ეგვიპტეში რუსი ტურისტებით სავსე თვითმფრინავი დააკავეს

ეგვიპტურ შარმ ელ-შეიხში, უცხოელი მეიჯარის მოთხოვნით, დააკავეს Ural Airlines-ის თვითმფრინავი, რომელშიც რუსი ტურისტები იმყოფებოდნენ. ამის შესახებ უცხოური მედია წერს.

„მეიჯარემ წარუდგინა განცხადება ეგვიპტის საავიაციო ხელისუფლებას ამ თვითმფრინავის გაჩერების შესახებ.  Eurocontrol (ევროპული ორგანიზაცია საჰაერო ნავიგაციის უსაფრთხოებისთვის) არ გასცემს ნებართვას ფრენის ზონაში მათი დასაბრუნებლად“, - ნათქვამია განცხადებაში.

ურალის ავიახაზები 14 მარტიდან ეგვიპტეში ფრენის პროგრამას აჩერებს. შეზღუდვები მინიმუმ 2022 წლის 20 მაისამდე გაგრძელდება. ერთადერთი გამონაკლისი იქნება უცხო ქვეყნის მოქალაქეები, რომლებიც დაბრუნდებიან თავიანთ საცხოვრებელ ქვეყანაში.