ტრამპისა და პუტინის შეხვედრის დაწყებიდან ერთ საათზე მეტი გავიდა

აშშ-ის პრეზიდენტის, დონალდ ტრამპი და რუსეთის პრეზიდენტის, ვლადიმერ პუტინის შეხვედრა ერთ საათზე მეტია გრძელდება. მოლაპარაკებები "სამი-სამზე" ფორმატში მიმდინარეობს. ინფორმაციას CNN-ი ავრცელებს.

როგორც CNN-ი წერს, ეს მნიშვნელოვანია, რადგან ტრამპმა კვირის დასაწყისში განაცხადა, რომ რამდენიმე წუთში დაადგენდა, ნამდვილად დაინტერესებულია თუ არა პუტინი მშვიდობით. მან ასევე თქვა, რომ თუ სამიტი კარგად არ ჩაივლის, ის "წავა".

"შემიძლია წავიდე და ვთქვა: "წარმატებები" და სულ ესაა. შემიძლია ვთქვა, რომ ეს არ მოგვარდება", - განაცხადა ტრამპმა სამიტის დაწყებამდე.