1747990817
ნატო-ს საპარლამენტო ასამბლეის საგაზაფხულო სესიის ფარგლებში, რომელიც აშშ-ის ოჰაიოს შტატის ქალაქ დეიტონში იმართება,
საქართველოს პარლამენტის მუდმივმოქმედმა დელეგაციამ გივი მიქანაძის ხელმძღვანელობით უნგრეთის საპარლამენტო დელეგაციასთან შეხვედრა გამართა.
შეხვედრაზე მხარეებმა ორმხრივი საპარლამენტო თანამშრომლობის გაღრმავებისა და გაფართოების შესაძლებლობები, ევრო-ატლანტიკურ სივრცეში არსებული უსაფრთხოების გამოწვევები განიხილეს.
განსაკუთრებული ყურადღება დაეთმო საქართველოს ევროპულ და ევროატლანტიკურ ინსტიტუტებში ინტეგრაციის კუთხით მიღწეულ პროგრესს.
„საქართველოსთვის უნგრეთი მნიშვნელოვანი პარტნიორია ევრო-ატლანტიკურ ინტეგრაციის პროცესში“,- აღნიშნა საქართველოს დელეგაციის ხელმძღვანელმა გივი მიქანაძემ.
შეხვედრაში მონაწილეობდნენ ნატო-ს საპარლამენტო ასამბლეაში საქართველოს დელეგაციის წევრები: ევროპასთან ინტეგრაციის კომიტეტის თავმჯდომარე ლევან მახაშვილი და საგარეო ურთიერთობათა კომიტეტის თავმჯდომარის პირველი მოადგილე მარიამ ლაშხი.
