„წყალმა ექვსი ადამიანის ცხედარი გამორიყა" - ადგილობრივები რეგიონში სერიული მკვლელის არსებობაზე ალაპარაკდნენ (უცხოეთი)

მარტიდან მოყოლებული, კონექტიკუტში, მასაჩუსეტსსა და როდ-აილენდში  წყალმა ექვსი ადამიანის ცხედარი გამორიყა. პოლიციის განცხადებით, 3 მათგანის ცხედარი იდენტიფიცირებულია - ის 35, 56 და 59 წლის ქალებს ეკუთვნით.  ინფორმაციას უცხოური მედია ავრცელებს. 

NBC Connecticut-ის ცნობით,  19 მარტს, კონექტიკუტის სანაპიროზე ცხედარს მიაგნეს.  გამომძიებლების განცხადებით, ის 40-60 წლამდე ასაკის ქალს ეკუთვნოდა. ცხედარი ჩემოდანში იყო მოთავსებული. იგივე სცენარი მალე კონექტიკუტის სხვა 2 ქალაქშიც განმეორდა. პოლიციამ ადამიანის თავის ქალა იპოვა... 

გავრცელებულმა ინფორმაციამ ადგილობრივები რეგიონში სერიული მკვლელის არსებობაზე დააფიქრა.  მათი თქმით, შემთხვევები ერთმანეთთან კავშირშია და გამოძიებას საჭიროებს. 

„ეს ნამდვილად სერიული მკვლელის ნამოქმედარია",- წერს Tik-Tok-ის ერთ-ერთი მომხმარებელი.

პოლიცია მოსახლეობას წინასწარი დასკვნების გამოტანისგან თავის შეკავებისკენ მოუწოდებს.