VIDEO: სარვამარტო კონცერტზე სოსო პავლიაშვილი და დიანა ღურცკაია პუტინის მხარდამჭერ ვარსკვლავებთან ერთად მღერიან

8 მარტს კრემლში ტრადიციული საგაზაფხულო კონცერტი გაიმართა. ღონისძიებაზე პუტინის მხარდამჭერი ვარსკვლავები იყვნენ წარმოდგენილი, მათ შორის იყვნენ წარმოშობით ქართველები: სოსო პავლიაშვილი და დიანა ღურწკაია.

კონცერტი ტელეარხმა NTV.RU-მ 8 მარტის დილის ეთერში გაუშვა. ვიდეო YouTube-ზეც ხელმისაწვდომია.

აღსანიშნავია, რომ 2 დღით ადრე გამოქვეყნებულ აფიშაში კონცერტში სახელწოდებით „ვარსკვლავები საყვარელი ქალისთვის“ მონაწილეობა უნდა მიეღოთ ასევე „ა სტუდიოს“, რომლის სოლისტიც ქეთა თოფურიაა და თამარ გვერდწითელს. თუმცა, კადრებიდან ირკვევა, რომ ისინი სცენაზე არ მდგარან.