ვოლოდიმირ ზელენსკი ემანუელ მაკრონს საფრანგეთის საპრეზიდენტო არჩევნებში გამარჯვებას ულოცავს

უკრაინის პრეზიდენტი ვოლოდიმირ ზელენსკი ემანუელ მაკრონს საფრანგეთის პრეზიდენტად ხელახლა არჩევას ულოცავს.

„ვუსურვებ მას ახალ წარმატებებს ხალხის სასიკეთოდ. ვაფასებ მის მხარდაჭერას და დარწმუნებული ვარ, რომ ჩვენ ერთად მივდივართ წინ ახალი საერთო გამარჯვებებისკენ, ძლიერი და ერთიანი ევროპისკენ!," - აღნიშნა ზელენსკიმ.

ცნობისათვის, გუშინ საფრანგეთის საპრეზიდენტო არჩევნების მეორე ტურში ემანუელ მაკრონმა ხმათა 58.55%-ით გაიმარჯვა, მისმა მეტოქემ, “ულტრამემარჯვენე” მარინ ლე პენმა კი ამომრჩევლების ხმების 41.45% მიიღო.