როგორ უნდა ჩაატაროთ მთვარის წყლის რიტუალი - ეზოთერიკოსის რჩევა

ეზოთერიკოსი და მინეროლოგი თამუნა იოსელიანი 17 მაისის ახალმთვარეობასთან დაკავშირებით გამომწერებს რჩევას აძლევს.

„კვირას, 04:44-დან იწყება საოცარი 2-ე მთვარის დღე, რომელიც ორშაბათს, 05:19 საათზე დასრულდება.
  დღის სიმბოლო — სიუხვის რქა.
  დღის კრისტალი: მთის ბროლი (Clear Quartz) — სიცხადისა და განწმენდის სიმბოლო . 
რატომ არის მთის ბროლი დღევანდელი დღის საუკეთესო მეგზური?
  აზრების სიმკვეთრე: ის აკავშირებს გონებასა და სულს, გვეხმარება მენტალური ბლოკების მოხსნაში, ფანტავს დაბნეულობას და სამყაროს რეალურად დანახვის ძალას გვაძლევს .
  ენერგიის გაძლიერება: მთის ბროლი ცნობილია, როგორც ბუნებრივი ამპლიფიკატორი — ის ათასკეცად ზრდის ჩვენს პოზიტიურ ზრახვებს და წმენდს დაგროვილ ნეგატივს.
  ახალი დასაწყისი: კვირა დღე იდეალური დროა ახალი კვირის დასაგეგმად. ეს კრისტალი არ გთხოვს, რომ მთელი თვის გეგმა წინასწარ გქონდეს მზად, ის უბრალოდ გეხმარება მშვიდად გაათავისუფლო ადგილი იმ სიახლეებისთვის, რის მისაღებადაც მზად ხარ.
დღე არის სამყაროს ძალის, გულუხვობისა და სიკეთის ენერგიით სავსე დღე. რაც მეტ სინათლეს, ყურადღებასა და სიკეთეს გასცემთ — მით მეტს დაგიბრუნებთ სამყარო.
დღე იდეალურია იმისთვის, რომ დაიწყოთ იმის განხორციელება, რაც ახალმთვარეობაზე ჩაიფიქრეთ. სწორედ ახლა იგზავნება მომავალი თვის მთავარი შესაძლებლობები, იდეები და გზები.
დღე აქტიურად გაატარეთ — თუნდაც მხოლოდ სახლის საქმეებით იყოთ დაკავებული. მოძრაობა, მოქმედება და ენერგიის გაცვლა დღეს განსაკუთრებით მნიშვნელოვანია.
  გადაარჩიეთ გარდერობი, გააჩუქეთ ნივთები, გაუკეთეთ პატარა საჩუქრები ახლობლებს და საკუთარ თავსაც. როცა სივრცეს ათავისუფლებთ, ახალ ენერგიას ეპატიჟებით.
  ხელსაყრელია:
• ახალი საქმეების დაწყება
• სწავლა და თვითგანვითარება
• შემეცნებითი პროცესები
• ახალი სავარჯიშო რეჟიმის დაწყება
  ინტუიცია მკაფიოდ მიგანიშნებთ, ვინ და რა არის თქვენთვის სასარგებლო — იქნება ეს ურთიერთობა, გარემო თუ საკვები. რაც შინაგან დისკომფორტს იწვევს, მშვიდად გაუშვით.
  კვირა — მზის დღეა.
ეს არის კვირის ყველაზე სულიერი ენერგიის დღე, ამიტომ ეცადეთ ნაკლებად ჩაიძიროთ მატერიალურ ფიქრებში და მეტი დრო დაუთმოთ შინაგან სიმშვიდეს.
  დღის ფერები: წითელი და ოქროსფერი.
  2-ე მთვარის დღის ფერები: ზაფრანისფერი, თაფლისფერი, ქარვისფერი და ნარინჯისფერი.
  ჯანმრთელობა - მიაქციეთ ყურადღება პირის ღრუსა და კბილებს. სასარგებლოა შუბლისა და ჰაიმორის ღრუების გაწმენდა.
  კვება - მიირთვით ის, რაც სიამოვნებას განიჭებთ, თუმცა უმჯობესია ცხოველური საკვების შემცირება. კარგია მსუბუქი და განმტვირთავი კვება.
  ურთიერთობები - ეს დღე ერთ-ერთი საუკეთესოა სიყვარულისთვის, პაემნებისთვისა და ურთიერთობების გასაძლიერებლად. არ დაივიწყოთ თბილი სიტყვები, ყურადღება და პატარა საჩუქრები.
კარგია ჩასახვისთვისაც — ითვლება, რომ ამ ენერგიაზე ჩასახული ბავშვი ნიჭიერი, წარმატებული და ძლიერი ინტუიციის მატარებელი იქნება.
  მოგზაურობები სჯობს გადადოთ.
  სიზმრები - სიზმრებმა შეიძლება კარმული მინიშნებები მოგიტანოთ. ჩაიწერეთ ყველაფერი, რაც დაგამახსოვრდებათ — ეს მთელი მთვარის თვის განმავლობაში მნიშვნელოვან პასუხებს მოგცემთ.
  სამუშაო - დღე ხელსაყრელია თითქმის ყველა საქმისთვის, რამდენადაც კვირა ამის საშუალებას მოგცემთ.
  დღის არომათერაპია — ჟასმინი
ჟასმინის არომატი იცავს უცხო ენერგიებისგან, აძლიერებს თავდაჯერებას, ამშვიდებს შფოთვას და აღადგენს აურის სიმკვრივეს.
  გააგრძელეთ ახალმთვარეობის რიტუალები — ენერგიები ახლა განსაკუთრებით ძლიერად მუშაობს.
  ახალმთვარეობის რიტუალები
  რჩევა დღისთვის: თუ გაქვს მთის ბროლის კრისტალი, დაიჭირე ხელში, დახუჭე თვალები და ჩამოაყალიბე შენი მომდევნო კვირის მთავარი მიზანი. მიეცი საშუალება სამყაროს, უპასუხოს შენს სიცხადეს.  
  ფინანსური სტაბილურობის რიტუალი.
აიღეთ ფურცელი და ზედ დაწერეთ:
„ჩემი ახალი ფინანსური საყრდენი“.
შემდეგ უპასუხეთ 5 კითხვას:
• რისთვის ვარ უკვე მადლიერი ფინანსურად?
• სად ვკარგავ ენერგიას და ფულს?
• რის დალაგების დრო დადგა?
• რომელი შემოსავლის გაძლიერება მინდა უახლოეს თვეში?
• რა კონკრეტულ ნაბიჯს გადავდგამ უკვე ამ კვირაში?
შემდეგ დაწერეთ განზრახვა:
„მე ვირჩევ სტაბილურ ზრდას.
მე მშვიდად, ღირსეულად და მადლიერებით ვიღებ ფულს.
ჩემი მოქმედებები ხდება გააზრებული, ზუსტი და შედეგიანი.
მე ვაძლიერებ საკუთარ ღირებულებას და ვხსნი სივრცეს კეთილდღეობისთვის.“
ფურცელი შეინახეთ დღიურში, საფულეში ან სამუშაო სივრცეში შემდეგ ახალმთვარეობამდე.
  მთვარის მონეტების რიტუალი:
• ღამით დადეთ მონეტები ფანჯრის რაფაზე.
• დატოვეთ ისე, რომ მთვარის შუქი ეცემოდეს.
• დილით შეინახეთ ისინი საფულეში, ცალკე ჯიბეში.
• მთელი თვე არ დახარჯოთ.
  ითვლება, რომ ეს მონეტები ფინანსურ ნაკადს იზიდავს.
  საფულის სიუხვის რიტუალი
• შეავსეთ საფულე კუპიურებითა და მონეტებით.
• ღამით გახსნილი დადეთ ფანჯრის რაფაზე.
• გაიმეორეთ ეს სავსემთვარეობამდე ყოველ ღამე.
  დარიჩინის ენერგიის რიტუალი
• სახლში არსებული ფული ერთად შეაგროვეთ.
• დააწვეთეთ დარიჩინის ეთერზეთი.
• მოათავსეთ ბალიშის ქვეშ.
• დილით სამჯერ გადათვალეთ.
  ეს რიტუალი კეთილდღეობის ენერგიის გაძლიერებას უკავშირდება.
  მთვარის წყლის რიტუალი
• ჩაასხით წყალი დოქში.
• დადგით ფანჯარასთან სავსემთვარეობამდე.
• სავსემთვარეობისას ამ წყლით დაიბანეთ.
• დარჩენილი წყალი მცენარეებს დაასხით.
  ანგელოზის ბარათი: არ დახარჯო საკუთარი თავი ფუჭად  
რთული ახალმთვარეობის შემდეგ, მიეცით თავს გადატვირთვის უფლება. გადადეთ ყველა საქმე, რისი გადადებაც შესაძლებელია. დღევანდელი დღის ენერგია მიმართეთ საკუთარი თავის აღდგენასა და ახალი სიახლეების აღმოჩენაზე — შეცვალეთ გარემო, დაინახეთ სამყარო სხვისი პოზიციიდან.
თუ გსურთ რაღაცის შეცვლა ან აფეთქება, დაწყნარდით. ეს მხოლოდ მთვარის გავლენაა. ყველაფერი თავისით დალაგდება, შედეგს კი შემოდგომაზე დაინახავთ. ნუ ეძებთ ლოგიკას ნეგატივში. დღეს უბრალოდ დაისვენეთ, მოუსმინეთ მუსიკას, დალიეთ ყავა და იპოვეთ სიმშვიდე.  

დაე, ამ ახალმთვარეობამ გაწმინდოს თქვენი გზა, გააძლიეროს თქვენი შინაგანი საფუძველი და გახსნას მშვიდი, ღირსეული და კურთხეული ზრდის ახალი ციკლი...“ - წერს თამუნა იოსელიანი.