რუსული ჯარების მხრიდან დაბომბვის შედეგად, კიევის ჩრდილოეთით 2 წლის ბავშვი დაიღუპა, არიან დაჭრილებიც

ორი წლის ბავშვი დაიღუპა და ოთხი ადამიანი დაიჭრა მას შემდეგ, რაც რუსეთის ჯარებმა, კიევის ჩრდილოეთით, უკრაინული სოფელი ნოვი-პეტრივცი დაბომბეს, - ამის შესახებ ინფორმაციას გამოცემა Guardian-ი, რეგიონული პოლიციის განცხადებაზე დაყრდნობით ავრცელებს.

მათივე ინფორმაციით, ,,ფეისბუქზე" გამოქვეყნებულ განცხადებაში, პოლიციამ აღნიშნა, რომ რუსულმა ძალებმა, ვიშოროდის რაიონში, მძიმე არტილერია საცხოვრებელ სახლებს ესროლეს.

ამასთან, Guardian-ი წერს, რომ დღევანდელი თავდასხმის შედეგად, საცხოვრებელი კორპუსი დაინგრა და მეზობელი საცხოვრებელი კორპუსები დაზიანდა.