ტრამპის ადმინისტრაცია გეგმავს, დაიწყოს ქვეყანაში არალეგალურად მყოფი ათასობით უცხოელის გადაყვანა გუანტანამოში მდებარე აშშ-ის სამხედრო ბაზაზე

აშშ-ის პრეზიდენტის ადმინისტრაცია გეგმავს დაიწყოს შეერთებულ შტატებში არალეგალურად მყოფი ათასობით უცხოელის გადაყვანა აშშ-ის სამხედრო ბაზაზე გუანტანამოს ყურეში. ინფორმაციას ამის შესახებ „ვაშინგტონ პოსტი“ ავრცელებს.

მედიის ცნობით, განხილული უცხო ქვეყნის მოქალაქეები სხვადასხვა ქვეყნიდან არიან. მათ შორისაა ევროპული ქვეყნები, ბრიტანეთი, იტალია, საფრანგეთი, გერმანია, ირლანდია, ბელგია, ნიდერლანდები, ლიტვა, პოლონეთი, თურქეთი და უკრაინა, უცხო ქვეყნის მოქალაქეები ასევე მსოფლიოს სხვა ნაწილებიდან არიან.

როგორც „ვაშინგტონ პოსტი“ წერს, საუბარია საერთო ჯამში 9 000 ადამიანზე. მზადება მოიცავს 9 000 ადამიანის სამედიცინო შემოწმებას, რათა დადგინდეს, არიან თუ არა ისინი საკმარისად ჯანმრთელები, რათა გაგზავნონ გუანტანამოში.

ტრამპის ადმინისტრაციის წარმომადგენლები აცხადებენ, რომ გეგმა აუცილებელია შიდა დაკავების დაწესებულებებში შესაძლებლობების გათავისუფლების აუცილებლობის გამო.