. საერთაშორისო თანამეგობრობისგან კრიტიკულად მნიშვნელოვანია იმოქმედონ გადამწყვეტად ომის თავიდან აცილებისა და საერთაშორისო სამართლის ფუნდამენტური პრინციპების დასაცავად", - წერს პაპუაშვილი.