სასამართლოს დამოუკიდებლობისთვის საფრთხის შექმნის გამო ევროკავშირმა პოლონეთს შესაძლოა 75-მილიარდიანი დახმარება დაუბლოკოს

ბრიუსელი მზად არის გაყინოს რეგიონული დახმარების პაკეტი პოლონეთისთვის სასამართლოს დამოუკიდებლობისთვის საფრთხის შექმნის გამო, – წერს Financial Times.

გავლენიანი გამოცემა აღნიშნავს, რომ კანონის უზენაესობის დარღვევასთან დაკავშირებული დაპირისპირება ვარშავას, სავარაუდოდ, ათობით მილიარდი ევრო დაუჯდება.

„ვარშავის მიერ ფუნდამენტური უფლებების შესახებ ევროკავშირის მოთხოვნების შეუსრულებლობა ნიშნავს, რომ გაერთიანების თანმიმდევრული ხარჯებიდან, ახალი რაუნდის ფარგლებში, თანხის დიდი ნაწილი ევროკომისიის მიერ შეჩერდება“, - წერს გამოცემა.

ევროკომისიის კრიტიკის საფუძველი მოსამართლეთა პოლიტიკურად მოტივირებული დანიშვნები და სასამართლო სისტემაზე აღმასრულებელი ხელისუფლების გავლენა გახდა.