ჯენ პსაკი: უკრაინაში რუსეთის შეჭრის ფანჯარა ღია რჩება, შეტევა ნებისმიერ დროს შეიძლება დაიწყოს

უკრაინაში რუსეთის შეჭრის ფანჯარა ღია რჩება,- ამის შესახებ თეთრი სახლის ოფიციალურმა წარმომადგენელმა, ჯენ პსაკიმ განაცხადა.

ინფორმაციას CNN-ი ავრცელებს.

„ჩვენ ახლა იმ პერიოდში ვიმყოფებით, როდესაც ჩვენი აზრით, შეტევა ნებისმიერ დროს შეიძლება დაიწყოს“, - განაცხადა პსაკიმ.

თეთრი სახლის ოფიციალურმა წარმომადგენელმა ასევე ისაუბრა ჯარების გაყვანის შესახებ ოფიციალური მოსკოვის მიერ გაკეთებულ განცხადებებზე და აღნიშნა, რომ რუსეთის სიტყვებსა და ქმედებებს შორის განსხვავება არის.

შეგახსენებთ, რომ 15 თებერვალს, რუსეთის თავდაცვის სამინისტროს ოფიციალურმა წარმომადგენელმა, იგორ კონაშენკოვმა განაცხადა, რომ რუსეთის სამხრეთისა და დასავლეთის სამხედრო ოლქების ძალებმა მუდმივი დისლოცირების ადგილზე დაბრუნება დაიწყეს.