უკრაინულმა ძალებმა ქალაქი კუპიანსკი აიღეს

უკრაინულმა ძალებმა ქალაქი კუპიანსკი აიღეს, ისინი იზიუმისკენ მიიწევენ, ამის შესახებ ხარკოვის ოლქის საბჭოს თავმჯდომარის მრჩეველი ნატალია პოპოვა წერს.

"კუპიანსკი უკრაინაა, დიდება უკრაინის შეიარაღებულ ძალებს", - დაწერა მან Facebook-ზე.

პოპოვამ უკრაინელი ჯარისკაცების ფოტო გამოაქვეყნა, მებრძოლები კუპიანსკის საკრებულოს შენობასთან დგანან და ხელში უკრაინის დროშა უჭირავთ.