აღმოსავლეთ უკრაინის ქალაქ პოპასნაიაში საევაკუაციო ავტობუსს ცეცხლი გაუხსნეს

ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ აღნიშნა, რომ რუსმა ჯარებმა ქალაქ პოპასნაიაში ევაკუაციის ავტობუსს, რომლითაც 25 ადამიანი გადაადგილდებოდა, ცეცხლი გაუხსნეს.

ამის შესახებ CNN-ი წერს.

„ეს ევაკუაცია განსაკუთრებულად და უკიდურესად საშიში იყო. ავტობუსში 22 მგზავრი ისხდა. იქვე იატაკზე საკაცით გადაჰყავდათ 25 წლის ბიჭი, რომელიც ზურგისა და ფეხის არეში იყო დაჭრილი და პარალიზებული მოხუცი ქალი“, - აღნიშნა გადაიამ.

მისი თქმით, არავინ დაშავებულა და მგზავრები ახლა უსაფრთხოდ არიან.