რთული სიტუაციაა მაგრამ ჩვენები იცავენ - აზოვის პოლკის მეთაური

 აზოვის პოლკის მეთაური, ლეიტენანტ პოლკოვნიკ დენის პროკოპენკო ვიდეო მიმართვას ავრცელებს და აზოვსტალის ქარხანაში შექმნილი ვითარების შესახებ საუბრობს.

პროკოპენკოს თქმით, უკვე მეორე დღეა მძიმე ბრძოლები მიმდინარეობს, მტერი ქარხანაში შევიდა.

„ უკვე მეორე დღეა, რაც მოწინააღმდეგე ქარხნის ტერიტორიაზე შემოიჭრა. მიდის სისხლისმღვრელი ბრძოლები.

მადლობას ვუხდი მთელ მსოფლიოს მარიუპოლის გარნიზონის მხარდაჭერისთვის. ჩვენი ჯარისკაცები ამას იმსახურებენ. სიტუაცია ურთულესიუა, მაგრამ ვაგრძელებ თავდაცვას “, - ამბობს ლეიტენანტ პოლკოვნიკ დენის პროკოპენკო.