პუტინმა უკრაინის წინააღმდეგ ომის ახალი ამოცანა დაასახელა. ყველა ამოცანა შესრულდება - პესკოვი

რუსეთის პრეზიდენტის პრესმდივანი, დიმიტრი პესკოვი აცხადებს, რომ მათი მთავარი ამოცანა „ნაციონალისტური ბატალიონებისგან“ გათავისუფლებაა. 

ამასთან, კრემლში ეჭვი არ ეპარებათ, რომ უკრაინაში „სპეციალური ოპერაციის“ ყველა ამოცანა შესრულებული იქნება. ამის შესახებ უცხოური მედია წერს. 

„მთავარი მაინც ამ „ნაციონალისტური ბატალიონებისგან“გათავისუფლებაა. ოპერაცია გრძელდება და დასახული ამოცანები კარგად ცნობილია. ისინი უნდა შესრულდეს და შესრულებული იქნება. არანაირი ეჭვი არ უნდა იყოს“, – განუცხადა პესკოვმა ჟურნალისტებს.