"გილოცავ ძმა, გთვლი ჩემს უახლოეს ადამიანად და ძალიან დიდი პოტენციალის მქონე პოლიტიკოსად" - სააკაშვილი ხაბეიშვილს

საქართველოს ყოფილი პრეზიდენტი მიხეილ სააკაშვილი ,,ერთიანი ნაციონალური მოძრაობის ახალ თავმჯდომარეს", ლევან ხაბეიშვილს არჩევნებში გამარჯვებას ულოცავს.

წერილს ხაბეიშვილი სოციალურ ქსელში ავრცელებს.

,,გილოცავ, ძმა.

გთვლი ჩემს უახლოეს ადამიანად და ძალიან დიდი პოტენციალის მქონე პოლიტიკოსად.

მე საქართველოში არ ვაპირებ არანაირ პოლიტიკურ საქმიანობას, მაგრამ შენ ყოველთვის დაგიჭერ უკრაინიდან და სხვა ადგილებიდან მხარს. გეხვევი", - აღნიშნულია სააკაშვილის წერილში.