VIDEO: ტრაგედია ომანის სანაპიროზე - მთავრობამ ტურისტული ადგილები დახურა

რვა წევრისგან შემდგარი ემიგრანტის ოჯახი ძლიერმა ტალღებმა წაიღო ომანში. სამოქალაქო თავდაცვისა და სასწრაფო დახმარების ორგანომ განაცხადა, რომ მათგან მხოლოდ სამის გადარჩენა მოახერხა და ხუთს ამ დრომდე ეძებენ. შემთხვევა კვირას მოხდა. ამის შესახებ უცხოური მედია წერს.

ინციდენტის ამსახველი ვიდეო სოციალურ ქსელში ვირუსულად გავრცელდა, სადაც ჩანს თუ როგორ წაიღო ადამიანები ტალღამ.

პოლიცია აზიურ ოჯახს ეძებს, მათ შორის სამი ბავშვია. ომანმა დროებით დახურა ყველა ტურისტული ადგილი სულთანატის მასშტაბით არასტაბილური ამინდის გამო.