დიდი ბრიტანეთი მზადაა, უკრაინის უსაფრთხოების გარანტორი იყოს

დიდი ბრიტანეთი მზადაა, უკრაინის უსაფრთხოების გარანტორი იყოს, ამის შესახებ გაეროში დიდი ბრიტანეთის მუდმივმა წარმომადგენელმა ბარბარა ვუდვორდმა განაცხადა.

"ჩვენ გვინდა გავუწიოთ უკრაინას ყველა შესაძლო დახმარება ომის დასრულებისა და რუსეთის ჯარების გაყვანის მიზნით, ჩვენ მოხარულები ვიქნებით ჩვენი როლი შევასრულოთ ამ კუთხითაც, თუ ამას უკრაინის ხელისუფლება გვთხოვს", - ამბობს ვუდვორდი.

მსგავსი პოზიცია გამოთქვა ბორის ჯონსონის პრესმდივანმაც. მან არ გამორიცხა, რომ ბრიტანეთმა თურქეთთან და შეერთებულ შტატებთან ერთად, უკრაინის უსაფრთხოების გარანტორის როლი შეასრულოს.